 |
|
 |
رهين الشوق |
|
|
|||||||
| ملتقى شعراء رهين الشوق تـَحلـِيق في سماء الإبـْداع .. وقطـَرات شهدٍ مـِن نـَبضِ أقلامنا , جــــــمـــــــيـــع أنواع الــــشــــعر |
 |
2010-06-23, 12:56 AM
|
#1 | |
 
|
مجموعة اشعار لمحمد حمد محمد فطيس المري
الاسم: محمد حمد محمد فطيس المري
السن: 27 البلد: قطر المهنة: موظف نبذة مختصرة عن حياته : له عدة مشاركات في مجال الشعر ... ينتسب إلى قبيلة آل مرة ... يعمل موظف إداري بأحد المراكز الصحية بدولة قطر .. حاصل على دبلوم إدارة .. بدأ مشواره بالساحة في 2001 تقريباً .. شارك في العديد من المهرجانات الخليجية والعربية منها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية بأبوظبي ، ومؤخراً في شاعر المليون. وله عدة قصاائد منهـــأاااا ندعس للوطـن روس الافاعـي اقول لهـا وقـد طـارت شعاعـاً من الشّعـار ويحـك لا تراعـي ترا اللـي كاتبـه ربـي بياتـي ولو مساع لحظي جـاش ساعـي عليش الصبر والباقي علـى الله وعلى التصويت مال الخوف داعي تحزمـت بقصيـدي والقبـايـل وجا شعري على الدفع الرباعـي انا في مركـب الشعـر الحقيقـي وجمهور الشعر حسبت اشراعـي امامـي لجنـةٍ كـفـو بأهلـهـا وعلى الشاشات لي جمهور واعي ومـدام ان ديرتـي دار التميمـي فأنا ما ضنتـي يحجـب شعاعـي تربينـا علـى حـب الطليـعـه وندعس للوطـن روس الافاعـي نعيش ارفعتـه ونعيـش لاجلـه ونموت لعزته موت(ن) جماعـي قطـر داري ودار ابـن الفجـاءة بـلادٍ نبتهـا سيـف ويـراعـي ظهر ابن الفجـاءة فـي زمانـه وانا ابن فطيس تظهرني اذراعي الطير والمقناص راع القنص مسجون وفراجه سهيل وشلون ما يبغون شوفـه يشوقـه اللي يعـدون الصقـاره غرابيـل ما ذاقوا اللي فالصحـاري نذوقـه انقوم صبح ونرقد من اول الليـل في دار عشب ٍ تلحق الماء عروقه انقـوم للمـذن مقـام ٍ بتهلـيـل يوم ٍ طوال الليل نرقـب شروقـه برض ٍ بها لبرق الدواغر مداهيـل قد مرها الوسمي وشافـت بروقـه نسيمها كن فيه من نكهـة الهيـل يكفـخ بخفـاق ٍ قبضـه معلوقـه ما شيف فيها الا ثر الصيد والسيل وخاطي ثـر ٍ للـي يـدور لنوقـه الصيد فيها لـه مـداس ومقاييـل كنك لها من كـل ديـره تسوقـه وندوج بأشقر صافي الظهر والذيل مطروح قد ريشة ظهره محروقـه له هيبـة فالجـو قبـل المحابيـل فرخ العقاب ايخاشره فـي حقوقـه على عيونه له قحـوف ٍ مضاليـل اقحوف شيخ ٍ تاج الامجـاد فوقـه يطلع وطلعه لا طلع.. طلع دربيـل زود ٍ على طلعه وطبعه.. لحوقـه لاقفت تغرف الجو وتجـر وتميـل راع الحمامه دونهـا مـا يعوقـه اذكر عليه اللي له الحول والحيـل الى اتقت من تحت ذيلـه اسبوقـه اطياره ايخلـي المقافـي مقابيـل ارماش عين اللي قذى العج موقـه هاذي طراة العمر من دون تقليـل بهواية اللي ذوقنـا غيـر ذوقـه وهذا اللي يحبب هل الطير بسهيل وخوة رجال ٍ الخـوى مـا تبوقـه موجز عن المقناص ماهو بتفصيل وكل ٍ يمدح ربح سوقـه بسوقـه مانيـب مـن ياتـي ولا يدرابـه مانيـب مـن ياتـي ولا يدرابـه شطـر حفظتـه ماعـرف كتابـه شطـر يناسبنـي لمثـل الليـلـه واشوفني في ذالمكـان اولـى بـه ابـتـكـل بالله ونــعــم بالله اللي مايوصـد دون خلقـه بابـه باقـول واللجنـه تقيـم قـولـي ومن كثرت الشعـار مانـي آبـه الحمد لله واثـق(ن) مـن روحـي وان كنت ذيـب فالرجـال ذيابـه ما اقول انا اشعـر واحـد فالدنيـا لكن قصيدي كفـو وانـا ادرابـه الشعـر جمعنـا لــو تفرقـنـا حـدودنـا وظروفـنـا الغـلابـه الله يبيض وجـه راعـي الفكـره عز الله انهـا تنحسـب لحسابـه والله يبيض وجـه مـن يرعاهـا محمـد الله يحفـظـه لاحبـابـه محمد ولد زايـد عريـب المجنـى ولـي عهـد الـديـره الخـلابـه الشعر تاريخ(ن) لنا مـن مبطـي واعلامنـا يـوم السنيـن نهابـه الشعر بيت(ن) والـوزن عمدانـه معنـاه طنـب وقافيتـه حجـابـه الشعر واد فيـه صيـد(ن) واجـد وكل على الـوادي يهـج ركابـه والافكار صيد وكل شاعر قانـص وكلـن يدسـم شاربـه مخـلابـه احد(ن) خياله حر واحد(ن) وكري واحد(ن) خياله كوبجـن بقطابـه وانـا خيالـي كــل ماهديـتـه