اكتب بيــــت شعر يعبــر عنك في هذه اللحظه

كان تبي وش غايتي هالدقيقة
فاعرف ترا ني ياهوى الروح مشتاق

خيال

سالني عن غلاك الشوق وجاوبه الوله اهواه
واكد خافقي ياشوق انا بالحيل مجنونه

كثر مامرني طيفه وصاح الشوق بي اواه
كثر ماتسهر عيوني تناجي الليل لعيونه

احبه تشهد حروفي وشعرٍ واضحٍ معناه
احبه كيف ما ادري وروحي فيه مفتونه

الا ياشوق لو تدري بحبٍ خافقي أخفاه
عن عيون العرب خايف يوصل سمع مضنونه

تصدق لو ابحكيلك عن احساس الهوى ومعناه
تهزك دمعة عيوني وجرح القلب وطعونه

انا ياشوق يذبحني حنيني والوله وياه
ولو غاب الغلا ياشوق اشوف الموت من دونه

احس النار تحرقني الامن جاب احد طرياه
بصمت اتنهد بسري عن العذال يوحونه
اخاف اليا درى عاذل عن الي بالحشى ارعاه
يبّعد بيني وبينه واموت بنار مغبونه
اضم السر في قلبي ولامن جا يبوح انهاه
وخوفي لا يثور الشوق ويفضي القلب مكنونه

اجمع حروف الشوق وتشوف اسمك
اسمك ذهب في داخل القلب مكتوب
ولون حروف الحب ويبان رسمك
والي رسمك بداخلي ذوق موهوب

خيال

سهله وربي تقول / يا ( أبيك او ما ابيك )
هو كثير اللي كره / شخص سابق يعشقه
بس ما أرضى اعيش بين هيك وبين هيك
ماني بـ كرت احتياط لاجل فتره / تحرقه

احتاج لك صبح ينور حياتي
يالي صباحك يسعد الكون كله

خيال

ودي أسأل خافقگ هذا السؤال }--
وأعتبر ياقلبي أن هذا فضول
هل صحيح تحبني أو هو خيآإل
أنشدگ بالله جاوبني من أگون ..

لا يآخذگ ظنگ علـى ظلم وإبهات
أبغاگ لگن المقادير عيت
رح خلها و بگيف ما جاتنا جات
وآعزف على لحن المفآرق ونيت
وماهمنـي لو باقـي العمر .. صَدمآت ..
مآتوجع الضربه محآديب ميت

صباح الشوق لعيونك ولقليبك صباح الحب
صباح ينتثر فيه الغلا والنور بدروبك

خيال

يسعد صباح الرضا والحب .. وعيونك ..

وشموس صوتك وبرد الصبح .. ونعاسك ..!!

والله اني احبك .. واعشق جنونك ..!
يا حلو كلمة صباح الخير .. بإحساسك ..!!

تعال مابقالي يوم بغيابك يصبرني
أخاف أموت من شوقي وإنته مطول غيابك
تعال وكل شي صار في بعدك يذكرني
دروبك ضحكتك طاريك وريح العطر في غيابك

أنا من غبت عن عيني خيالك مايفارقني
تصدق حالتي صعبه وعمري ضاع بأسبابك
يا أجمل من سكن قلبي عمّرني ودمّرني
تعال وشوف وشسوى حنين الشوق بأحبابك

أنا وين أبتعد عنك وعيونك تحاصرني
أنا وين أفترق وأروح وأنا سري أهدابك
ياكل إحساس هالدنيا والله الشوق غيرني
أحبك ليش ماتسأل وأنا اموت بترابك