اتذكر الجرح وإلا انسىالزعل وارجع

اتذكر الجرح وإلا انسىالزعل وارجع
لي كم يوم(ن) وصلت ومابعد جيتك
وانا مابين الزعل والشوق ...متوزع
وانت الذي لا وفيت .....ولا تناسيتك
تطفي شموع الزعل وتذوب وتولع
وليا اشتعلت بخيالي وذاب.. ضميتك
تسرقني الذكريات لشارعك واقلع
ويردني كبريائي قبل اصل بيتك
لكني احبك و نفسي منك ماتشبع
ولو الغلا ينشبع بالشوف....مليتك
وانت اتجاهل غلاي وماتبي تقنع
اني على كل من حبيت ... بديتك
خليتني للزعل واقفيت قبل.. اسمع
منك ولو كلمة ترضي ولا ارضيتك
سمعتني كل حرف(ن)يجرح ويوجع
ولو هو عتب كان يمديني تحاشيتك
لو كل كلمه برمح(ن) فالحشا يزرع
ماكان تغني دروعي .....لو تفاديتك
ماكلف الله نفس(ن) غير ماتوسع
وصلت حدي وانا لقصاك ....حديتك
والله يغفر الخطايا قبل
لاترفع
ويكفر الذنب عني كان
مريتك
والحب يبقى بقلبي والزعل يطلع
والقلب ينسى ولاينسى اني اغليتك
والوصل بيديك ماعاد الجفا ...ينفع
انسى الخطا واذكر اني يوم حبيتك
وانسى اني ارجع لو اني قلت لك برجع
وانسى بعد كان تقدر كل ما عطيتك
وانسى القصيده مابين القفل والمطلع
واتذكر اني وصلت ورحت... ماجيتك

يعطيك العافيه
ننتظر جديدك

يعافيك ربي يالغلا

وانسى القصيده مابين القفل والمطلع
واتذكر اني وصلت ورحت... ماجيتك
مشكوره يالغلا عل الكلمات الاكثر من روعه
يعطيك الف الف الف عافيه وعساك على الابداع
تقبلي مروري

خليتني للزعل واقفيت قبل.. اسمع
منك ولو كلمة ترضي ولا ارضيتك

المشاعر
فديت هالطله الحلوه
ماننحرم

غرور
يسلمو على المرور العذب