حول على الوادي وصـاد عقابـه شاركت امثـل ديرتـي وربوعـي وكلـن يمثلـن ديرتـه واقرابـه والله الا الله راد والله قــالــه انـي لسلمهـا الفخـر وكتـابـه داري قطـر وانـا اهنـا امثلهـا المجـد مطلوبـي وانـا طـلابـه عهـد علـي انـي لشـرف داري تـرك صبـي مـا يعـز تـرابـه شوفوا دمي مـن حبهـا عنابـي وحماستي مـن ضووهـا شبابـه شاعر خليجـي والعروبـه بيتـي والبيـت ماياقـف بـدون اطنابـه وان عودت بيـن القبايـل فزعـه انا اشهد ان لـي فاللـوازم لابـه لـي فالقبايـل ربـع واقـدرهـم ماني بمن يجهـل مقـام اصحابـه وان عودت لاصلي فانا اصلي مري من صلب يام اهل القنا وخضابـه قوم لنـا فـوق المعالـي بيـرق والسيـف قـوة سلتـه بانصابـه الشعـر طوقنـي وانـا طوقـتـه قمـت اتمشابـه وفـك ابـوابـه يابنـت ياللـي تفرقيـن بعـودش مالومهـم لاكـثـروا الخطـابـه ل امر بش دربش علـى خلـق الله قالـوا كـذا بالاصبـع السبـابـه زينش يزينه فعل ابيـش وجـدش وانتـي بـدورش للنقـا كسابـه قومـي تباهيبـي وفلـي راسـش عليش من ستر الشـرف جلبابـه وان ماسترتش بالفعول وباسمـي فعقبـنـي الفنـجـال ياصبـابـه ودي بك وابيـك وابـاك وابغـاك ودي بك وابيـك وابـاك وابغـاك جمّعتهـا لارضـاك واختـار فيهـا شف ويش منها يتبع احكاك ورضاك اللي لك اسقي مسمعـك لا ضميهـا غديت افر احكاي واسايـر احكـاك انـا تشّـرف لكنتـي واهتويـهـا مضمونها ودي بشوفتـك واهـواك اللي دروب اهل الردى مـا تجيهـا صانك ولي امـرك وحبـك وداراك ولا قـادر ردع الحظـوظ ومجيهـا نفسك مهذبهـا وعـز الله اربـاك يدري بأن جيـش الهيـام يغزيهـا الله قسم يبلاك بـي وانـت يبـلاك اللي سواتي في العـرب يرتجيهـا محبةٍ ذربـه مـن القلـب تكسـاك محبـةٍ صـدق الهـوى يكتسيهـا يامرك قلبك بالوفـا لـي وتنهـاك ناسٍ علـى لامـاك تفـرك يديهـا رزين عقل ومـن مزايـا مزايـاك نفسـك تحـب وعفتـك تمتطيهـا تطيع عقلٍ مـا بعـد زل واغـواك شاعرك لا تعصاه وانـت تعصيهـا ما شفت منك الا عيونـك ويمنـاك محبـةٍ راع الـردى مـا يبيـهـا ينبض فـوادي لا تخيلـت فرقـاك اشف عيـنٍ مـا سـواك يعنيهـا وياعزوة اخوانك ومطلب هـذولاك نـاسٍ محبـة والــدك تدعيـهـا نـاسٍ تخـدم ابيـك كلـه لعينـاك هو يحسب ان الله عليـه يهديهـا ياجعلها تفدى على الارض ماطـاك الله بمـن هـو مثلهـا يبتليـهـا لكن لعـب بـي ياوليفـي تغّـلاك نفسي غلاك من الصـدود يحديهـا تبطي علـي وانـا هنـا واتحـراك كبدي لواهيـب الصبـر تشتويهـا اجمّع علومك مـن هنـاك وهنـاك والله يا لولا تنشـرى لا اشتريهـا وعذرك انا لاهي يا ويش اللي الهاك ويش امر لاهي ماانت لاهي تليهـا كانك مشكك في الوفا والغلا هـااك واليا قريـت القائمـه كـل ابيهـا رقمك مع الصادر ولا وارد اسـواك الناس في اللي لـم يـردد عليهـا وايـاك وايانـي و ايانـي ايــاك من غيبةٍ مـا دون عـذر يحميهـا كيــك وعــــسل بعض العرب حبه يـوردك الجنـون ولا يوصف لـه غـلاه حكـاك لـه مايقنعه وصف الغلا لو وش يكـون لو كل حرف بالحريـر يحـاك لـه الموت جاك وهـو تقلبـه الظنـون ولا لك الا الصبـر وش وداك لـه ان قلت ضايق قال هونهـا تهـون يدري ان ضيقتك لـه وبكـاك لـه تقعد تحبه وانت ساكـت ومغبـون كن بيوم يقـال لـه مااوفـاك لـه وكانك مشكك هو يمون او ما يمون تخيل ان عفت الصبـر فرقـاك لـه غلاه وهو فوق الغلا ماهـوب دون وحكاه سمعك يجبرك بارخـاك لـه ودك تحطه في العيون من العيـون وتبسط على رمضا الثرى يمناك له وتظله من الشمس في ظل الجفـون ولا يمـر اذنـه سـوى لبـاك لـه وتسج من غيره لو انهـم يذكـرون ومنين ماسجت القدم ممشـاك لـه غرو يميله الترف ميـل الغصـون غصن ليان ومكرمـه باسقـاك لـه جديله الى اقفى ستر منـه المتـون كني بريحه لاألتفـت لأدعـاك لـه كيك وعسل لكن ماهو في صحـون ودعا ك من عين الحسود غطاك له الله لايعطيـه نــاس ينضـلـون ويستر علية مـن النحـل لا ياكلـه الوصف والتعبير في وصفه يخـون غير اطلب الله يستجيب دعـاك لـه وعذال قلبك فـي محبتـه يهبـون سكينهم عـن قطـع حبلـه حاكلـه ناس