تكبرت، وتكبرت ،وتحديت..وتحديتك..!(لكن حشى مانسيتك)

.!.


رحلت ومقصدي كله.. عشان انساك
نسيتك ؟ لاحشى واللي خلق راسي تناسيتك


تناسيتك نعم لكن بقت في داخلي (ذكـراك)
بقى في داخلي زولك بقى في داخلي بيتك


ألا ياكيف أنا بآسلى ليالي غربتي واسلاك ؟
مدام اني ليا جيت لمرآية غرفتي جيتك


أشوفك في وسط عيني وأغمضها عشان امحاك
واشووفك داخل جفوني إذا غمّضت [ ضمّيتك ]


ورى عوج الضلوع ألقى بقايا ضحكتك والقاك
وأسافر لك وانا حيّك واسافر لك وانا ميتك


نقشت [أسمك] على عرق الخفوق اللي فقد يمناك
واذا مرّ النفس صدري تذكرتك وحيّيتك


شهور مرّت وانا قلبي يعيش بضيعته بحماك
بدون أسباب لاتسأل ليا منّي تمنيتك


أهذري بك واغني بك ( أنا اهواك أنا أهواك )
وأمرّك تايهٍ .. واذكرك لامني تعديتك


حبيبي طالبك تكفى سألتك بالذي سواك
وش اللي يمنع عيوني ليا جيتك وراعيتك ؟


تحاكمنا على الفرقى بدون اسباب يامقساك
تخالفنا .. تعدينا الحدود .. ورحت خليتك ..

كذا مامن سبب يشرح نهاية قصتي وياك
تكبرت .. وتكبرت .. وتحديت .. وتحديتك ..!


تفارقنا ودمعات [القهر] تخشع على فرقاك
وبلاي اني من دموع الوداع المرّ واسيتك


حبيبي والفضا كله مساحات وسما وافلاك
يضيق وغيبتك قشرا ..و أنا جيتك وناجيتك


مدام إن الغياب اللي يداعب غربتي فتاك
... لاتجاهلني .. وانا للوصل ناديتك


صحيح اني تجاهلتك وخليتك عشان [انساك]
ولكن والذي سوى عروقي .. بس تناسيتك


تناسيتك نعم لكن بقت في داخلي ( ذكـراك )
بقى في داخلي [حبك] .. بقى في داخلي بيتك

نقشت [أسمك] على عرق الخفوق اللي فقد يمناك
واذا مرّ النفس صدري تذكرتك وحيّيتك

كلمات كتبت من قلب مفجوع بفرقى من يحب
ابيات في غاية الجمال والاحساس الصادق الهجر ولوعته ومر ليام في بعد الحبيب

ابدعتي
}.!!

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اي ذوق تتمتعين به يانـــورهـ..
واي حرف تحمليه على موائدنا بعدما
تمزجيه بريق ذوقكِ..واي شعور نعيشه
ونحن نتراقص مع جمال حرف تنثريه..
عشت مع كل حرف لديكِ..وتنفست
مع كل نفس تعابق باريج همسكِ..
وتراقصت روحي لروعة ماتساكب منكِ..
يارفيعة الذوق..
اقبليني هنا ايتها اللانثى المتعالية فوقا فوقا
في عالم الذوق..
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

صح لسسساتنك و أعتلى شأنك ..

قصيده رائعه و ساميه الذووووووق ..

لا هنتِ ..

أسير ، توتا ، كيان



وآزدآن المتصفح بحضوركم يّـ احبه
لقلوبكم الجوري ..