نبضات رهين الشوق

وش تحترينْ ؟
( مآيسمعون ) !
وَ لو سمعوا ما يرجعون ،
أقفوا .. و حنَـا ننتظر .. مآ يرجعون :
ودي اسولف لك عن قلبٍ جفته الأمكنه . .
وَ أحبابه أيضًا مادروا ، وَ لو هم دروا
[ مايرجعون ] !
مثلي تجرعتي الحنين ،
وش تحترين ؟
بَ أختصر لك قصتي . .
رغم إنكساري و غصّتي !
من عام وَ أكثر .. كنت أجي و أدوّر / أحبابي هنا ،
وَ أقول يا اللي غايبين .. [ الله لنآ ] !
وَ .. ( محد / يردّ ) إلا البحر
صوته وَ أمواجه وَ أنا ،
صرنا مع الوقت أصدقا !
و ( أحباب قلبي مادروا ) وَ لو هم دروا مآيرجعون : |
قولي لي يا بنت الوفآ منهو صفا ؟
وقولي لي وش سرّ ( الحنين ) اللي ليآ / اشتقنا يبين !
يمكن الآقي لي عذر أحطه بَ : [ وجه السنين ] !
يا بنت ؛
أحلامك بحر و أحبابك اللي غايبييييييين ؛ ماجرّبوا ( طعم القهر )
قومي معيْ ..
يمّ الفضآ خلّ نعطي الغايب : [ ظهر ] !
وَ ننسااااااه وَ ننسى مامضى
وَ نعيش باقي هالعمر لو إن نصه انقضى كنّه شهر !
وَ ( مايرجعون )
يابنت ؛
لو زاد الحنين لا تشتكين . .
وإن مرّك أحبابك غلط / قولي لهم : [ مآهمّني ]
وَ اللي تشوفونه ترى ماهو حنين .. اللي تشوفونه فرح !
لكن من زود الحيآ عيآ يبين
مايرجعون ،
راحوا و حنا ( نحتري ) !
و جروحنا .. ماهي رخاص ،
كم جرح مبطي مآ بري !
تعالي نوقف لَ الغياب و نصيح .. ( منهو يشتري ) ؟
يا بنت ؛
بَ أكتب لك شعر ، وَ لآ تفرحين بَ كلمتي ..
( لأنه حزين ) وَ أنا أدري .. : [ منتي ناقصة جرح و أنين ] !
لكن ، الحزن لو هو ثانية يفضح من الفرحة سنين . .
امشي معي : )
وش تنفع الجلسة هنا !
كل الأوادم لَ الفنا ،
وَ أحبابنا اللي غايبين / مايعرفون إنّا هنا . .
وَ لو هم دروا ( مآيرجعون ) !