اللي يحمل المسك ماينفخ الكير ..!!

[align=center][tabletext="width:80%;background-image:url('http://www.alshoogg.com/vb/backgrounds/15.gif');background-color:limegreen;border:7px double deeppink;"][cell="filter:;"][align=center]ساير زمانك وانتبه تعكس السير
وسمح الجناب اللي يراعيك راعه
..
ربعك حزامك فالليال المعاسير
صدرك عليهم لايضيق اتساعه
..
قد قالو اللي يحكمون التعابير
ترى يد الله مع يدين الجماعه
..
حذراك دينك لا يجي فيه تقصير
لا ضاع دينك ماش غيره طماعه
..
إبليس لو زيّن دروب المحاذير
أبعد عن اللي مايجوز أتباعه
..
عقب المنيه ما تفيد المعاذير
واللي يطيع إبليس ماله شفاعه


..
أشر الرفيق اللي يعينك على الخير
وبيع الردي فالسوق بيع البضاعه
..
لازم يجي من صاحب السوء تاثير
يدوّر اللي يخشره في ضياعه
..
اللي يحمل المسك ماينفخ الكير
ومن جالس المقرود ياخذ طباعه
..
كم من كبيرٍ بالعقل عمره صغير
وكم من كبير بعقل سن الرضاعة
..
لا تستشير إلا حكيم التدابير
رجــــــلٍ تفيدك خبرته وأطّلاعـــه
..
العاقل يشاور هل العرف ويشير
وكل(ن)ً على ماقيل حسب أقتناعه
..
الطيب يبدي فالوجيه المسافير
يبدي كما نور(ن) توهج شعاعه
..
رآآقت لي ..
سبحآن الله وبحمدهـ.. سبحآن الله العظيم ..,
.,
[/align][/cell][/tabletext][/align]