 |
|
 |
رهين الشوق |
|
|
|||||||
| ملتقى شعراء رهين الشوق تـَحلـِيق في سماء الإبـْداع .. وقطـَرات شهدٍ مـِن نـَبضِ أقلامنا , جــــــمـــــــيـــع أنواع الــــشــــعر |
 |
2010-06-28, 05:54 AM
|
#1 | |
 
|
ديوان شاعر الاندلس ناصر القحطاني
يعتبر ناصر القحطاني .. مصدر من مصادر الشعر في منطقة الخليج العربي ونبعا يرد له كل متعطشّ الى هذا الفن من فنون الكلام , نعم هو ( صاحب الذاهبه ) ويصنّف من أكبر الشعراء في المنطقة ذوقاً وفنّاً في كتابة القصائد او الروائع .
هو شاعر سعودي من الذين يمارسون الشعر بكل احترام .. ويحترمون أقلامهم او افكارهم بشكل غير طبيعي . ويكتب ناصر ( ولسمح لى بكتابة إسمه بدون مقدمات ) النص او القصدة بطريقة غريبة جداً لم أرها في باقي الشعراء وربما هذا ما يمسى روح الشعر وهو يختلف من شخص الى آخر او من شاعر الى آخر لتقريب المعاني . ولعلك تقول قصائدة عادية تشبه إلى حدّ كثير قصائد الكثير من الشعراء في الساحة ! وأقول لك نعم .. إن كنت تقصد شكلاً هندسيّا للقصيدة .. أما عن روح القصيدة وسحرها الداخلي فالفرق لا يحتاج الى دليل أو برهان يا صديقي . يعتبر شعر ناصر القحطاني من الشعر القليل الذي يعانق النفوس ويصيب القلب مباشره وربما من أول قراءة له وهذا تستطيع أن تراه عزيزي القارئ من خلال النظر في شعره أو من خلال رأي الجمهور في هذا الشاعر . يــابــوي =يا بوي أنا من ضوّك أشعلت ضوي والله مــا تفـنـى ولــو كـنــت فـانــي شربـت علمـك فـي مـراحـل نـمـوي حتـى قـوى عـودي وغـنـى لسـانـي تذكـر ضنـاك الحالـم .. اللـي ينـوي صــار أكـبـر منـيّـة نـوايـا وأمـانـي ياليـت عمـرك طـوّل وعشـت جـوي وتشوف كيف أنجبت لك عمر ثانـي عشـقٍ علـى حبـل الـوريـد متـلـوي لهـوايـة التحلـيـق وحــدي خـذانــي ما ضقت كم باكـر وأنـا أقـول تـوي هـــذا زمـــان الـغـيـر ولا زمــانــي ودي تــحــدّت هـالـنـجـوم بـعــلــوي دام الـثـرى يـحـلـم بـحــزة طـمـانـي مـن لا دخـل بـيـن الـرجـال متـقـوي ما ظمنتي يصهل صهيـل الحصانـي واللي على جـال الضلـوع متطـوي تبـاشـري بمـفـارقـه يـــا المـحـانـي والله لا سوّي .. ثم أسوّي وأسـوّي ولا فــلا بـاسـمـي فـــلان الـفـلانـي ماتـوا عـداي وصـار وقتـي عـدوي لا بــو دقـايـق سـاعـتـه والـثـوانـي أنــا عـلــى ذاك الـمـكـان مـتــروي بــس الـوعـد لا قـلـت هــذا مكـانـي غـــــادهـ جيت يا كثر السوالف والقصايد الدلال مبهره لعيون غاده جيت اسمرها واحط لها وسايد من شجون قتلها للبرد عاده جيت اغني والغلا كله ودايد عل ذيك النار ما تصبح رماده جيت ابي من وصلها جروح جدايد القديمه ملها الليل وسواده مثل ما ملت عتيقات القلايد وجيت البسها من اشعاري قلاده غيرها ما ابي رخا وقت الشدايد ولا تبي لحدن بعاشقها شهاده ان رظت ما اظن يرظي الناس كايد لو تظايق ظاع مفتاح السعاده كم لقيت اللي لقيت من النقايد من نصيب طولت كبوة جواده كم قظى ليلي وانا اطارد شرايط الدموع لحاف والهاجس وساده لا عند تحنان ولا الصبر فايد قلت اسوق الدرب يكفيني جلاده وجيت اصب الشوق يوم الشوق زايد عل خاطرها خذا منه مراده والا انا لي تالي اللقيا عوايد قهوة من جمرها سكر زياده راســــــي =ماباقي الا انتى توطين راسي =وصبري وعزة نفسي اهلى وناسي =الذل فى وجه عنيد وقاسي =ماخنت فى يوم من الايام باسي =تصبح ركونه للمواجع كراسي =لاتحسبين انى مع الوقت ناسي =لو يمتلى من مويه العذر كاسي =لاانتى ولا غيرك بيوطون راسي فلسفه =فضفضـت لـي عـن سواليـف امهـا اللـي كدرتهـا والحـزن مـثـل الحـسـن لامــر لازم ينـوقـف لــه . جــت تفلـسـف طفـلـةٍ مكياجـهـا مــن فلسفـتـهـا كمـلـت عشـريـن عــام ولاتــزال الـيــوم طـفـلـه . يشـبـع الخـلـخـال والسـلـسـال جـايــع برقبـتـهـا خـيـزران ليـنـهـا بـيــن انـتـبـاه وبـيــن غـفـلـه . ودي ادري لامشـت بشعـور الارض اللـي تحتهـا وانتثنـت قلـت ويـن اللـي يـقـول ان الـتـرف لــه . اه لــولا خصـرهـا قـلـت اسـرفـو فـــي تغديـتـهـا مـا افقـره بيـن النعيـم ولايبـي مـن ينتـصـف لــه . حـاجــةٍ تـطــري عـلـيـهـا جايـبـتـهـا جايـبـتـهـا نسـمـةٍ ماتعـتـرف بـالـبـاب والـحــارس وقـفـلـه . قلت وش ذا اللي خفق بين الضلـوع امـن اولتهـا قبل اقول الضيف جـاك اثـره فتـح كـل الغـرف لـه . يـــوم قـدمـتـه لـهــا لـيـلـة سـرتـبـي سلهمـتـهـا قالـت اتشـرف بقلبـك يافتـى قـلـت الـشـرف لــه . طرت مع سرب الحمام اللي سـرى مـن حنجرتهـا ساعتين وهي تسوق الرمش وابصم واعترف له . تجـدل انفـاسـي والـلـى حـسـت دفـاهـا كسرتـهـا وطلقتـهـا للهبــوب بـكـل طـيـشٍ تـنـجـرف لـــه . لـيـن بـاخـر طيشـهـا قصـيـت اظـافـر شيطنتـهـا لاتشـح بكيدهـا اللـي كيدهـا ابـن ادم ضـعـف لــه . نسنسـت عصريـة الجمـعـه وهــي تـقـرا بختـهـا بيـن جمـع مـن العـذارى كـل شــي منكـشـف لــه . كــل مـاجـن يمشـطـن شرطانـهـا الـلـي تعبـتـهـا سمعوهـا مـن قصايـد خلهـا اخـر مـا اتعـرف لــه . ولـــدت الـحـلـمٍ تــدورلــه وتـنـشــد منـظـرتـهـا لــدت الـبـرواز اســود دمـعـهـا يـامــاذرف لـــه . لــــدت تــوصــي مـكـاتـيـب قــبــل مـازرفـتـهـا ضمنتـهـا الغالـيـه دمـعــه وداع وعـطــر حـفـلـه . قـلـت ارضيـهـا وجـيـت وجــات والدنـيـا ملتـهـا والغـزل دار ولقـى المشتـاق مشتـاق يعـزف لــه . كـــل مـــازودت وردي الـسـوالـيـف اخلـجـتـهـا وكـل مـازاد الحيـا قلـت الحلـو وش ينكـسـف لــه . قـالـت امــي تفتـكـرنـي طـفـلـه وتـظـلـم بخـتـهـا صـح انـا مانـي بطفلـه صــح انــا مـانـي بطفـلـه يمه اذنبت يمه اذنبت ونزحت مـن العشيـره وان تمنو توبتـي مانيـب تايـب مابي لدنيـا الغناديـر اي سيـره طايح من عام الاول في مصايـب يمه اللي حب لـه طفلـه صغيـره ويش يسوي لاغدا فيهـا طلايـب طفلـةٍ ماكانـت بحبـي جـديـره بس كانت غير عن كـل الحبايـب كنت اسميها العنـود المستذيـره ليت اهلها العام سموهـا عجايـب كنت اجيها مثل الامطـار الغزيـره كنت اضيع بجوها مثـل الهبايـب وادعي الله هي متى تصبح كبيـره تفهم اشلون المكان يصير ذايـب ان تغنت تصبح الطرقـه قصيـره وان تغلت تصبح جروحي عطايب صنتها مثل البحر لابعـد جزيـره ماتركت علومها لاهـل الركايـب ديرة ماهـي بهـا ماهيـب ديـره لو ثراها عشب واعلاها سحايـب يمه اتحبيـن طايلـة الضفيـره؟؟ اااه والله ياعليها اشقـر ذوايـب قالت ان جا الراس شايب فيه خيره قلت يابنت الحلال الـراس شايـب قالت الا الحب وشهو وش مصيره قلت انا استاهل وانا كل السبايـب ماجزا اللي حب له طفله صغيـره غير قبر و ضحكها فوقه نصايـب الذااهبه المعذرهـ من الجميــع تم تعديل القصيدهــ الله اللي راد و العقده قضاها اللي عقدها لا على الدنيا السلام و لا لباقي العمر زينه الفضا ما كنّه إلا خيمةٍ طاحت عمدها و الفرح ما كنّه إلا شيخٍ انقصت يدينه و العمر قطعة زجاج انكسرت و لا طال أمدها و العرب في العيد بدموع اليتامى مستهينه و الشوارع لفّها ثوب الظلام اللي هجدها و البيوت أطلال من عقب المحبه والسكينه و الشتا و الليل و البرد و سما يصرخ رعدها والعيون اللي ورا الشبّاك مذعوره حزينه طوّلوا في الكهف الأصحاب و بقت روحي وحدها كنّها في كوكبٍ ثاني خلا من ساكنينه الوداع اللي بعلم .. لعيني أعبر من رمدها و الوداع اللي بلا علم .. لقفص صدري غبينه و الوداع اللي بلا رجعه .. عليّ أمّر و أدهى و الله إنّه غرغرة سمّ و سكاكينٍ سنينه و العنود اللي جفيت الناس و الدنيا