عن اعراض العرب مايعرضون ودايم على نفس الشكـل والشاكلـه اللـي مـن لحـوم الاوادم ياكلـون وحلوقهـم دفـع البـلا متواكـلـه في سلمهم اولى بالاكـل الاقربـون واطيبهم اللي صيدته شكـواك لـه عازمهم الشيطان للذنـب ويجـون هـذا يقطـع لــه وذاك يواكـلـه ياجعلهم فدوة ثرا الغـض الفتـون اللي على الدرب الطويل خطاك لـه طيفه الى نام البشـر زارك بهـون وطيفك الى نام البشـر سـراك لـه حبه دفان ومقبرة خضـر الطعـون بين العظـام العـوج كنـك ناكلـه اللي كذا.. حبه لو تمـوت مغبـون ولا لك الا الصبـر وش وداك لـه ســـولــفــوا \ \ \ سولفوا تكفون لا عاد تسكتون .. .. قبل لا أهوجس وياتيني بلاي السكات يزود طعوني طعون .. .. وتنكسر لا جا على راسي عصاي سولفوا لو ما بغيتوا اتسولفون .. .. قبل لا اقعد في الحزن رايح .. وجاي واضحكوا لو بالعماله تضحكون .. .. وجاملوني لو يضايقكم حكاي لي وليفٍ راح جعله ما يهون .. .. هو دواي وداي .. أو داي ودواي راح لكن طيف زوله في العيون .. .. مرةٍ قدامي ومرة وراي وإن سكتوا جا وهو طيفه يمون .. .. رحت أهوجس له وأبين له ولاي مكسب عيوني من الفرقا مزووون .. .. تمطر لطاريه .. والبرق ؟ أصدقاي كل ما طروه لو هم يمزحون .. .. احرموني من غداي ومن عشاي أدري إنه ما تناسى الود كون .. .. تسمع إذنه في قفاي اللسن عداي وكانهم قالوا نسيته يكذبون .. .. وإلا أنا فيه أمتلك نظرة وراي كان حبه لي على خبري مصون .. .. والله ان كني بقدري .. وبغلاي ذي بقايا الحب وأطلال الجنون .. .. والله أعلم في ضميره وش بقاي غير طيعوني ولا عاد تسكتون .. .. ولا والله إن أسمعكم بكاااي ياقــــو قــلــبــك \ \ \ ياقو قلبك على الصّـده ويـا صُــــــبـرك وياوسع صدري على صدك ويا صُبري وياطول عمـرك بذاكـــــــرتـي وياكُبـرك وياشيب عيني بشيّب عــــاد ذا كــــُبـري والله لون حمل صبري فوقـك..ان تبرك والله ولو تعتذر منـت بعلـى خــــــــبـري ان ما جبرك الغلا ما اقدر على جـــبـرك ياللي على ارض الوفـا ما شبرك بشبري تـــزعل وترجع وتـلقانـي عــــلـى خبـرك وانا انكسر لك واجـــــيـك ادوّر لــجبـري طـــيفك وذكــــراك طـيلـة غيبتـــك سبـرك وشـــــوقي لشوفتك طيلة غيبتـك سبـري امـــــحق وليف ومحبه والا اقــول ابـرك حسبي عليك اعشقك وانت اتحفر قــبري في شاعر المليون \ \ \ في شاعر المليون للشعر مضمار .. .. والسابقة في الشوط تظهر بيدها امضمرين أبكار الأفكار شعّار .. .. وكلن يحضّربكرته في وعدها واللي تردت لا يدور لها أعذار .. .. معذورة ما دام قد ذا جهدها واللي تعوص وتضرب الحاجز يسار .. .. تشلّ ف الدنة وترجع بلدها وأنا ذلولي بنت صوغان الأشعار .. .. من حبها عندي تفحم وحدها إن جاره الله من تصاريف الأقدار .. .. جاتك وجاك الجيش كله بعدها الله عليها من مقاريد الأنظار .. .. وصلت تحست ما غشاها زبدها وتلقوفها بالعلم رمز وإشعار .. .. وصفق لها منهو بعينه شهدها ومن روبها أول ما تنصخ تمطار .. .. ياللي تزعفرها من الطاس زدها شبهت بالهجن الأصيلات الأشعار .. .. وقصيدتي تراث أهلنا مددها أعتزبه وأقبله إجلال وإكبار .. .. واحة شرف يا سعد منهو وردها أغلبنا في موجب الضيف والجار .. .. يحلب لبنها قبل يذبح ولدها وتراثنا من دونه نبيع الأعمار .. .. وبأفعالنا روس المعالي صعدها واليوم ضاق الجو من كثر الأقمار .. .. تبث حقد لي لحقده رفدها غزا الشعر قبل أمس غازين الأفكار .. .. قومن على الساحة دفعها حقدها تلفقوا ثم جاؤوا من كل الأقطار .. .. هذا يصبحها والآخر هجدها هذا يحرف في الأسف سر وإجهار .. .. وهذاك يذبح موهبة في مهدها وقفوا علم للشعر في وقت الأسحار .. .. غاروا على الساحة وعروا جسدها وصاحت بعد ما شافت سترها طار .. .. ووقّف ولد زايد محمد ساعدها قال أبشري بالستر وبردة الثار .. .. وأضفى عليها سترها ما نشدها واستل سيف في المواجيب بتار .. .. واطلب وردن في العلا من فقدها على خطى زايد خطاويه ما بار .. .. والحاجة اللي في خياله وجدها أغنى العرب من شوف أكاديمي ستار .. .. ومن شوف أمر من