وداعا يامن أحببت

استأذنك) بسافر ايام واجيك
وان طالت ايام السفر لاتحاتي
حتى ولو طولت ماني مخليك
ياللي بدونك ويش تسوا حياتي
تامر علي حاجه ؟باودعك واليك
عسي عوض الايام في المقبلاتي
حتى يدي ماودها تفارق يديك
ساكت وانا اشوف البلا في سكاتي
ماشفتني لارحت منك التفت فيك
بلاي والله روحتي والتفاتي
لكن قبل ماروح ودي اوصيك
وانت الوحيد الي يقدر وصاتي
لحد"سألك وقال لك وين مغليك
قله لوازم لاقضاها بيآتي
وان طرو النسيان مانيب ناسيك
ياراس مالي في الحياه وغناتي
وان طرو السلوان مانيب ساليك
طيفك معي حتى وانا في صلاتي
قلبي وهو قلبي اذا مر طاريك
لولا ضلوعي كان عزوا مماتي
لو جض صدري كان يمديه يأتيك
ويبات عندك ويهنا بالمباتي
انا وقلبي والغلا ساكن" فيك
وانته وقلبك والغلا وسط ذاتي
غلاك مثل الحكم عند المماليك
اكبر طموحي( لا ) كل امنياتي
شف في غيابي اي حاجه تسليك
لاني بعدك اسلآ مع ذكرياتي
احاول اذكر اي شي يطريك
واقول هو سوء وانا ذي سواتي
كني موادع كل شي حواليك
كني حسبت احساب حزت وفاتي
احب لاني مااقدر انساك وابيك
ولا اقدر اخليك ياالي تحاتي
معنى احب ولااقدر انسى واخليك
يعني بدونك ويش تسوا حياتي

مساء الخير وافطارشهي ب اذن الله

لاشيئ سوى
أيام تمضي ... مسرعة
والحياة لاتقف امام من يرحلون ؟؟
وانما تمضي ولا يقف سوى ذكراهم بقلوبنا

تحير بحلقي العبره وألبسها الدموع ثياب
بكاني كل شي حتى غلاك ووحشة غيابك

للحنين إحساس : تحضنه الثواني

و الوجع : لو زاد سطوه / ما قتلنا ..!

و للرحيل أجراس : تطرقها المحاني
و للدروب آذآن : تسمع لا إنخذلنا ..!

مديت لك صوتي تفآصيل.. وأزعجت
روحي..وانا بغيابك/ أحتاج ترتيب!
يا أعذب الأنفاس تدري وش أحتجت
أمسك يدك بشويش وآخذك ونغيب!

حيااكم

بداخلي هيجان كهيجان هذا البحر