سـفـيـر مـن دون سـفـارة ...!!

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ماني براعي كذب أوراعي هبال ** ** ولااحب انا الوحده ولااجلس لحالي
وارفع مقامي عن سواليف الاطفال ** ** وأعيش انا الواقع ولاني خيالي
مادامني أنسان راحل ونزال ** ** وش لي بطرد المقفيات الزوالي
وماهمني حكي القفى بكل الاحوال ** ** مادام راسي شامخ ٍ كالجبالي
قالوا فقير الحال ماتملك المال ** ** ماعاد لك ذكر ٍ بأول وتالي
قلت الفقر نعمه وعاجبني الحال ** ** دام أن رضاي وراحتي راس مالي
والله مالَقيت غير الستر بال ** ** مادامني مستور مرتاح بالي
والعمر وش تاليه لو طال ماطال ** ** في يوم تترك كل غالي وغالي
ان جيت ابرقد ماتفقدت الاموال ** ** مرتاح انا بالحيل والفكر خالي
والمال نقمه ألف مره وزوال ** ** والفقر مُره لاتصبرت حالي
عمر الغنى مايصنع نفوس ورجال ** ** وعمر الغنى مارد سود الليالي
الفقر ماهو بقلة أوكثرة المال ** ** الفقر لامن صرت من غير والي