السخافات وأدهى شفت الشعر بستان وأبوابه أزهار .. .. وقطفت ما يسقي المشاعر شهدها قطفتها من ديرة تنبت أحرار .. .. من دار بو مشعل ذراي وسندها يوم المزايين \ \ \ من لابتي مّره الى جـدي افطيـس .. .. ربعي مطوّعة الصعـب بالصمايـل ناموس ياللـي تكسبـون النواميـس .. .. ياهـل العلـوم الغانمـه والجمايـل اهل السموت وفي الملاقا فواعيـس .. .. يقطعـك يـاهـرجٍ بلـيـا دلايــل انتو خيارينٍ علـى الخيـل فريّـس .. .. اسـمٍ ينومـس بيـن كـل القبايـل يامقلّطينٍ شـذرة السيـف والكيـس .. .. قد قالها ابن حميـد ضمـن المثايـل منصا الرجال اللي على ضمّر العيس .. .. وفالحرب نطّاحة شبـا كـل عايـل هواجـرٍ لاجـات قدهـي مقاويـس .. .. ركب الضيوف امن السرا والقوايـل تنصـا ربـاع امتعّبيـن المحاميـس .. .. مروين حـد المرهفـات الصقايـل يردون غصباً والعـزاوي متاريـس .. .. لاجـا نهـارٍ فيـه عـدلٍ ومـايـل وامسيّسين اسياسة الفـوز تسيّيـس .. .. باللبل وبالهجـن السبـاق الاصايـل تفوز في يـوم المزايـن وفالريـس .. .. من كـل منعوتـه تسمـى وحايـل ولو حصل للبل من النـاس تفليـس .. .. يكفيكم انك فالعـرب مـن لاوايـل تلبس من العنّـاب زيـن الملابيـس .. .. يوم المزاين مـع ارجـال الحمايـل يزها بها لـون العلـم تتبـع افنيـس .. .. ابـلٍ لهـا عـادات كسـب النفايـل ومدحي لبو زايد محمد بـلا قيـس .. .. مدحٍ لـو يقـارن بفعلـه .. قلايـل الله يمهّـل بـه ويخـزي لاباليـس .. .. وايدوم ذكره فـوق كـل الطوايـل لا ضاقت الدنيا \ \ \ لا ضاقت الدنيا عليك وتشاويت .. .. خلق الله اللي فالرخا كان واجد ومن العرب والصوت والثوب مليت .. .. وقامت عليك هموم بأقعا تراجد فارفع يديك لخالقك لا توضيت .. .. وادعو تراك أقرب إليا صرت ساجد ووقت من أوقاتك للأوقات توقيت .. .. وسجل لنفسك في المساجد تواجد وأبشر بفزعة حامي الدين والبيت .. .. إليا هجدك من الهواجيس هاجد اللي يميت الحي ثم يحيي الميت .. .. لرضاه شف كثر البشر بالمساجد البارحــــــــــه \ \ \ البارحة ربي كتب لي ومريت .. ..دربٍ عليه بروق الأحباب لاحت جيت المكان اللي جمعنا وخفيت .. .. وقامت جروحي للجوارح وصاحت ياليتني في لفة الدرب زليت .. .. كان العيون من الدموع استباحت التم غيم الدمع من يوم لفيت .. .. وورقا القصيد لشوفة الغيم ناحت وضحكت ماأبغي الناس تدري يبالفيت .. .. لكنها غصبٍ على العين ساحت حارت دموعي في عيوني وصديت .. .. وأرمشت مابيها تبين .. وطاحت وعقبه برق في العين براق .. واسقيت .. .. خدي ووناتي بصدري تلاحت وأنا أحسب إني في فراقه تشافيت .. .. وان عبرتي من مدخل الزاد زاحت اللي يحسب إني على البعد سجيت .. .. والا ان عيوني للرقاد استباحت ياليتني من قبل لا أحبه اقفيت .. .. والا ان دروبي عن دروبه تناحت أهون علي من البكا والتناهيت .. .. وأشلا من سدودٍ على الناس باحت عرفت كيف الحي يفرق عن الميت .. .. وعرفت قيمة نعمتي يوم راحت قولوله اني عقب بعده تدانيت .. .. ورجلي عن دروب المعافين شاحت البعد نار وطاعة العذل كبريت .... يقصر على بعده .. ترى الكبد فاحت انا جيــت كـــلـــي \ \ \ ماهو بكيفك عقب شيٍ حصلي .. .. من ذوّق المحتاج يصبر الى احرجْه خليتني من حلو حاليك احلي .. .. واصبحت مدمن حب والقلب روّجْه بين العروق وصار مافيه " ملي " .. .. الا وله جُرّه تمرّه وتسهَجْه وذود الغلا في عشب قلبي تفلي .. .. وتراب صدري للمطر منـْك ما احوجْه يمحل الى صدّيت ويموت يا اللي .. .. صديت عنـّه والله احياه واخرجْه ولي خاطر ٍ يسألـْك من لي ياخلي؟ .. .. غيبتـْك تلعب به وشوفتـْك تبهجْه ولي عين حالي دمعها لك يهلي .. .. وانْ رحْت راحت مالح الدمع تزعجْه غالي ولا يحتاج بسّك تغلي .. .. غلاك اخذ قلبي وروّضـْه واسرجْه ولو قلت ياعيني بصدره تملي .. .. شافت خفوق ٍ حبك الذرْب توّجْه وماهو على كيفك عقب ما حصلي .. .. من ذوّق المحتاج يصبر الى ازعجْه (عطيتني وجهك وانا جيت كلي .. .. محروم والمحروم ما ينعطا وجْه) فــي كــفــها خــاتــم \ \ \ في كفها خاتم وفي خدها خال .. .. وفي عينها غيم وعمارات وبيوت الخال شفته واضحٍ من ورى الشال .. .. والخاتم الماس مرصع بياقوت والعمر في العشرين كني مانيب زال .. .. والجسم كنه من جبل ثلج منحوت جبل ولكن لا طرقه الهوى مال .. .. وخطواتها ماهي بالأمتار بالفوت ماهي تشوف الشمس من ظل الاظلال .. .. ومصيافها ما بين لندن وبيروت الشمس لو تشرق على جسمها سال .. .. كنها مجسم محلبيه وبسكوت ومن صغر مبسمها شقى حالها الحال .. .. ما تاكل الا اللوز والخوخ والتوت ماهي تشوف الناس تمشي وتختال .. .. ومرٍ على جاكور ومرٍ على حوت وخدامتين وهي بلا زوج وعيال .. .. وسمعتها تدعي الدريول يياقوت وثلاث جوالات ماهو جوال .. .. ومن يوم خلقت كل شيٍ بريموت لكن قلبي مالها فيه مثقال .. .. وش قرب البشت الحساوي من الكوت ياجعلها للي خذت قلبي نعال .. .. اللي غلاها عندي الشرب والقوت حوريةٍ من فوقها الليل شلال .. .. كنها صبحٍ فوقها الليل مكتوت قلبي لها من كثرة الشوق مشخال .. .. وللسر عن كل المخاليق تابوت تنحت لي من الحب في القلب تمثال .. .. وحبي لها ينحت على الساحه بيوت في عينها ماكل رجال رجال .. .. وأقصى حدود الوصل في سلمها الصوت زودٍ على القلب وعلى الحسن من آل .. .. روسٍ لهم روسٍ على متونها بشووت الى رضت موتوا يا أهل روس الأموال .. .. وإلى زعلت جربت وش سكرة الموت من دونها رجلي وراكب وخيال .. .. والسيف والأمواج والبحر والحوت دكــــتور العيـــــون \ \ \ (يامؤمن الريفي )انا جيتك زبون.. .. جيتك على مدح اكثر الناس وعنيت جيت وتعالى الله عمّا يشركون.. .. لولاه (يامؤمن) لطبك ما اهتديت راضي بحكم الله علي مهما يكون.. .. عالج عيوني لو بعد طبك عميت ودي اخاشر فالبصر من يبصرون.. .. واشوف دربي لا سرحت ولا ضويت والى قنصت اثبت مع اللي يثبتون.. .. واشوف طيري كل ما اوميت ودعيت ياااكثر ما يضرب خويي (الطابلون).. .. من كثر ما اكلّته مطباات وكليت وودي اشوف اللي علي يعرضون.. .. وبعض الليالي ودي اسري دون ليت وااشوف ناس ٍ فالقفا ما يرحمون.. .. اما وقفت لصاحبي والا مشيت من دون نظاره ولا هم يحزنون.. .. يااا كثر ما كسّرت كشمات وشريت لكنٌ يا دكتور جعلك ما تهون.. .. ابغيك كلمت راس دامك ما بديت اسمع......ولا ابغي اللي وزانك يسمعون.. .. ربي كتب يكشف لك اسراري وجيت صورة عديل الروح عندك فالعيون.. .. واخاف تقطعها بموسك ما وعيت ولا عليك امر..اطوها تحت الجفون.. .. وعقبه لو تقطع عيوني ما شكيت هي راس مالي والعرب ما يدركون.. .. اني على باب الممات و ما حكيت ياقو قلبي يوم قفن الضعون.. .. اللي على ذاك الموادع ما بكيت ويا صبر صبري والعواذل يحسبون.. .. اني دلهت من الهوى والا سليت اسكت عساهم من سكاتي يسكتون.. .. وانا عن اللي في ضميري ما انتهيت وادور الفرحه مع اللي يسهرون.. .. وان ذكروني خذت فنجال وسريت اخذت من وقتك يا دكتور العيون.. .. عالج عيوني لو بعد طبك عميت واستر علي واللي معك لا يفطنون.. .. انت الوحيد اللي بعد ربي دريت ،؛،.. تالي عصير ..،؛، الضيقة اللي دايمٍ تالي عصير .. .. وش حيلتي وأردها لا تجيني لا طال ظل العود حزة عشى الطير .. .. كنها على سجن الحديد تحديني يضيق صدري كل ما جات وأسير .. .. ولايخفف سوج رجلي حنيني لا حولنا مشراف ولا اقدر اطير .. .. يالله قمسة خير لا تبتليني وعقارب الساعة توقف عن السير .. .. ولاكن في الدوحة سواتي حزيني والعبره اللي تاصل الحلق وتحير .. .. يا قربها لو قيل لي يا عويني أمل شوف الناس ورد ومصادير .. .. واللي يقول اشفيك كنه يهجيني يعني على ما قيل من باب تصوير .. .. (لاحدٍ أبي قربه ولا أحدٍ يبيني) أروح أدور خط مابه دواوير .. .. وأدور اللي هادها تهتديني وآخذ مع الهاجوس سجة وتفكير .. .. وأراجع اللي فات بيني وبيني وأحسب ذنوبي وأدور التكفير .. .. عساي ما قصرت في والديني وعساي ما قارنت من ينفخ الكير .. .. واللي يحمل المسك جعله قريني ويطري علي يوم الحشر وأطلب مجير .. .. ما أعطى كتابي في شقيقة يميني ويطري علي صدقان كثر الدنانير .. .. اللي اتعاديني