بعدها مدّت الفرقا لغاليها و هي تعطي الثمينه وينها .. كيف تركتني .. ليه ماجت في وعدها و القمر لا طل خابرها تجي بيني وبينه رحت أنادي و أتلمّس في مهب الريح يدها كنّي حصانٍ بلا صاحب طوى البيدا حنينه رحت أصيح الصبح وينه و العرب ما رد أحدها ما سمعت إلا صدى صوتي يقول الصبح وينه كنّهم من يوم ذيك الشمس غابت عن بلدها طلعوني في النفود و صكوا أبواب المدينه كنّهم من يوم ذيك الذاهبه محدٍ وجدها كل رجالٍ من الشرهه قلع في الدرب عينه أثرها ماتت و ماتت كل فرحه في مهدها و الربيع أقفت به اللي كانت التاج لجبينه جاورت عقب الحدايق حفرةٍ ما أقسى لحدها حفرةٍ ماني مصدق كيف ضمّت ياسمينه للحزن فيني مثل ما للطهاره في جسدها ويش أسوي لا فتشت اللي لها وسط الخزينه زخرفت حلم و بنت له مسكن و سمّت ولدها آآه لو غرّد ولدها في خميلة والدينه عاهدتني و ظفرت بيمينٍ أقوى من عهدها و الصبي لا خير فيه إن كان ما نفّذ يمينه ما تتقى عن رثاها عرقٍ اكتظّ بشهدها و لا تبقّى خلف قضبان الجفن عذرا سجينه كيف عند العالم أيام العزاء محصى عددها و إلا أنا طالت شهوره و الله أعلم كم سنينه لا الثرى فيها نبات و لا المشي خفف نكدها لا السما فيها طيور و لا البحر يمّه سفينه لا القمر هذا مساه و لا العصي هذا رغدها لا الزهر هذا شذاه و لا الذهب هذا رنينه قالوا الشيخ الفلاني مرجع القوم و سندها قال يبشر بالعوض و العلم جينا ناقلينه ساق لك بدر البدور اللي نشدها من نشدها جادلٍ هزّت عروش و خيبت روسٍ ذهينه قسمها في رسمها في جسمها إلا في رشدها و إسمها إن جا للغضب قومه على الألسن رطينه إترك الناي و عطيّة شيخنا غنّ لسعدها و انبسط يا عم و إنسى اللي ورى التربه دفينه قلت و لصدري تناهيدٍ تروّع من شهدها آآه وا ويلاه من يجلب على قلبي ضنينه خلّوا أغلى ذاهبه ترعى ربيع اللي فقدها و العطا راعيه محدنٍ صوبه الله لا يهينه لو ضمنت الجنّه و تفاحة القلب و شهدها قلت من بكره عسا مجنونها تاقف سنينه = (طـفــلــه) ..!! فضفضـت لـي عـن سواليـف امهـا اللـي كدرتهـا والحـزن مـثـل الحـسـن لامــر لازم ينـوقـف لــه . جــت تفلـسـف طفـلـةٍ مكياجـهـا مــن فلسفـتـهـا كمـلـت عشـريـن عــام ولاتــزال الـيــوم طـفـلـه . يشـبـع الخـلـخـال والسـلـسـال جـايــع برقبـتـهـا خـيـزران ليـنـهـا بـيــن انـتـبـاه وبـيــن غـفـلـه . ودي ادري لامشـت بشعـور الارض اللـي تحتهـا وانتثنـت قلـت ويـن اللـي يـقـول ان الـتـرف لــه . اه لــولا خصـرهـا قـلـت اسـرفـو فـــي تغديـتـهـا مـا افقـره بيـن النعيـم ولايبـي مـن ينتـصـف لــه . حـاجــةٍ تـطــري عـلـيـهـا جايـبـتـهـا جايـبـتـهـا نسـمـةٍ ماتعـتـرف بـالـبـاب والـحــارس وقـفـلـه . قلت وش ذا اللي خفق بين الضلـوع امـن اولتهـا قبل اقول الضيف جـاك اثـره فتـح كـل الغـرف لـه . يـــوم قـدمـتـه لـهــا لـيـلـة سـرتـبـي سلهمـتـهـا قالـت اتشـرف بقلبـك يافتـى قـلـت الـشـرف لــه . طرت مع سرب الحمام اللي سـرى مـن حنجرتهـا ساعتين وهي تسوق الرمش وابصم واعترف له . تجـدل انفـاسـي والـلـى حـسـت دفـاهـا كسرتـهـا وطلقتـهـا للهبــوب بـكـل طـيـشٍ تـنـجـرف لـــه . لـيـن بـاخـر طيشـهـا قصـيـت اظـافـر شيطنتـهـا لاتشـح بكيدهـا اللـي كيدهـا ابـن ادم ضـعـف لــه . نسنسـت عصريـة الجمـعـه وهــي تـقـرا بختـهـا بيـن جمـع مـن العـذارى كـل شــي منكـشـف لــه . كــل مـاجـن يمشـطـن شرطانـهـا الـلـي تعبـتـهـا سمعوهـا مـن قصايـد خلهـا اخـر مـا اتعـرف لــه . ولـــدت الـحـلـمٍ تــدورلــه وتـنـشــد منـظـرتـهـا لــدت الـبـرواز اســود دمـعـهـا يـامــاذرف لـــه . لــــدت تــوصــي مـكـاتـيـب قــبــل مـازرفـتـهـا ضمنتـهـا الغالـيـه دمـعــه وداع وعـطــر