صار لك موقف وتضايقت

كل انسان في هذي الحياة تمر عليه أيام جميله مع ناس أجمل،،،وكأنها غمضة عين,,,,كذلك تمر عليه أيام وساعات أوحتى دقايق،،تجتمع فيها الهموم ويحس أن الدنيا كلها فوق راسه،،وكأنها سنه من ضيقة البال،،،،يحاول يهرب منها،،يدور على أحد يطلعه من واقعه الحزين،،فيتذكر له شخص دائماً قريب منه،،وهو متنفسه الوحيد في مثل هذي الأمور،،يفرح لفرحه ويحزن لحزنه،،،ولأنه في هذه اللحظه مايقدر يتكلم فيترك لأصابعه مجال التكلم بدلاًعنه
وفي أحيان أخرى مافيه أحد حوله،،أو قد يكون الموقف خاص جدأ وما وده أحد يدري فيه بنفس الوقت،،ضاق الصدر من كبر مافيه(إن حكينا ندمنا وإن سكتنا قهر) فماله إلايتذكر أيامه الماضيه،وما كان فيها من وناسه،،ولم شمل،،وأخوه ولا أحلى،،علها تخفف عليه وتبعده شوي عن واقعه المؤلم.
مابين الموقف الأول والموقف الثاني أترككم مع ما أعجبني من أبيات تذكرني دائماً بأحلى أيام عمري..الله يعيدها باخير..واللي تحسسني أن الدنيا مازال فيها ناس أوفياء.
أضيق وأذكـر أخـوِ لـي يسليني
وانسى همومي إليا مني تذكرته

إليا شكيت المواجع له يراعينـــــي
ولامر طيفه علي في الليل سامرته

هذا أخوي ولا غيره يواسينــــــــي
ياجعل يسقى زمانِ فيه رافقتـــــــه


تذكرت الزمان اللي مضى لي يوم جن الليل
تذكرته وأنا عيوني من دموع العنى غرقى
تهل دموعي الحره على هاك الزمن وتسـيـل
على خدودِ محرقها عنى أيامــها حرقـــــى
زمانِ فات ياطيبه00 أحب أهله وأحبه حيـــل
وله في خافقي ذكرى00بدم عروقنا تسقـى
ألا ياليل سامرني 00ترى ماعاد فيني حيــــل
ولا لي خل يسعدني00 ولا لي صاحبِ يلقى
ألا ياليل أبعدنا00وعقب العز ذقت الويــــــل
تفرقنا وما كنا00 نحسب طــاري الفـرقـى
ألا ياليل أقفى جيل00وأقبل في سنيني جــــيل
ومن حبيتهم أول00 على عهد الوفا ببقى
ألا ياليل ذكرني00 بهم نجم الجدي وسهيــــل
وذكرني بهم رجمِ أجيله ضايقِ وأرقـــى
ألا ياليل غصب أبكي00وراسي من بكاي يميل
وإلى من ناحت الورقى00أجاوب نوحت الورقى

تعودنا دائماًنذكر من أخطى في حقنا00وتنكر لنا00 ونتحسر على أيام ضحينا فيها لناس ماتستحق00بس ماتعودنا نذكر أيامنا الحلوه00مع ناس أحلى.فأنا حبيت في هذا المتصفح
ننسى الحزن وأصحابه00ونعيش أيام مليئه بالتفاؤل00مع من يعزنا ويقدرنا مهما تباعدنا وفرقنا الزمن.
اتمنى يعجبكم الموضوع ومااستغني عن مشاركاتكم.

يسلمو يالغلا
لاعدمناك
لاأعتقد أن هناك من يستحق مثل ذلك
مودتي

يسلمو ع طرحك الرائع خيتو

بشوق لجديدك

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تسلم يمينك
من جد مواهب
تقبلي مروري

الله يسلمك
كلك ذووق يالغلا