طال الفراق

طال الفراق

ياحبيبي يانصيبي والقدر
لا تخلي آلناس فيني يشمتون

عود لي يانور عيني والنظر
عود لي ياصاحب القلب الحنون

ياحبيبي مابقى فيني صبر
شوف حبك كيف وراني الجنون

ياحبيبي شوف حالي في خطر
اه لو تعلم بحزني والطعون

سهم حبك في فؤادي استقر
من دماء قلبي سهامك يرتوون

صابني وانا مصوب في الصدر
اختلج احساس قلبي والشجون






والعشق والحب من طبع البشر
لا حسبنا له ولا هم يحزنون

ساهره ليلي على نور القمر
والعشق والشوق باين في العيون

في غيابك ماعرفت الا السهر
والسهر حرق عيوني والجفون

لو غيابك طال اكثر من شهر
مالت اغصاني ووردي يذبلون

انت لي نهر الوفاء وانت المطر
خل وردي من حنانك يشربون

خل قلبك مزهريه لي مقر
واعتبرني من زهور الزيزفون






انت لو مو انت ماقلت الشعر
انت لو مو انت ماغني لحون

كاتبه اسمك على اوراق الشجر
وأسأل العشاق واللي يسهرون

اسأل العشاق في بدو و حضر
وأسأل اللي من امامي يعبرون

راحت الايام ماجاني خبر
شبة النيران في قلب الفتون

والرسايل في بريدي عالصفر
وينكم ياللي علينا يرسلون



في حياتي لو بقى فيني عمر
انت حبي والوحيد اللي تمون

والله اني اشيل حبك للقبر
الوعد لا تاخذك فيني الضنون

وسط قلب الفارسه حبك جمر
من لهيب الشوق انا ذقت الفنون


ل/فآرسةة آلحرف

راحت الايام ماجاني خبر
شبة النيران في قلب الفتون

والرسايل في بريدي عالصفر
وينكم ياللي علينا يرسلون


كلمة وينكم لوحدها .. تدمر الكيييان ..


شكرا لهذا الابداع المميز ..

رهينه وددت لو اخترت احد الابيات لكنني كلما هممت بواحد وجدت الاخر اجمل منه

لهمسك هنا عنوان

سلمت الآنامل

-





لآعدمتْ هآلحضضضور .~
.}