تهددني بتتركني .. توكل ما ابي طاريك

تهددني بتتركني توّكل ما أبي طاريك
تراني عفت اسلوبك وعفتك قبل اسلوبك

انا ماني بتابع لك وكل همه يجي يرضيك
أنا سيد لأسيادك وفارس رغم عذروبك

تراني يوم أقوول آسف تحسبني بعد أبغيك
تمهل واسمع الباقي وخل الناس يدرو بك

إذا كان الوفا في الحب تجرحني وذا يرضيك
دخيلك ظف لي وجهك ترى قلبي مهو بصوبك

أنا لا جبت طاري الحب نطق قلبي وهو شاريك
حرام الّي تسوينه أنا ثوبي مهو بثوبك

أقابل حبك الجافي بحب (ن) صادق (ن) يرويك
أشوف الزيف في ضحكك وأجامل واستر اعيوبك

تحملت الخطأ منك كتمته ما أبي أشقيك
صبرت وقلت يتغيّر معا الأيام محسوبك

عطيتك قلبي الغالي رجع لي باكي(ن) يشكيك
يقول أوفيت انا وياه ... طعني ...صار يلهوبك

خذيت القلب ضمدته ....صرخت ...علّتي هي فيك
تشوف الناس تجرحنا وتسمح من لفا صوبك

أبيك اتوب يا قلبي ترا هالحب هو يفنيك
أبيك اتوب من عالم تخادع تروي إذنوبك

كفايه ما تحملنا ..كفايه دمعتي تكفيك
كفايه من مآسينا ...كفايه غير ادروبك

كفايه لا تعذبني ...كفايه ما بها تشكيك
كفايه صادقه مني ولك انسان يسمو بك

كثير الّي تمنوني أكابر واعلن التفكيك
أقول .. ( القلب ) ..هو غالي ولا انته قد مطلوبك

حسافه عشرتي ويّاك ..حسافه كنت في ماضيك
حسافه بختم الأبيات ..وبفرح لحظة إغروبك [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

كفايه ما تحملنا ..كفايه دمعتي تكفيك
كفايه من مآسينا ...كفايه غير ادروبك


صح لسسسسسسسسسانك ..
و أعتلى شأنك ..

الله يعطيك العافيه
يسلموو خيتي

يسلموووووووووووووو ياأحلى عشوقه على هالأبيات ... تسلملنا يمينك يالغاليه ... الله لايحرمنا منك ولامن مواضيعك