حـفـلـه . قـلـت ارضيـهـا وجـيـت وجــات والدنـيـا ملتـهـا والغـزل دار ولقـى المشتـاق مشتـاق يعـزف لــه . كـــل مـــازودت وردي الـسـوالـيـف اخلـجـتـهـا وكـل مـازاد الحيـا قلـت الحلـو وش ينكـسـف لــه . قـالـت امــي تفتـكـرنـي طـفـلـه وتـظـلـم بخـتـهـا صـح انـا مانـي بطفلـه صــح انــا مـانـي بطفـلـه (سـقــا الله) ..!! حبـيـبـي طـــال مـــوّالٍ يـجـيـب الـهــم والتنـكـيـد عـسـى الله مـــا يخلّـيـلـي خـلـيـلٍ كـــان خلّـيـتـك . يبـو عـذرٍ يشابـه ضحكتـة الأطـفـال يــوم العـيـد أنا ابكيتك؟؟ حشـا واللـي فتنّـي فيـك مـا ابكيتـك . حـرام بعيـنـك الدمـعـه حــرام بـصـدرك التنهـيـد حــرام الـبـرد يمـضـغ راحتيـنـك مـــا ترضّـيـتـك . تعـال وكــل جــرحٍ فـدوتـك يـبـرد مــن التضمـيـد أشـوفـك مــن زمــان وقــدّر المـولـى وحبّـيـتـك . مـن اول مـرةٍ شفتـك .. تمنّيتـك وصـرت السّيـد وتمنّـيـت انّــي اصــلا يــوم شفـتـك مــا تمنّيـتـك . تخـيّـل كـيـف سكّنـتـك وخـلّـيـت الـقـريـب ابـعـيـد وروّح كــل عـاشـق يحـلـم افـبـيـتٍ مـثــل بـيـتـك . فـداه مـن البيـوت اللـي يـمـل ويعـشـق التجـديـد ياعمـري شـف وهـو قلبـي متانـي فيـه وصّيتـك . أسج وتنقلب ضوضا الشـوارع فـي عيونـي بيـد واجيـك ويرتعـش فـي خافقـي عصفـور لاجيـتـك . دخيـل الطلّـه اللـي كـل ماجـت فــوق ذاك الجـيـد دريــت انّــك طمـوحـي يــا طـمـوحٍ مــا تعـدّيـتـك . حشـا مـا مرّنـي يـومٍ صـبـوح الا انــت بالتحـديـد تـراك الصبـح فـي عينـي مـن اول مــا تهجّيـتـك . نسيت ان الرّسايـل كانـت مـن ايـدي تسافـر ليـد تعـطّـر لــك مـسـاك وعطـرهـا يحيـيـك ويميـتـك . نسـيـت انّــك ظـفـرت بـزفـرةٍ تستـاهـل التمجـيـد ولا تـلـحـق جـزاهــا لــــو تجـمّـعـلـي تنـاهـيـتـك . نسيت انّي وضعت الشمس في كفّك وعفت الغيد وحطّـيـت القـمـر فــي كـفّـك الـثـانـي وخـاويـتـك . انــا لــي ذنـبـك وللـذنـب عــذر ولـلـعـذر تمـهـيـد ولـك خيـل الرّضـا تصهـل بصوتـي يــوم ناديـتـك . تمـتّـع بالـغـلا يالـلـي يسمّـونـك عـنــود الـصّـيـد والا يـــا كـثــر ماغـرّتـنـي حـروفــي وسـمّـيـتـك . حبيبـي لا سقـا الله عرفـي اوّل قبـل اجيـب العيـد سقـا الله يـوم طشـت .. الا سقـا الله يـوم حبّيتـك (حبيبي لا تعذر ) ..!! حبيبـي لا تعـذر والجـروح اسبابهـا الأعــذار وانا ادري مايطيب الحـب غيـر بكثـرة ذنوبـه . يليـت الجـرح مـا بيّـح نزيفـه باقـي الأســرار ياليتـه كـان ذنـب ابـدون عـذر وتغفـره توبـه . أنا اللي ماخذا منك القصاص ولا طلب لـه ثـار علـى كثـر الحقـوق اللـي تمنّـى قـول مطلوبـه . أهلّـي بالمواجـع كـل مانسـاقـت مــن الأقــدار واقـول يحلّـهـا الـلـي حطّـهـا للقـلـب مكتـوبـه . حطبت ضلوعي وشبّيت ضوّك يا عذاب النـار وانا استر كل هم .. وكـل هـمٍ ضـاق بـه ثوبـه . تذكّر كيف سيّلـت المشاعـر فـي هـواك انهـار عطيتـك للفـرح صحـوه ولـلأحـزان غيبـوبـه . عطيتك وقتي ورحت اترقّب قاصـف الأعمـار وانا سنيني علـى عمـرٍ نثرتـه فيـك محسوبـه . حبيبي وان بغيت الصدق ياشين الهوى لاجار حبيبـي وان بغيـت الكـذب كلّـن ملْـك محبوبـه . دخـيـلـك لا تـعــذر واللـيـالـي خـلّـهـا تـنــدار يبـيـن الـنـور والا ياعـسـاه يـطـوّل غـروبــه تراهـا الصـوره ..!! تراهـا الصـوره اللـي جـا عليهـا فـالـوداع عـلـوم فديتـك .. مـا سـواهـا حــرّك الخـفّـاق واوجـاعـه . عسى يا احلى هدايا الكون منت بمن حلال القـوم عسـى يمّـي يجيـبـك مــن تركـتـك عـنـده اوداعــه . معاك اضيع يا عمـري وابـي لـو ساعـةٍ مـن يـوم تضيّعهـا معـي وانسـى وش اليـوم وكـم السـاعـه . عشيرك مـن يـد التـرك ليـد الفـرس ليديـن