جيتك يا بحر أشكي الهمين!!

هذا مكانه يا بحر واعرفه زين؟

رغم البطا كنه هنا من ثواني!!‏



كنا هنا قبل نتفارق بعامين..‏

قبل المطر يجتاح وجه المباني..‏



وينه غلاتي,,يابحر وينه الحين ؟!

مرك,,لمحته,,مانشد عن حناني؟!‏



بالله قول انه هنا قبل يومين,, ‏

ودي احس انه هنا مانساني..‏



حتى الكراسي تسألك يابحر وين!!‏

من غيبته حتى الكراسي تعاني..‏



كنا هنا قدام وجهك محيين.. ‏

نرسم على سطحك كثير الاماني..‏



شف يابحر على جالك اثنين..‏

واليوم ماغير الدمع والمواني..‏



دونه اشوف الزين بناظري شين..‏

‏"وبأسمه انادي واحد من اخواني"‏



وين السعاده ناسيتني من سنين؟؟

مدري بعد هو مثل السعاده نساني؟!‏



آآآه يابحر الدمع في محجر العين,,‏

ماقدر على ذكراه هزت كياني..‏



ماقول يسوى في عيوني ملايين..‏

يسوى عيوني وما غلا في زماني..

‏

هو القمر في الارض يمشي برجلين..‏

مافيه مثله يابحر شخص ثاني..‏



شف يابحر ماهزني غير ثنتين..‏

فرقاه.. وميسم هالزمن لاكواني..‏



لكن امانه يابحر احفظ الدين..‏

لاجاك ثير الموج لهفه عشاني,,‏



قله غيابك عن حبيبك سكاكين..‏

ماهو حرام الذبح بإنسان فاني!!‏



دايم يحن لموعدك يعرفه زين..‏

ودي بشوفه يابحر لو ثواني....!!