بعض البشر شيطان في ثوب وعقال

بع’ـض البشـشـِشر شيطآأن في ثؤوب وعقإأل |~

ما كل ما يسمع من الناس ينقال
اشكل كلام الناس مثل الدعابه

اسمع ودع تسلم من القيل والقال
لوقلت كلمة طوروها حكايه

السر خله من وراء سبعة اقفال
وراقب مفاتيح الضمير بعنايه

لا تحسن الظنات في كل الاحوال
خلك حريص ولاتسوي كمايه

ماكنت افرق بين طيب وبطال
حتى جمعت من التجارب كفايه

ورتني الايام في كل رجال
علامة ما تكتشفها المرايه

ورتني الايام في الناس عقال
ماتنخدع بين الفتن والوشايه

ورتني الايام في الناس جهال
دار الزمان ولالهم به درايه

ولقيت في الدنيا تجاريب وامثال
ميزت فيها صاحبي من عدايه

لقيت بعض الناس صاحب ومحتال
يضحك معي ويسبني في قفايه

ولقيت بعض الناس للهرج نقال
تلقاه نقل الهرج عنده هوايه

بعض البشرشيطان في ثوب وعقال
وكل شيطان دواه القرايه

هذا دواه البعد لو عشت رحال
حيث الردي فرقاه غاية منايه

دار بها يمسي الفتى خالي البال
ودي بها لو كان ما القى عشايه

وان كان مال الوقت والوقت ميال
اصبر على جرحي وادور دوايه

واشيل همي في ضميري ولو طال
رجاي في اللي مايخيب رجايه

رب كريم يبدل الحال بالحال
ويطيب جرحي من خلاي بخلايه

وليا زبنت ازبن على طيب الفال
اللي يهلي يوم يسمع ندايه

ارفع مقام النفس عن كل الانذال
واشوف لي ناس على مستوايه

ممـآرآإق لـي ..~

صح لسانك وعز الله شانك

ابيات غاية في الجمال

لاعدمنا بوح قلمك المميز وطرحك الراقي

تحياتي ~

كل الشكر والامتنان على روعهـ بوحـكـ ..

وروعهـ مانــثرت .. وجماليهـ طرحكـ ..

دائما متميز في الانتقاء

سلمت يالغالي على روعه طرحك

نترقب المزيد من جديدك الرائع

صح لسسانك و أعلتى شانك

لا هنت الغالي