الـروم هـــذا هـــو يـعـربـيٍ لا نـســى حـلـمـك ولا بـاعــه . تـعـال الـكـل ينـشـد عـنـك وطـيـور الخـيـال تـحـوم وانــا مابـيـن طـيـف وصــوره ودفـتـر وسـمّـاعـه . من اول ما اصبح استفـرد بنكهـة سـرّك المكتـوم واهيم بكل شـارع واندهـك واخـرج عـن الطّاعـه . أطـارد شمسـك اللـي لآخــر الدنـيـا بــدون غـيـوم والـى منّـي ذكــرت اعيـونـك ومغـنـاي وشـراعـه . أجـي يـم البحـر واحكيلـه اوّل مــا عـرفـت الـعـوم وفوق الشّاطي ارسم وجهك اللي سافر اشعاعـه . والى جا الموج يمّي ضمّت ايدي وجهك المرسوم وطـاحــت نجمـتـيـنٍ مــــرّت الـخـدّيــن مـرتـاعــه . واعــوّد للحـدايـق مــا بـقـى مــن زادي الا الـلـوم أدوّر عــن عبـيـرٍ كــم وكــم نسـمـه مــن اتبـاعـه . أداعــب وردهــا والـفـل والـريـحـان واليـشـمـوم ولا هو ملمـس الـورد الطبيعـي يـا اجمـل انواعـه . وانشّـد عنْـك اناشيـد وعصافيـر وشـجـر وكــروم وكـرسـي بـاهـتٍ لـونـه وسـبـع اخـيــوط لـمّـاعـه . واشوفـك فـي فساتيـن وذهــب ومعـلّـق بمنـظـوم واخبّـر بـك سـرايـا كــل ســوق وغـالـي بضـاعـه . واشيـل اوراقـك ام حـروف وقلـوبٍ تشيـل سهـوم واغنّـي مـا طـرى واطبـع عليـه الطـاري اطباعـه . واعـوّد للـوسـاده فــي مـسـاً مـالـه قـمـر ونـجـوم اصـحّـي صـورتـك مـــن نـومـهـا وتـفــز فـزّاعــه . أنـام بحضنهـا لـيـن الصـبـاح يـقـول صــحّ الـنـوم وافيـق بوجـه نجـمٍ مـن صـبـاح الخـيـر مطـلاعـه النسا روح المسا والليل لو فكر يبات كان ما فيه أغنيات وكان ماله ذكريات وكان ما فينا عظيم ومال أمانينا حليف وما بنا قلب وليف ولا لنا قصد شريف النسا نصف الحياة الا النسا كل الحياة آه يا أسرار الخوات آه يا أحلام البنات آه يا الطيش الطفولي آه يالحسن الشفيف آه يالعشق العفيف آه يالجنس اللطيف علمن حتى المرايا والشبابيك اللغات والرسايل والدواة صارت أعذب مفردات كم بكن وانكف مبصر واضحكن وابصر كفيف ورمشن واهتز سيف وهمسن وامتد ريف كم غدن لاخوانهن عزوة صناديد عصاة بين صفق المرهفات وبين ضبح العاديات طاحت أشناب وكراسي وانطلق دمع ونزيف واعتلا الخف المنيف والمقابر تستضيف النسا ضلع عوج لولاه كل العدل مات مالهن عنا فوات ومالنا عنهن غناة تبرق الدنيا يديهن ويغرينا القنيف نطمع بتكريم ضيف وناقف بيوم عصيف النسا بحر موجه منايا وأمنيات والنسا مركب نجاة نسأل الله الثبات هن لباس وهن فراش وهن معاش وهن رغيف إن فتك جوع مخيف وإن حدا الرجال حيف النسا حتى شراب الجنه العذب الفرات تحت ماطى الأمهات يالهن من مكرمات كل ما عود بنا الكد أقبل ابن آدم ضعيف له ورا البيبان طيف مثل نسناس المصيف في بلادي يحسبون ان النسا متخلفات في الضحى مستعمرات وفي المسا مستوطنات ما دروا عن هالبيارق شمخ العرض النظيف فزعة الدين الحنيف شجرة العز الكثيف غادة وسجادة وكفين وحجاب وصلاة من صبايا محصنات من عروق طيبات أطهر من ألفين منظر كلها فتنة وزيف في رجا الصبح الكسيف واجرة الليل السخيف كم مكان يعرض أعراض آنسات وسيدات والهوى له بايعات والغلاف وله فتات والحسن تشبير عنق وطول وخصر نحيف وشي ما ينشاف شيف لاجل الأول والوصيف شهب تشابه رسوم الشاشة المتحركات مال زمتهن طرات و لا لهن ملح وحلاة لا ربيع فيه خير ولا به الا بروق صيف والشتا ما به رفيف يحيي أوراق الخريف لي مناحل لي خلايا كلها سكر نبات لي حصون ناعمات لي غصون شامخات لي قوارير ملاها العقل والدم الخفيف خلفها العمر الكليف ودونها الحد الرهيف يا زمن وش جاب حلوى غلفوها بالعباة جنب حلوى للمشاة وللغبار وللشتات شف بدل ما هي لواحد صارت لجمع لفيف كيف أنا اخبرك كيف شوفها فوق الرصيف عنفوان الحب خـــــــلاص ابـتـرك كــل شـي مـكـــــــانـه الـعـشـق