مشكله لاصرت كاتم جرحٍ ومحدٍ بك درى

	مشكله لاصرت كاتم جرحٍ ومحدٍ بك درى لو خفيته وسط قلبك تفضح الجرح العيون ومشكله لومابقى لك شي واحد تخسره من بعد ذيك الخساره كل شي عندك يهون مابقى فالدنيا هذي شي واحد آخسره من بعد ما آنا خسرتك كل شي بعدك يهون والله لو اخسر حياتي من بعد حبك ترى عادي جداً ياحبيبي خل يكون اللي يكون ليه عايش والله مدري ليه عايش ياترى وانا كل مافيني ميت حتى مدري من أكون من آنا وين المشاعر وين إحساسي سرى وين حبي وين شوقي وين ودي والشجون وين ذاك الطايش اللي باع فالدنيا وشرى وين ذيك الشاعريه وين كل ذاك الجنون وين قلبي مدري وينه وش حصله وش جرى أذكر انه كان طيب مخلص وافي حنون مدري والله لونسيته او بعدني اذكره راح وخلاني لحالي بين هذي الطعون كل شي فالدنيا يبرى الا جرحي مابرى كل مال للجرح يكبر كم بداري كم بصون مشكله لاصرت كاتم جرحٍ ومحدٍ بك درى لو خفيته وسط قلبك تفضح الجرح العيون ماكتمت الجرح خوف ولا كتمته مكابره والا خايف من الشماته والاخايف من الظنون والله ماهمني الحكي والا الضحك والمصخره اللي يحكي خله يحكي واللي يجرحني يمون كل من يحكي عليه من ورايه اعذره وصرت أستغرب من اللي من ورايا يسكتون آشكر كل من قال عني آي حاجه آشكره المهم إنه تكلم والحكي اصلاً فنون تكسب اي انسان ممكن بالحكي او تخسره والحياه كسب وخساره كيفهم خل يخسرون فرصه جتكم يالعواذل واستغلوها ترى الحياه فرصه واذا راحت عليكم تندمون صرت أشك حتى بنفسي بعد كل اللي جرى وصرت اشك اكثر بعد بلي أمامي يضحكون مااثق بأقرب قريب ولو هوعمله نادره والله ماهمني لو انهم من كلامي يزعلون مابقى فقلبي محل لا للزعل والا الشره اللي يزعل خله يزعل واللي يشره يشرهون يزعلون او يشرهون مااحس مااسمع ماارى مابفتكر فيهم أبد لو يشرهون ويزعلون مايهمني من يحبني ومايهمني من كره دام عمري صار ماله ريحه اوطعم ولون والله ضحكني كلامٍ في شفاةٍ حايره يوم قالو العفو في المقدره دايم يكون روح ياعمي دخيلك أي عفو أي مقدره هو بقى فيها عفو أو مقدره لاياحنون لاتظن هذا الحكي يومي ااقوله مفاخره لاوربي بس هذا الواقع اللي توصفون لاحشى لاماا ابالغ اوكلامي بهتره هذا هو الحق لوإنكم تبون او ماتبون حكمه وحده في حياتي واعتبرها صادره من تجارب شخص عانى بس مدري من يكون العدو لا لا تخافه في يوم والا تحذره خاف واحذر من حبيبٍ او قريبٍ لك يصون العدو لا مايخونك من أمامك تنظره والحبايب والقرايب من ورى ظهرك تخون واللي يفاجئك بغدر لا تحاول إنك تغدره أسكت وخله فناره خل تذبحه الظنون والله لو تسكت بيجن ويثور وأنت بتقهره والانتقام اصلاً حلاته بكل هدوء اعصاب يكون ماكذب من قال ان الدنيا هذي مغامره والبطل في كل قصه يضيع مابين الظنون يايموت ويايعيش بهم دوم يحاصره نادر اللي في نهاية كل قصه يهتنون وش بقى لي من حياتي راح عمري اكثره بين جرح وبين هم وبين غم كله بسكون وهذي الحاله ولامن شاف ولابه من درى والبشر من طبعهم فالدنيا دايم يلتهون ضيم في قلبي وروحي صرت والله ما اقدره ماروى ضيمي نهر والا بحر والا مزون ليه احس إني ياعالم صرت اعيش بمقبره كني لحالي معنكم تسرحون وتمرحون صرت انال الناس اشكي عن همومي أشكره وأنا عمري ماشكيت لحد عن هم وطعون والشاطر اللي يفهم لشعري ومابين أسطره بس ياحسافه وين راحو ناس كانو يفهمون باقي في قلبي كثير أشياء بس المعذره لو بعبر عن شعوري خايف إنكم تزعلون بإختصار الجرح جرح كان أكبره والا أصغره الحزن في القلب لاتغتر من ضحك السنون مشكله لاصرت كاتم جرحٍ ومحدٍ بك درى لو خفيته وسط قلبك تفضح الجرح العيون ومشكله لومابقى لك شي واحد تخسره من بعد ذيك الخساره كل شي عندك يهون

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

بإختصار الجرح جرح كان أكبره والا أصغره
الحزن في القلب لاتغتر من ضحك السنون


مشكله لاصرت كاتم جرحٍ ومحدٍ بك درى
لو خفيته وسط قلبك تفضح الجرح العيون

ومشكله لومابقى لك شي واحد تخسره
من بعد ذيك الخساره كل شي عندك يهون

الييييييييمه وصح لسآنك وآختيآرك وذوقك

ألف شكر وربي يعطيك العافيه ولاهنت

مآننحرم جديدك

{كًيْانٌ الحًزنْ..~ لَقدْ نَثرْتَ عِطْراً بَينَ هَذهـ آلكَلِماتْ.. حَرفُكـَ عَذبٌ شَجّي نابِع ٌمِنَ الـ قَلبْ سَلمَتْ يُمْنآكـَـ عَ آلطَرحْ عَـآنقَ آلسَمـآءْ بِرَوعَتهِ آرْجو آنْ يَتَجددْ نَقاءَ حَرفُكـَ هُنا .. فَمثلكـَ تَفْتخرْ بِه الصَفحآتْ حمَاكـَ رَبّي الكَريمْ الرَحِيم ْ..} ::::([فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ) ::

حماك المولى ...

أشكرك أختي توتا ..