إلا كثر ديني وراعي الهروج اللي سوات المناشير .. .. أصد عنه وأدري انه يعنيني الله حسيبه يوم عرض القواوير .. .. والله حسبي من صواب مكيني وإلا طرالي واحد كانه اصغير .. .. أم أصغر بيومين ولا سنيني دريت وش قومي وعينت تفسير .. .. للضيقة اللي من زمن تعتليني حبه بصدري سالفة سر في بير .. .. وكن الفواد يقول هذا زبيني أشفق على علمٍ يجي منه من غير .. .. لا يسمع اللي سولفوا به ونيني يا كثرهم غيرهم ولكن خبر خير .. .. ما غير شوفه في الوجود يهنيني رايي كذا يا عاشقين الغنادير .. .. ماله على وجه البسيطه وزيني العام أجيهم من حساب المسايير .. .. واليوم حال عداي وينه وويني خطاي تعليق الأمل في المدابير .. .. الين راح وشفت حقري بعيني صبرٍ جميل وخابر إنه مقادير .. .. والله على تخفيف حزني عويني ذي حالتي لين اتغبا الشمس واصير .. .. معطى سراحي عقب مانا سجيني واذا امتلى جوف الشجر بالعصافير .. .. طلبت من رب العباد يهديني يعتقني المذن عقب ضيقة عصير .. .. اللي على سجن الفراق اتحديني ،؛،.. يالله عفوك ..،؛، يالله عفوك يوم تصفية الحساب .. .. يوم حصاد لما زرعنا في السنين يوم الحشر قرب ولا معنا زهاب .. .. اليوم في الدنيا وبكرة راحلين نجني ذنوب ونرتجي عفو وثواب .. .. وعلى نصر ربي لنا مستعجلين تدرون ليه آمالنا كنها سراب .. .. تدرون ليه النصر سيف الأوليين الأوليين أعمالهم وفق الكتاب .. .. قاموا عليه وباعوا الدنيا بدين وحنا غفلنا بين مالذ وطاب .. .. والنصر سيف ما يسله غافلين نصبح على شوف انتهاكات وخراب .. .. ونمسي على دمع وتنهات وونين بصدورنا شي تذوب اله الهضاب .. .. وأفعالنا والواقع رياح .. وطحين وعلى العيون من الفتن مثل الضباب .. .. معد درينا من يسار ومن يمين ما للضيف الا الدعا لو ما يجاب .. .. ما غيره الا الشوف مكتوف اليدين يالله زلزل تحت الأعداء التراب .. .. والطف بنا واحقن دماء المسلمين ندعوك يا قادر على جعل السحاب .. .. جيش لنصرة قلة مستضعفين أغرقهم بنوع من أنواع العقاب .. .. غرق الغلام اللي يحسب انه فطين لوما عصى نوح نجا به في رحاب .. .. سفينته وأمضى معه في العمر حين لكنه اختار الخساره والذهاب .. .. اصنع بهم صنعك به وانت المتين والا اخذهم يا مجري سود الحقاب .. .. أخذ العجوز اللي بقت في الغابرين ذوقهم اللهم أنواع العذاب .. .. اللي عثوا في أرضك أمن المفسدين وألطف بمن لبسوا من التقوى ثياب .. .. عبادك المستهدفين المتقين تكالبت عليهم أنياب الذئاب .. .. ولا غير عونك يا معين الصابرين من بينهم شيبه يعجزون الشباب .. .. من وقفته من طولها في الركعتين ومن بينهم بنت تون بلا حجاب .. .. أحجابها لفوا به الجرح المكين وطفل عن عيون أمه الثنتين غاب .. .. تبكيه عين وتلتفت لأخيه عين من هول ما يجري لهم شاب الغراب .. .. يا وسع حلمك وانت ما فوقك مدين أدعيك وانت ادرى بحال أهل المصاب .. .. وأمد كفي لك يا أكرم الأكرمين ،؛، الحب مثل النوم ،؛، الحب مثل النوم .. والوصل .. الاحلام.. .. والشيين من الاحلام..صـد المحبييـن نوم ٍ طويل ٍ عمره اشهـوور واعـواام .. .. وان قمت.. ففهمها فرااق وسهر عيـن وانا رقدت وعمري اربع عشـر عـام .. .. وصحيت في شهر اربعه عام الالفيـن نـوم ٍ ثقيـل ٍ كلـه احـلام واوهـاام .. .. ونصيبي من احلامـه الجانـب الشيـن صحّى الفرااق اقلوب في عكسه..نيـام .. .. وغاب الفرح وانا بعكسه الـى اللحيـن ياحزن كبدي حزن من ضاق ثـم حـام .. .. اخذت فروخه مـادرى ليـه ولويـن؟ بعد ما شاف العـش عيـدان وعظـام .. .. خاالي..تفكر فووق ويسـاار.. ويميـن خلا عشاها فيه ومـن الوطـى شـاام .. .. زبن علـى روحـه وفـل الجناحيـن وياوجد حالي وجد مـن نـام ثـم قـام .. .. على صياح امـه وهـو دون رجليـن عويـق وامـه تنعتـه والنعـت سـام .. .. وهو خابر انه يقسـم الصـف صفيـن حبا وصاح بصيحـة ٍ تاصـل الشـام .. .. منهـا تقطّـع فـي خفوقـه شراييـن على وليـف ٍ قسـم اظنونـي اقسـام .. .. واقفى وانا ما اعـرف طـرد المقفيـن راح وترك في صدري ووسووم واعلام .. .. وصـى علـي طيفـه وقفـى بقلبيـن ليتـه تعـذّر كـان مـاهـو بـمّـلام .. .. بعد ماشـااف الـدرب بيسيـر دربيـن اشوى عليه شوي..