والـعــبـرات والحـســن والـتـيــه جـفـا .. مـلـل .. فـرقـا .. تـغـلي .. خـيـانـه هـــذا قـــــراري وسـمـــه الـلي تـســمـيــه مـاهـمـــــنـي ذاك الـمـكــــان وزمـــــــانـه اغــلـيـه والا عـلـنـي مـارجـــــــع اغـلـيـه يـاســـيـد الـمـــــــاضى وذيــك الـمـكــانـه انـا الـــــذي شــــوه بشــــرواك مـاضـيــه الـحـــــب عـــــرفـتـك عـلى عـنـفـــــوانـه والا انـت مـاتـسـتاهـل اصـغـــر مـعـانـيـه مـاشـفـت طـــرفـك في قــسـاه وحـنـــانـه يـرقى قـصـيـدي ويـتغـطـرس عـلى يـديـه مـاشـفــت عـــودك كـم وكـم خـيــــزرانـه سـمـيـتـها بـه .. وانـثـنـت مــــع تـثـنـيـه مـاشـفــت شـعـرك كيف عـلــيـت شـــانـه دلـيـتــه الــــريح وغـــــــدا وقــتـها فـيـه مـاشـفــت صـبحٍ جــاك تـضـحـك ثـمـانـه عـقـبـال مـاصـبح يــوم والـقـاك نـاســيـه قـل للعــــذر مـاعـــــاد للعـــــذر خـــــانـه لـو تـبـني بـدمعــك بـيـــوت الـمـشــاريـه قــل للـطــــواري لـو تـطـيــح الـمـيـــانـه لاهـنـت لـي صــــوتٍ ولااشـتـقـت لـبـيـه امـــانـه ان كـانـــك تـعـــــرف الامــــانـه لاتـذكـر انـه كـان لي عـــشـقٍ ارجـــــيـه جــاك الكــــلام وخـــل قـلـبـك مـكـــــانـه والعـشـق والـعـبرات والحـسـن والـتـيـه قصيدة مدح في غازي القصيبي \ \ \ الأبيــات تحبي لك..والثنـــا يمشي على معكاز ……………………….والارض تدور..والمهجر يذكرني بمركازي مكانٍ في زمانٍ عــزّبك ..مااغـلاه من مـركــــاز ……………………… وأنا في مجلسٍ نهجــه ونهج العــــز متوازي صغيرٍ..كل ماصدّت عيون ..اقرب من المعناز ……………………… سواليف الضيوف تدور وعيوني لمعنــــــــازي الا يا كثر اصــابعهم إلى شافـوك في التلفــــاز ……………………… وعشقٍ مثل زخات المطر مجنون وإعجـازي افكر من يكون الي على صوت الضماير حاز ……………………… من اللي ما يبي غير الجزا من ربٍ يجـــازي من اللي في فراش الموت ابوي يردده بإيجـاز ……………………… من اللي يفرشــــون لسيرته سجـــاد شيرازي تخيلتك شبيه السـندباد.. اثـرك شبيه البـــــــاز ……………………… دخلت الذاكره والقلب يا اول واصعب الغازي ياغازي .. والله انها ماتضيق الا على المعتاز …………………….. وانا وامثالي من الناس محتاجين كم غـــــــازي عرفتك .. مزنٍ يزلزل زمانٍ كله استفـــــزاز ……………………. ولو ما للـــــزمن زلزال زادت نـــزوة النـــازي قريتك.. يوم خلّيت الورق باحلى الغرق يمتاز …………………… يفــــزّع له مية فارس .. وتحتضنه مية جــــازي سمعتك ...يوم صحت وقمت اباري صيحتك منحاز ………………….. واردد: نجد نجدي والحجاز” وربي" . حجــــازي اعـــزك ياعزيـزٍ عزّك الله وانت بين عــزاز …………………. معزّه من زعامه عزمها مــــدري وش تــــــوازي تفاصيلك .. غزت سجادتي .. واصبح دعاي اجواز ………………… محاصيلك .. ملت زوادتي.. وانجازك انجـــازي من اول مايجوز الغزو ..قلت يجوز .. قالــــوا جاز ………………… كم أرضٍ ترتجيه ان كان شروي غازي الغازي يخلّدك الــــــزمن ..ياصـــورةٍ غرّد بها الــــبرواز …………………. مثل ما خـــــلد التــاريخ ابن حيان والـــــرازي بعيد من المـــــواجع وانحياز اليعربي لا انحـــــاز …………………. ابـ .. اقول لعـدوّيني قبل ما اقول لـــــــعزازي: أنا من أمــــــةٍ في الماضي لها صهلله وانجـــــاز …………………. وانا من أمةٍفي تالي الـــــوقت انجبت "غازي" سالفة عمري انا اللي جيت لك والريح تعوي والشتا مسعور ----- ولابه مــــن دفى والمربعـــانيه بــاواخــرهـــا تغير وانطبع دربك بلون المسك والكافــــــــور ----- وهذي رعشـة كفوفي ولابه مـــن يدثـــرهـــا بعد ماكنت اجي بابك بدستور وبلا دستور ----- ولا ادري الا وذيك الدرفه اليمنى على آخــرها طموحي عارضته اللي معاها كل