نبضات رهين الشوق

و أنا كل ليل ,
أصحي هـ الشعر لجلك ولا يلقاك ,
ويستنّاك ,
واذا نغفى يطيح الحيل ,

انا محتاج لك بكتبْ
تعال إزعل .. تعال اغضبْ
واذا كذبك يجيب الشعر !
لا تكذبْ


أبيك اصدق من الشعر فــ مُخيّلتي
...................... لاني ماكتبت فــ يوم من كذبه !

أبيك أصعب من اجابه لـ اسئلتي
..........................انا متعوّد اشيائي تجي صعبه



انا مآخنت ,
انا من فوق خمس سنين جبت سنين
ابتناساك لو ما انساك
انا ماهزني للحين
اذا شفت بـ عيون الشامته : ( خلاّك ) !
لاني صنت
لكنّ الزمن ودّاك


وعرفت إن الحزن تافه
اذا هو مايجيبك ليّ ! ليه احزن !
حسافه عاذلي شافه
أبضحك لجل ابوي شوي
وعشان اميّ تقلل من محاتاها
هم اغلى شئّ
يسكن في دواخلنا ويعرفها ويقراها

واذا بذكرك بدعي لك :
يشيل الله من قلبك محبّة جوووي
( عشان تعيش )
ويرزقك الهدوء اللي ورى التطنيش
ولا تعتب
ولا تغضب
ولكنّي بـ اظل اكتب :
( انا اللي ماقدرت اعيش )