 |
|
 |
رهين الشوق |
|
|
|||||||
| ملتقى القصص والروايات بـِداخلي روَاية .. طويله , قصيره TxT قـِصَّـة مِـنْ ريحِ ألفِ ليلـَة وليـْلة..هنا خيال الراوي |
 |
2011-03-29, 11:19 PM
|
#1 | |
 
|
قصة شاب مع شغالتهم
قريتها وفقعت ضحك
أسلووبه خطير أتركم مع هالمنسم وهو يقول قصته مع شغالتهم بطريقته وإسلوبه الخاص * السلام عليكم اول شي احب اعطيكم فكرة عن شغالتنا شغالتنا ياكرام مطفوقة الى ابعد حد يعني لما نشوفها جايبه الشاهي نعلن حالة الطوارئ وننزل البزران للملاجئ لانه عادي عندها تشيل 13 إبريق شاهي بيد  0 دلال قهوة بيدها الثانيه وتمشي صافطه الطبلون يعني كنها تصاقط ظلالهاتصدقون شرينا جهاز تعلقه معهاعلشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال يعني لو تبي تعذبها خلها لا تتحرك بس ثواني وبعدين عادي تناديها وتسالها عن شي ما تدري الا هي رايحه ومخليتك.... موتطنييش لا بس دباشه انا احس انها ما قد شافت بشر ولا تدري وشلون يتعاملون مع بعض تقدرون تقولون انها مخروشه وفي روايه اخرى سبيكه المهم انا صار لي معها موقف قوي مرة وانا رايح لغرفتي مروق وأدخل غرفتي وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي واطلع جوالي وانطله على المخده مع انه دايم يطيح ورى السرير وابلش ادوره وافسخ ثوبي واحطه في مكانه المعتاد اللي هو على الارض بعدين اشيل فنيلتي واصفطها لين تصير مثل الكوره واشوتها على المعلاق قصدي الشماعه بعدين سروال السنه<<<< اموت واعرف ليه سموه كذا ... بعدين الشيعه وش يسمونه سروال الشيعه خخخخخخ يعني مايبقى على الا سروال النص المهم حمامي الله يعزكم جوا غرفتي المهم يوم فسخت ثوبي قعدت قدام المرايه اتميلح واكلم روحي وانكت شوي واستعرض عضلاتي والعب كراتيه مع صورتي بالمرايه .. واكلم نفسي بالمرايه واقول بتعقل انت والا يععععع كععععع وارفسه برجلي خخخخخخخخ وبقية الحركات اللي انا دايم اسويها بشرط ما يكون عندي احد عاد انا دايم انهي حركاتي هذي بقفزه علىالسرير وكنت دايم وانا انط اقول دووووووق فليــــب<<< هذ اسم اللي كان يسوق كريندايزر <<< ايقالك شرح الحين عاد وانا ناط وبين السماء والارض حانة مني التفاته<<< الله اخيراً قلت حانه من زمان وانا ودي اقول هالكلمه المهم يوم حانة مني التفاته للحمام وش شفت صليحه<<< اسم شغالتنا .... واقفه بوسط الحمام وماسكه مكنسة وسطل وهي منصدمه قلتلها صليحة خيررررر وش عندك .. زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض ما بعد وصلت السرير<<<< ما يكذب ابـــــــــــــــــــــــ د وجلسنا اناظر بعض اللي يشوفنا يقول والتقى الحبيبان وانا ودي اخذالمكنسة اللي معها واكنس وجهها ثم امسك راسها وادخله بوسط السطل اللي فيه مويه علشان اشوف من وين ينسم راسها واصرخ عليها يا دبشه ورى ما تكلمتي وعلمتيني انك هنا وكالعاده كنك تكلم جدار المهم لاني عارفهادريت انها يوم سمعت صوتي انخرشت ولا درت وش تسوي وبذهانتها الخارقه قالت بقعد هنا ومهب شايفني .... لعنبو دارك ودار مخك عاد انا قعدت اتذكر وش كنت اسوي يلعن ابو الفشيله بس اللي مهونها علي قلت اشوى اني ما فسخت كل شي كان انا اللي بطلب من اهلي يسفروني انا مو هي المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني يا سلاااااااااااااااااااام علىالحظ انا والشغاله بغرفة نومي والغرفة مقفله وانا كاسي عاري ما علي الا سروال نص يعني امي لو هي عمياء بيروح علطول بالهالذاك الشي يعني التهمة لبساني لبساااااني علشان تعيشون معي الموقف انا ما علي الا سروال نص والشغاله جنبي واقفه ,,,والباب مقفل وورى الباب امي وانا اعرف امي ماراح تروح الا اذا فتحت الباب في هاللحظه .... خطرت في بالي فكرة انما ايه ما تخرش الميه لي اخو يدرس برى وامي تموووووت فيه واذا دق تركض امي ركض كأنها بنت جايتها رسالة جوال خخخخ فقفزت على السرير واخذت الجوال ودقيت على بيتنا ورد على ولد اختي من تحت قلتله انا خالك بدر وين جدتك بسرعه انااكلم من برا فقام البزر يصوت لامي خاااااااااالي بدرررر بالتلفوووووووون امي اول ما