مـن عـظ الابهـام .. .. واشوى علي شوي..من دمعـة البيـن تمشـي بنـا الاقـدام والمـوت قـدام .. .. وميعادنـا يمفـرق اثنـيـن بعـديـن ياعيـن لا تبكـيـن وعيـونـه تـنـام .. .. عادش الى ما خـاب ظنـي بترضيـن لـو الدمـوع اتفيـد فـادن الايـتـام .. .. ولـو الكـلام يفيـد عـادت فلسطيـن ولـو النبـاات يطّلعـه دمعـة هيـام؟.. .. شفتوا علـى وجهـي ورود وبساتيـن الحب سجن..وبعد الاحبـاب الاعـدام .. .. وقلوبنـا السجّـان مـدري مساجـيـن الحب نوم ٍ عمـره اشهـوور واعـوام .. .. وان قمت ففهمها فرااق وسهـر عيـن ،؛، عقبال مية عام ،؛، عقبال ياماخذ فـؤادي ميـة عـام .. .. ضيعتني منك وانـا مـا اهتديتـك لا ..ما نسيتك كيف بانساك مـا دام .. .. ذكرى الفراق تهزني لـو نسيتـك حبك قدر وانا على ديـن الاسـلام .. .. مكتوب في وجه الجبين ورضيتـك لك في الضمير الود والحشمه اتوام .. .. ولي في ضميرك مثل ما انا بغيتـك ولك منزلٍ في نايف القلـب وخيـام .. .. وذود الغـلا ترعـاه ولا شكيـتـك يفطر عليك القلب وان فارقك صـام .. .. والله لونك شـوك سـدره كليتـك القلب طيرٍ لادعـي للهـوى حـام .. .. والا انت وكره من كثـر ماهويتـك كن العيون من النظر عقبـك ايتـام .. .. وكني ماريت الا انت من يوم ريتك وكنك معي وانا فقدتك مـن اعـوام .. .. مـع الخيـال القـاك كنـي لقيتـك من صعب وصلك ما تهنيتك احـلام .. .. وان جابتك فزيت شـوق ومحيتـك يعني وصالك صعب واهدافي اوهـام .. .. يعنـي زرعتـك للقـدر ماجنيتـك صبرك يقولون العرب كـل الايـام .. .. يوم عليـك ويـوم لاجـاك جيتـك ويا قلب ياللي ورثك اجـروح وآلام .. .. بليتنـي ماهـو بانـا اللـي بليتـك ولعتني من عادني في الهوى خـام .. .. واسرفت بي وانا خطامـك عطيتـك طعتك وزبدة طاعتـك هـم وهيـام .. .. مالله كتب لي واستخرت وعصيتـك لوللقلـوب اسـواق بايـع وسـوام .. .. لاابدلـك وان جيتنـي ماشريـتـك والا انت ياللي جيش عينيك مقـدام .. .. لا اقنعت منـك والرجـا مارجيتـك كني سجين بين..افـراج ..واعـدام .. .. وكنك سجن وانـا بنفسـي بنيتـك تنبيك عن حالي محاصيـل الالهـام .. .. وتخبرك نظراتـي نهـار التقيتـك عقب الوصال اللي على عين من لام .. .. قدهو يكفيني عن الوصـل صيتـك وقدني الى مريت بالشـارع العـام .. .. لديت من ما في الضميـر ودعيتـك ادري ان صوتي ماقطع عشرة اقدام .. .. وادري بي اعود الى مـن نصيتـك ياشينهـا يامحنـيٍ راس الابـهـام .. .. ماقدر على شوفك وانا عنـد بيتـك الاعمار ما تضمن وانا اخاف الاحكام .. .. ارثيك خـاف اودعـك مـا رثيتـك ،؛، قد عطيتك ،؛، قد عطيتك وانـت ماضنـك لئيـم .. .. والنصيـحـه لليـالـي تـذكـره لاتحرك جرحـي الماضـي الاليـم .. .. ولاتحسب ان طول بعـدك طهـره كل جرح يهـون يالجـرح القديـم .. .. وكل شي قد مضـا معـك اذكـره جرحي وذكـراك والليـل البهيـم .. .. حـزت فـوادي بمثـل المنشـره العذول غراب وانا اكبـر غشيـم .. .. والجروح الماء وطاريـك حجـره والزمان اكرم من الحـظ الكريـم .. .. لانفتح لي بـاب صوبـك سكـره وحبك اللي لاطرى لي رحت اهيـم .. .. قمت احسب اصغر كلامك واكبـره ليتنـي عـاد الهـوا تـوه فطيـم .. .. انعذلـت لعاذلـي بـس خـيـره مالقيت من الوفـاء يـااول نديـم .. .. كون صدق الحزن وجهه وظهـره عقب رمح الشوق في وجه الصميم .. .. سيف هجرك في قفاه وشف ثـره وانت شكلك تحسبنـي فـي نعيـم .. .. لنـي اخبـي صوابـي واستـره لايغـرك حلـم رجــال حلـيـم .. .. مهون اللي مـن سكوتـه فجـره ولاتحسب الجفن من دمعه عقيـم .. .. يستحي منك والى اقفيـت انثـره ولايغرك وان بدا جسمـي سليـم .. .. والله ان جسمي سـوار المقبـره والله ان امر من ضحـك الغريـم .. .. شوف حقي بين اياديـه اشكـره والله ان احر مـن دمـع اليتيـم .. .. دمعة الرجـال مـن فرقـا مـره ،؛،.. همسات لبن فطيس ..