سـفـيـر مـن دون سـفـارة ...!!

ماتــقبـلت الفراق ما ليدي فيه حــيله
آه لو ان الظروف المقبله تكشف قدرها

لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها

ما هقـيت الليله اللي جابت الفرقا طــويله
لين صارت ليلة امس بعيني اطول من شهرها

والعذاب اللي يذوب بـعين من يفقد خــليله
عندي اكبر من عذاب العين لو تفقد نظرها

والــحبيب اللي صدوده مثل مداته جزيــله
صد عني واعرفه لو صد عن حاجه هجرها

كن روحي يوم حست في جفاه وصعب نيــله
بشرتني بالضياع وشدة العزم لسفرها

مــا رحمها من هلاك وما تقبّلها دخيلـــه
تحتضر قدام عينه لين ماتت من قهرها


عاد ليت اللي ذبحها وارهب الموت بوسيلــه
ما دفن وجه الضحيه والسكاكين بنحرها

لــيت قلبه يوم سوى فعلته كمّل جميــله
لو غسلها من عروقه وبكفن صدره قبرها

من حـفر بضلوع قلبه حفرةٍ تكفي قــتيله
ليه ما يدفن قتيله بالضلوع اللي حفرها؟

اشــتكيته لـلرفوف وللبراويز الــهزيله
وانذعرت من النياح اللي سمعته في صورها

رحت اسولف للجبال الصم عن قصة رحيله
ما تركت متونها الا ينحت الدمع بصخرها

واحدٍ حقق جماله كذب اساطير الف لــيله
يسكن السبع البحور ويحبس الحور بدررها

الدروب بــكبرياها ترتجف تحته ذليــله
والورود اللي تقبّل خطوته تنبت بأثرها

والغصــون اليا بغاها تنثني لــه.تنثني له
والفياض ان حب ينثر عطرها يلمس زهرها

لو يصـوّت للغدير المنجرف جفــف سبيله
وان تبسّم للجبال الصامته نطّق حجرها

كل حاجه تستــوي له. لي بغاها تستوي له
بالنظر واستغفر الله لو بقول : انه سحرها

ذاك لو بس يتمنا فاكهة شجرة ضلـــيله
بس يفتح راحت ايده ويتساقط له ثمرها !

كـن ربي سخر له المعجزات المستحيــله
واصبح اسطوره وكل الالسنه تنقل خبرها

هان محجر دمع عيني لين جفّف سلسبيــله
والتفت لأخير دمعه قبّلت يده ونثرها

دمعةٍ كن بشقاها يوم طاحت في شلـــيله
جادلٍ جات بدويٍ تطلب الستر وسترها

له علي انه ليا من طاح من عيني تشـــيله
ولي عليه انه يرجّع لابتساماتي ثغرها


لو طعوني بالسكاكين بيده تشفي غلـــيله
لاشتريها من عذابي وادفع بدمي مهرها

واطلبه ينهال فيني طعــن لين يطيح حيله
بس لا يترك عيوني تنحرم نعمة بصرها

له بعيني مثل ما للطهر بــالنفس الاصيله
تقطع يدين الردا لو مس شعره من شعرها

مابغيته غير دربٍ شتّــت اقدام الــدليله
مزنةٍ ما بللتني واستحيت اطلب مطرها

والعطايا من يدين الخلــق للطالب قــليله
والوهايب من يد الله للعباد اجل وأرها

وان نسيت اني زرعت العشق وحظوظي بخيله
ما نسيت ان العطايا تستحق اللي شكرها

صعب تلقى شخص وافي يجزي الطيب بمثيله
والعرب قد قالت ان : الناس ما تترك قشرها

أدعوا لي بالشفاء العاجل ...

أخوكمـ مريض

عجّل الله بشفائك أخي كيان


وجعله شفاءً لايغادر سقما

ايوه انا اخوي كذا اذا جات الامتحانات مرض هههههههههههههه

سلامتك سبحان الله والله حسيت انه في شي

تعرف قلب الام كيف ههههههههههه

ـهههـ

الام مدرسة إذا أعددتها ...

ما شاء الله . عليكـ

ارجوك شفني من عنا الوقت ملتاع
.*.*.*.حتى الصبر ماعاد لي فيه حيله
فيني هموم وحزن وطعون واوجــاع
.*.*.*.وكل الجهات الاربعه مســتحيله

انتي اجمل حب واحساس وشعور
الغلا اكبر من اني اوصفه

انتي اكبر هم عشته في سرور
والاآسى ماكان قلبي يعرفه

طبطب على كتف الزمن .. يمكن يروق ..
.......... يمكن .. زمآنـك .. يختلف .. ويتعدّل ..

أضحك ولو ضحكآت الأنفاس من ضوق ..
.......... كم حآل .. من حآل الليـآلي .. تبدّل ..

العيون إلي بكت َيـوم هجرانـك , حـرام
...... كنّها عن بكَـيَ محبـوب غيـرك , حالفـه

والله إني ضيـف عنـدك طلبتـك لاتنـام
...... ما يخالف وقت نومـك عشانـي , خالفـه

( السلام ! و كيفك اليوم؟ وينك ؟ والختام )
....... لا تحسب إنّي بعد جيت عنـدي سالفـه ..

معقولة ما في شي يسعدك

انا مثلا يسعدني لما احد يقولي وش فخاطرك اقعد ثلاث ايام اقول وش فخاطري

ههههههههههههههههههههههههه ولا اسكت

والله احيانا لما اسولف ويا اخوي يسويلي حركات انه نايم يعني من كثر ما تكلمت نام هههههههههههه


انبسط اذا جاتني مكالمة يوم الخميس وانا قاعدة وسط الحريم عشان اروح عنهم وافتك من الرسميات والمجاملات ههههههههه

وافتك من نظرات امي اذا تكلمت بصوت عالي او سويت حركة غبية ههههههههههههههه

انبسط لو اخوي راح يصلي وبعد ما صلى مر على دكان وجابلي معه حلاوة ههههه


انبسط اذا رجعت من الجامعة انادي بأعلى صوتي صوفيا خلص الغدا

تقولي ايوه ههههههههههههههههههههههههههههه


يعني في اشيا كثيرة تسعد القلب

بس لا تسويها عشان لا تفرح مو زين عليك الفرحة هههههههههههههههههههههههههه