سمعته يصووووت تدروشت وتلخبطت وقامت تقول يووووه قله انها فوووووق وصارت تمشي وتدور التلفون اللي فووووق وهي تقووول اففففف وين ودت التلفون هالشغاله وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا اذ بها يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله الادميه ذي ذكائها خارج التغطيه الا مخهامنتهي الصلاحيه هذي طفرة في الدباشه المهم انا صرت ما اسمع لامي صوت مدري هي سمعت الشغاله والا لا يوووووم جت المصيبه وانا واقف عند الباب اتسمع والشغاله جنبي اذ بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخ المهم رمقتها بعيني يعني وش تبين قالت لا بابا افتح الباب لا بابا حراااااااااااااام لا باباايش يبغى انت لا بابا انا حرمه كبير انا حرمه فيه بيبي حراااااااااااام بابا ياسلااااااااااااام الاخت فاهمه غلط تحسبني اسوي كل ذا علشااااني ابيهاااااااااااااا مدري اضحك والا اصيح والا وش اسوي فيها من زينك انتي ووجهك اللي كأنه رسمة ولد بالروضه عيون يبيلها كروكي علشان تلقاها وخشم افنس كأنه محول غاز لعنبو شكلك لو تطب علينا الهيئه اخذو علي تعهد وانتي سجنوك مؤبد وراح يسوولي انا كشف حمل موانتي <<<<< قويه شوي خخخخخ المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, صليحه!!!! صليحه انتيهنا وقبل ما تفتح امي الباب دورت بسرعه سروال السنه ولقيته على الارض وامد ايدي باخذه.<<<يعني اذا لبست بتنحل القضيه ... في هاللحظه فتحت امي الباب ولا لقيت تصريفه لوضعي وانا ماد ايدي للارض باخذ سروالي الا اني لاارادياً قلت اللللللله اكبرررررررر<< <<< ايه سويت نفسي اصلي واسج خخخخخ وش اسوي مالقيت اي تصريفه وبعدين ما ابي امي تسالني عن شي فاحسن شي اسوي نفسي اصلي المهم اني في نفسي اقول يارب انها ما تلاحظ اني اصلي وانا شبه عاري امي دخلت وتنحت شوي بعدين قالت للشغاله وش قاعده تسوين لكن كالعاده الشغاله اكلت تبن وسكتت وطلعت وقفت امي شوي وانا قاعد اصلي واقول في نفسي اشوى انها ما انتبهت اني متفسخ المهم شوي الا و يوم قالت لي اجل تصلي هاه !!!!! وانا اللي ابلع ريقي مو بس ريقي الا حتى اللوزبلعتها قالت اجل تصلي,,,, زين بس ترى القبله غرب وانت تصلي شرق وطلعت وصبخت بالبااااب بقووووه يوو وووووووه انوااااااااع الصدماااااااات ياربيه وش اسوووووووي واقعد افكر يارب وش اسوي والله اني مظلووووم <<<رحمتوني صح واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخ المهم لبست ملابسي ونزلت ورحت لامي وهي من هوووول الموقف قاعده تتنافض وتحتري ابوي يوم جيت صرخت بوجهي لا تكلمني ولا تلمسني ابعد قلت اسمعي الصدق مجراه والكذب مفراه قالت وشو قلت الصدق منجراه والكذب مفتراه قالت وش تقول انت قلت اففففف الصدق زين والكذب شين وشوله الفلسفه وقعدت اقولها كل اللي صار واحلف ايمان واقسم بالله والحمد لله لان امي واثقه فيني صدقتني بس مدري ليه سفرو الشغاله بعد يومين<<< الى الحين ما فهم انهم سفروها لانهم ما صدقوه خخخخخ بالنهايه احب انصح اخواني الشباب انتبهو تتفسخون بغرفكم وعندكم شغاله اسمها صليحه<<<< متعوب عليها النصيحه خخخخخ |
|
 [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] زرعت الشوق ...كله بأنتظارك... وأخذت الإنتظار ...وجيت عاني... نسيت الناس... لكن مانسيتك... عجزت أنساك...حتى لو ثواني... وجودك صعب ...والأصعب غيابك... وانا في الحالتين أتعب وأعاني...
|
|
2011-03-29, 11:25 PM
|
#2 | |
 
|
رد: قصة شاب مع شغالتهم
الحمدلله ماعندنااااا شغااااله خخخخخخخخ
يسلموووو يالغلا يعطيك الف عااااافيه |
|
|
يآكثر مآيطرِي على البآلْ توقيعْ ..... ولآشفْتْ لي توقيعٍ يرضِي غروريْ
إن مآحصلْ توقيعٍ فوقْ التُوآقيْع ...... وألآعَنْ التوقِيع يكفيْ حُضُورِيْ 
|
|
| مواقع النشر (المفضلة) |
| الكلمات الدلالية (Tags) |
| شغالتهم |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة شـآب مع شغالتهم ... حمـآس*_^ يموت ضحك | ملكة الطفولة | ملتقى القصص والروايات | 1 | 2011-01-30 09:39 AM |
الساعة الآن 08:15 PM