عسى يومي قبل يومه

عسى يومي قبل يومـــه.....}{

هلا بالخاطر اللي من عبيره عطّر الوجدان
سرى بالشوق لآخر ذوق. واعطى النبض ديمومه
::
هلا بالطاري اللي لا رمى طيفه على الأذهان
كسبه الانتباه.. وكل غفله منه محرومه
::
هلا باللحظه اللي ما طمع في عرضها النسيان
عليها تنحني الذكرى. وفوق الصدر مضمومه
::
هلا بالدمعه اللي ما تشك بصدقها الاحزان
بعيد الشك عنها بعد جفن العين عن نومه
::
هلا بالبسمه اللي عيّدت بالورد والألوان
صباح الخير قل للطير لا غنَّى وش علومه
::
هلا بالنسمه اللي عصر تكشف رقّة الأغصان
بظل الغيمه اللي في ضما الوديان معزومه
::
هلا بالخصله اللي غار منها ليلك الفتان
جرحنا الصبح. والا الليل أثر جرحه من انجومه
::
هلا بالنظره اللي كلها غربه وفيها أوطان
هدبها فيه منفا للشقي عن جملة اهمومه
::
هلا بالنبره اللي بانكسارتها صدى الحرمان
وسبحتها الجروح اللي بسلك الحزن منظومه
::
هلا باللي عليه أبدي الجوا واخفي السلوان
واقول النفس مظلومه وهي ماهيب مظلومه..!
::
هلا باللي فداني بالحياه وفرصة الإنسان
يبي يومه قبل يومي. عسى يومي قبل يومه
::
لاارواحكم الطاهره
اهدي ما راق لي

رَهِينْ ـآلشٌوقْ.,
ـآهنيك علىآ مآقدمت., طـآب صبـآحُكْ