،؛، حكّم ضميرك بين الاثنين واختّـر .. .. لاهل العلا جرّه .. وللـدون جـرّه الطيـب ماحـدد ابّحـرٍ ولا بـرّ .. .. من جا على دربه من الخلق سرّه يوم اللقا ما انّصف ضعيفٍ ولا سرّ .. .. اللا مع مـن جـاد كـرّه وفـرّه لو كان شفت النّاس ببشوت وغتّر .. .. كم من محارٍ مـا لقـي فيـه درّه الحلقه ان زرّت ابطان الجمـل زرّ .. .. ما استرّ من لا عزوةٍ لـه تسـرّه الجمره ان ماتت فلا ينّفـع الكـرّ .. .. مافادهـا الشبّـاب لـو زاد كـرّه كم واحدٍ يضحك وهو يضمر الشرّ .. .. عرق الشري ما انّباك لونه بقّـرّه ما كل من يضحك بوجه الفتى بـرّ .. .. من يصدق الصاحب بالافعال بـرّه الذكا ما يلبس للفتى لبس ثوب .. .. لا يحرّج عليـه ولا لمثلـه مـزاد لا تدافع من اللي يحتمي له بطـوب .. .. لا صفى جو مكه وش علي من تشاد دام فيها مثل ماقيل نفضـة جيـوب .. .. خل وضح النقا والصدق شف ومراد ------------------------------------------------------------- اذا اللي قبلنا مـا علمـوك؟ .. .. مثل من جا وصـدّر مـا روا ونكرانك جميل اللـي هـدوك .. .. مثل من جوّد الصقر وشـوا وسجّ وهج عن من هم نسوك .. .. ترى من يتبع المقفـي غـوا البايع الشاري مع الناس مقبول .. .. بيع وشرا عااادي.. قبول وتراضـي الى اجتمع مرهي وشاعر ومخبول؟؟ .. خلطة ادب فاشـل تثيـر امتعاضـي تشرى الذمم واتباع بالعرض والطول .. .. والكـل ينظرهـااا بعينـه وراضـي المال خلاّ غير معقووول؟؟ معقوول!! .. ما ألوم نجم الاغنيّـه قـام ياضـي ياللأسف.. ما كل منقـول مقبـوول .. .. ثوبٍ مشجّر جنّب ثوبٍ ابياااااضـي في غيبتك ما ألد منا ومنا .. .. ذكراك تملى وحشتك في غيابك بالوقت في شوفة حلاك اتهنّـا .. .. في وقفتك في مشيتك في ثيابك لاجل العيون الناعسات اتغنّـا .. .. الله يخلي لي غـلاك وشبابـك البوح لك في شوفتك ما تسنّـا .. .. مثل الكفوف الى شغلها التشابك نسيت نفسي بين خنـه وحنّـا .. .. بين العيون وبين صافي عذابك --------------------------------- ألا يا وجودي وجد من فاجأه ديان .. .. برغم اعتزال الناس من كثرة اديونـه بعد ما فضى جيبه وكفه وحاله شـان .. .. تناسوه ربعـه كنهّـم مـا يعرفونـه تناسوا مواقيفه ولا كـن شـيٍ كـان .. ..على غير ما ترضى الكرامه يحدونـه وهو كان منقع طيب منهل وفا واحسان .. .. فلاشـك عّـوان الزمـان ايتحدونـه رفع كفه الخالي الي الخالق الرحمـن .. ..عقب ما تصافوا كلهم ظلم مـن دونـه ابعدت مثل الحرف لا فارق شفـاه .. .. ثم ضاع باحضان الفضا في العباره ماهو بفرض اني على طول ويـاه .. .. الكل منّـا عـز راسـه شعـاره لو كان من راسه الى حد ماطـاه .. .. زينه يزيّن خطوتـه فـي مسـاره ------------------------------------------------ لك حق تشره لو اني جيت ما جيتك .. .. لاشك يامسنـدي تاتـي ولا تاتـي في غيبتك لاحصل طاريك حييّتـك .. .. واحمّل الغربي السـاري تحياتـي ----------------------------------------------- قطر موطني وأنا مثل من تربوا فيه .. .. راع البل وراع المال والغيص والفلاح رجال الا سمعوا نداه أجمعوا لبيه .. .. تطيح الغتر والروس .. بس العلم ما طاح سواعد الأمير وفي المحافل فخر ووجيه .. .. ونارد حياض الموت كنحن خرز مسباح |
|
|
|
| مواقع النشر (المفضلة) |
| الكلمات الدلالية (Tags) |
| أحلى, المرج, الشاعر, اشعار, خلي, شعر, فطيس |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| توبيكات البوم وحدك لمحمد عبده-توبيكات محمد عبده 2009 | ~همسة~حب~ | ~//.. м . ş . ή | 1 | 2011-07-01 04:27 PM |
| مجموعة اشعار للشاعر تركي الميزاني | رهين الشوق | ملتقى شعراء رهين الشوق | 0 | 2010-06-20 02:04 AM |
| ديوـآن (شآعر ـآلمليون) محمد بن فطيس ـآلمري [..!] | رهينة الشوق | ملتقى شعراء رهين الشوق | 9 | 2010-05-10 07:48 PM |
| أحلى خلفيات لأحلى منتدى | أسير الأحزان | ~//.. ملتقى الكمبيوتر والبرامج | 21 | 2009-10-30 11:13 AM |
| أحلى كيك لأحلى أعضاء منتديات رهين الشوق | عاشقة الدموع | ~//.. مطبخ رهين الشوق | 7 | 2009-08-10 03:26 AM |
الساعة الآن 05:30 PM