ثَرثرَه , عَلىآ رَصِيفَ ( الآنتِظآرَ ) ~

ياصباح الخير .. قلت .
وأبرقَت لي ديرتي مع فزت الشمس، الجواب .
إغتراب .. ؟!
ومن يقول إن المسافات إغتراب ..!
الوطن فيني ، وأنا فيه الصحاري ، والهضاب .

* ياولد .. لاتسأل الشاعر عن اللي يمنحه هذا الخلود!
الحدود أوهام تدري ياولد..
للي مواطيه المعالي - ولعبته هذا السحاب .
تو (هندولي ) تمرجح بين أياديها الكريمة -
والطفل لا زال يلعب في الطَهور من التراب .
شف تلاوين الشغب في نبرتي ..
شف عبرتي وشلون تسطع .. كل ماقالوا غياب .

* البلد، هذي شوارعها عروقي ..
أسألك بالله قل لي :
كيف أتوه وقامتي حارات عشق ..
ونبضتي أبواب .. ؟!
كل ما (أذّن ) لمحت (أهلي ) وطيب اقبالهم ..
ونازعت جلاسي من اللهفة ،على المرقاب .
آِتشوّف في قصايا الذاكرة مابينهم ..
ديوان شعر مستريب ..و شيطنة أصحاب .

* يوووووووه ياذيك الزوايا المورقة ..
بالحب ، والتهليل ، والترحاب .
أشعرك لليوم ، حضن يلمني ويهجّ بي .. عني ، وعن مايتلف الأعصاب .
يووووووه ياطعمك بروحي ..( ياوطن)
أعذب من البوح .. وكثيرأشهى من العناب .