لاصرت بايعني أشوفك على خير

لاصرت بايعني أشوفك على خير
مع الــســـلامــة دام مــابه ســلامه
قلت أنتهـينا قلتلك خـيـر ياطـيــر
ماني بأول شخص يخسر غرامه
محذرك من قـبـلهـا ألف تحـذيـر
لا عفـتـني بـيـعيف قـلبي هيامه
ماني بميت لا ولا أحتاج تـبرير
صـح الله لــسانـك وفـر كلامه
بسمعك حبكه وفكره وتصـوير
وأفهم عدل يامدعي بالفهامه
وجه الشعر أبيض ويحتاج تغيير
ودي تزين هالقصيده علامه
ماضيك الأسود أبذكره دون تقصير
كذا يكون بخده الشعر شامه
يصدق معي تعبير ويخون تعبير
يا ضيعت الشاعر بوقت أنسجامه
يمكن خطاء أدونك بالشعر مير
لو محترمتك للغرام أحترامه
ماكان حبك غير بس طعنتك غير
علمتني معنى الندم والندامه
ماجاك مني أي زله وتقصير
كل ما خطيت أعاتبك ببتسامه
حسبي على الذكرى إذا هبت أعصير
ماعاد تنفع شرهتي والملامه
البال ظامي وقتها والحزن بير
خسرتك وهمي كسبت إهتمامه
والليل فازعلك كذا جاني مغير
ظلمتني وأكثر ظلمني ظلامه
لقبل علي أوحيت صوت المسايير
وفزيت كل ضيفن أقوم ابمقامه
وليا عزمها الليل ضيقه وتفكير
قلي بربك كيف أبقدر أنامه
ما فيه داعي للعتب والمعاذير
الغدر خال الجرح وأطيب عمامه
أما يجيب الله مطر تالي وخير
والا السلامه ماش مامن سلامه
مما راق لي
حمـــــودي

مشكور يالغلا ع القصيده
كلمات فاقت الوصف والتعبير
ما الموم مديرنا حاطها بالتوقيع
دمت يالغلا بــ غلا

يسلموووو أبيات جناااااااااااااااان


يعطيك الف عافيه