شي يبور ---- وجا كسر الطموح اهون علي من كسر خاطرها سنة ماقبل نذير الشيب كانت بأول الطابور ----- وكنت احلامــهـا ذيك السنه واول ســرايــرهــا لقت قدامها فوضى وقلب وشاعر وجمهور ----- وجــات ورتبتني مـــن جديد وصرت شــاعــرها بقيت اسري لها لا همني وحشه ولا ديجور ----- اشيل احلامنا تحت النــــجوم وهي تفســرهــا سقى الله يوم جابت لي قبل يومين من عاشور ----- هذاك العسجد اللي جابه الله من عشايرهــــا غلاها كان تحويشة عمر بشعور فوق شعور ----- الين اكتضت الاشــــــواق والهاني تكــاثرهـــا ربت ماهي تحت ريشة نعام وفي بلاط قصور ----- ولكن لاترف لـــــه قيمـــه الا تحت اوامـــرهــا يحملن امهات البيض تسع شهور تسع شهور ----- على رجوى بشايرهـــــا ولا لاحت بشــايرهــا تقـــل بدر ولا بيـــات بدر تقـــول بـــدر بـــــدور ----- ولا بيات بــــــدر بــــدور يعني مـــانت خابرهــا لو استقصوك عنها مانت محتاج لشهادة زور ----- تحت سقفك سحايب ملحها وامواج سكــــرها مرق المتحف اللي من ورا اضلوعك فدتك الدور ----- وانا ما اقوى نظرما فيه بعد غياب ناظــــــــرها حديقة بيت اهلها سورها العــــالي حمام الســــــور زخارف بابـــهـــا شباك غرفتـــها ستــــايـــرهـــا ورق جدرانها..سجادها..تقسيمة الديكـــــــور ----- خزاينــهــا ..هداياهـــا..رسايلـــها..خــواطـــرهــا تحفها..مزهريتها..قصصها..شعرها المكسور ----- صورها..مكتبتها..اقلامــهــا..لـــمــة دفـــاتـــرهــا زمام السيف ..شال الليل..حنا الكف..كحل الحور ----- حلقها..عطرها..فستانها الابيــــض..جــواهــرهــا مرايتها..فصوص الساعه البيضا ام خمس سيور ----- خواتمها..قـــلايد جيــــدها..نقشـــات اســـاورهــا ملابسها..بروق الوانهـــــا..دولابهـــــا الممطــور ----- من ازرقها..الى احمرها الى اخضرها الى اصفرها نسانيس الهوا اللي ترتشف يشمومها المنثور ------ صخيفات المناديل اللــــــي احتضنت عبـــايـــرها مصابيح المكان اللي خذا منه النهار النـــــــور ------ سنون مشاطها اللـــي مانست عشرة ظفايرهــا بطاقات(ن) يطرزها صغار(ن) يحملون زهـــور ----- رحيل الدبلــــه اللـــي مــاتهنت في خنــاصــرهــا زوايا كنهــــــــا بلــــور في بلــــور في بلـــور ----- مسى رزنامة(ن) غـاب الحـــرير اللـــي يغيـــرهــا وش اقول لـ يتاماها الكثير الممتلين كسور ----- وانا اشياهـــا تحـــاصـــرني واحسبني محاصــرها بكيت وصارت الدنيا قفص واستوحش العصفور ----- ضحكت وملت شبوك القفص من كذب طـــــايرهـــا عرفت شلون الارض تدور وايام الزمان تدور ----- والاعيان انصفت كيف ومتى تذبـــــح مــحـــاجرهــا ومتى تصير القبور بيوت وتصيرالبيوت قبور ----- وكيف الذكريـــــــات يذوب مـــاضيهـــا بحـــاضـرهــا على الله وانت ابيك المتحف اللي للعرب معذور ----- الى جتك العيـــون وصـــــدت ابوابـــك نواظـــرهـــا تمر اجيال وتصدر سواليف وتعيش عصـــــــــور ------ وتروي سالفة عمري مــــن اولهـــا الــى اخرهـــا رجال الهيئة اهل الأذكار تدعي والظلام انتحى والدعاوي تهز مشيدات القصور والخطاوي تعثر بين خوف وسحا والفتن تشتعل.. وانتم سواة البدور يا قصار الثياب ويا طوال اللحى لا تفيض العيون ولا تضيق الصدور دارت الأرض بالعالم ودار الرحا وانتم الشامخين وما تبقى يدور كل ما المح شموس وجيهكم في الضحى احمد اللي بعيني زود النور نور ف الجباه السمار اللي ظهر ما انمحى ابشروا به وهو يشفع بيوم النشور السنتكم عطاها الله حديث فصحا وافئدتكم من الإيمان تنضح سرور قصر المسك يا حمالته واستحى يوم جاء يعطي اعطيتموه طيب وطهور يا تلاميذ عقد الصفوه اللي نحى يا حبايب صلاة الفجر واهل السحور يا رجال