طموح البنت في عمـ‘ري عروسه ولعبه استشوار وانـ‘ـا كـل اهتماماتي عيونـ‘ـك ياضياء الدير

هااااااااي افري بدي
اخباركم وش علومكم <- ان شاء الله بخير
بصراحه هاذي اول مره احط موضوع في المنتدى عشان كذا
حطيت شعر لاني احب الشعر موووت
بس ان شاء الله يعجبكم ومايكون مكرر



&&&&&



بحاول أوصف إحساسي تجاهك وانثر الأمطار
بحاول.. بس يا الغالي شعوري صعب تفسيره


أنا من يومني بنت(ن) صغيرة والقلوب كبار
بلاني ربي بحبك , وعشت بعالم الحيره



أنا من يومني طفله وأنا لي بالهوى تذكار
عشقتك من صغر سني , يا زين الوصف والسيره


صحيح إني صغيرة حيل , ومن حولي بنات صغار
صحيح همومنا لعبة , وكل أحلامنا صغيره


طموح البنت في عمري , عروسه ولعبة استشوار
وأنا كل اهتماماتي , عيونك ياضيا الديره


في مدرستي عجزت أفهم دروسي والبلا أفكار
أفكر فيك يا خلي .. وزاد الشوق تفكيره


أنا ما همني درسي .. ولا هموني الشطار
تجاهلت الفصل كله .. عباراته .. طباشيره


كتبت اسمك على هاك الدفاتر يالغلا تكرار
رسمت قلوب ورديه , سكنها إنت , من غيره


ألا ياليتني بنت(ن) , تعرف تنظم الأشعار
يمين الله لأكتب لك قصايد تفضح الغيره


كبرت اليوم يا الغالي وزاد بقلبي الإصرار
على حبك , وحب اللي يحبك فاق تعبيره !


جذبت عيوني الثنتين , ألا يا ملفت الأنظار
سكنت حدود نبضاتي , بدون إجراء تأشيره


فداك اللي تبي آمر,تمنّى يالغلا واختار
لو إنك تطلب عيوني , لأقول إن العمى خيره !


جميع اللي تبي حاصل , حشى ما أنطق الأعذار
ولو يتعذر قليبي , حشى ماقبل معاذيره


تأشرّ باصبعك للشيء , تلقى مطلبك قد صار
فخوره لو أجيبه لك يا سيد القلب يا أميره


تبعثرني هموم البعد , وتبحر بي كما البحار
غزاني موج بُعد الخل , ولا وضح لي تبريره


متى ألقى مراسي اليم , وتلطف فيني الاقدار
ألا يا بختي بشوفه , ألا يا ليتنا جيره !


أنا من لامني بحبك , عساه لقصرة الأعمار
تلوموني على شخص(ن) ,حلاه أحلى من الشيره


قالوا لي تحبينه وقلت إن الحروف كثار
أحبه و اعشقه و أهواه, ولا أرضى بتغييره


شجاعه , بس لا شفتك , كياني يا بعدي ينهار
قويه , لكن قبالك , شعوري صعب تظهيره


عيونك يا بعد كلي , تهز الفارس المغوار
شموخك مفخره للعز , يذكرني بأساطيره !


إلى مني تباطيتك , تولّع في حشاي النار
تزوّد جرعة الأحزان , تزيد القلب تخديره !


وإذا يا عيني لاقيتك , يثور بداخلي إعصار
أطير بعالم الفرحه , تقيّدني أساويره


لو إنك تدري بحبك , كم له داخلي مقدار
يطير العقل يا خلي , كأنك شارب(ن) بيره !!..



&&&&&&


وياويل الي يدخل ومايرد
امزح بس ردو وارفعو معنوياتي

ههههه

فديتك

لي الشرف بعد اكون اول من يرد عليك

رووعه × ذوووق وربي

عساآ يدينك ما تمسها النار

دوم متميزهـ ..

ابقي كما عهدناك .

يسلمو يالغلا

ودي

.....● ....● .....●
يسلم ذوقك يآ نهر ’’
شعر في قمة الروعه ’’
دوم يارب هالآبدآع
لآهنتي
.....● ....● .....●

تسلمووووولي ع المرور الرائع والاروع
لاحرمني الله عطر وجودكم,,,