على يديكم صحى من صحى سعد روح تغذت من بصيرة غيور انتم لمعشر السالين خير نصحا وانتم لنصرة الدين اصدق اللي يثور ان دخل صفكم وجه كذب والتحى رده اللي يرد الكيد وسط النحور وان هرج زيد لعبيد بسوالف جحا لا لحقكم شكوك ولا لحقنا نفور واللي انزل تبارك والقلم والضحى انكم هدينا عن محدثات الأمور واصلوا يا بركتنا دون خوف وسحا ردوا نفوسنا اللوامه من القصور العروس خـويـة درب عـمــري مـاخـذانـي دونـهــا النـسـيـان وأنـا يـا اهـل الملامـه مـا رغبـت العيـش وحـدانـي + + + + + ابـي لـي مهـره ماعسـفـت صغـيـره وبـنـت حـصـان ابـوهــا الـلــي يـفــك المشـكـلـه ويـزبــن الـجـانــي + + + + + واخوهـا لا تـعـزوى باسمـهـا فــزوا لـهـا العـربـان يـحـق لـهـا الفـخـر فـــي قـولــة آل فـــلان جـدانــي + + + + + أبـيـهـا فـــي بـحــر عـشـريــن لا زود ولا نـقـصــان أبيهـا اقصـر طويلـة والوصـوف اشـكـال والـوانـي + + + + + أبي الجبهه كما الصبح وكما القوس اسود الحجان وابـيـهـا نـاعـسـات ونرجـسـيـه ســــود الاعـيـانــي + + + + + ابـي رمــش كـمـا ريــش يغـطـي الثـلـج فـالاوجــان وابــي جـفـن يشـيـل الـرمــش طـربــان وكـسـلانـي + + + + + ابــي خـــد كـمــا ورد تـنّـمـى فـــي طـــرف بـسـتـان وابـي خـشـم صغـيـر ومـثـل حــد السـيـف شامـانـي + + + + + ابـي البسمـه كمـا البـرق وثناياهـا كـمـا المـرجـان شـفـاهــا جـمـرتـيـن وفـمــهــا خــاتـــم سـلـيـمـانـي + + + + + ابــي شـعـر مـثـل ذيــل الـفـرس لا طـبّـت الـمـيـدان او الـشــلال لامـــن بـــات لـيـلــه بــيــن الامـتـانــي + + + + + ابــي جـيـد ســـوات ابـريــق فـضــه نـاتــق مـلـيـان وصــــدر كــنــه مــرايــه عـلـيـهـا طــلــع رمــانــي + + + + + ابـي ظهـر كمـا الـجـدول وقــدّ مـثـل غـصـن الـبـان وخـصـر مـثـل مـجـدول الاعــلان وجـسـم رويـانــي + + + + + ابـيـهــا نـابـيــة ردف وبــطـــن ظــامـــر جــوعـــان ابـيـهـا مـدمــج ســـاق وقـدمـهـا لــســان ثـعـبـانـي + + + + + ابيـهـا بـنــت عـــز مـــن رغـدهــا يـنـعـم الفـسـتـان ابــي الـرقـه وابــي الـدقـه لـهـا باطـرافـهـا شـانــي + + + + + ابي المشيه كما اللـي طالـع مـن المعركـه كسبـان وابيـهـا تــرش مـــع خطـواتـهـا مـســك وريـحـانـي + + + + + ابـي صــوت الــى مـنـي سمعـتـه كــن فـيـه الـحـان يـدغـدغ مسمـعـي ويثـيـر كــل السـحـر فـاشـجـانـي + + + + + ابيهـا حـب واخـلاص وهواجيـس وفــرح واحــزان ابيـهـا مـثـل مــا دكـتـور اهـالـي العـشـق وصـانــي + + + + + ابـيـهـا لــوحــة مــــا صـورتـهــا ريــشــة الـفـنــان ابـيـهـا جـوهــره مـــا جـابـهــا قــاصــي ولا دانــــي + + + + + ابيـهـا تنتـصـر لــي مـــن زمـــان حـطـنـي نـيـشـان وتبـشـر بـالـغـلا الـلــي مـالـفـى بـــه واحـــد ثـانــي + + + + + مـهـرهـا قـلــب وشـعــر يـهــز الـقـلـب والـوجــدان وألبـسـهـا القـصـيـد وتـصـبـح اوزانــــي وقـيـفـانـي + + + + + ابي اللي فات واللي فـات صعب ومن لـقـى العنـوان يــرد الـعـلـم ولا افـضــل ابـقــى اعـيــش وحـدانــي شمر الشمس غابت وكل ٍ دوّر سراجه.... والشوق جمّر محرّ الشوق لاجمّر دام اتجاهك شمال مودعك حاجه .... سلّم على حايل وسلّم على شمّر قدامك الخافق اللي ينشد علاجه.... كنه معلّق على برزان ومسمّر وانت تعرف يا بعد حيي من تواجه.... بيضان الافعال لامن الزمن سمّر ان ضاقوا أعنف من البحر وامواجه.... وان راقو اركد من الخرمان لا عمّر كم صيت بيت ٍ عتق في الباب مزالجه.... وكم شيخ اماره قبل تعيينه مومر وكم حاتمي ٍ تكفيّ فلّة احجاجه.... وش لون للضيف لو عن ساعده شمّر ؟ وان مر تاريخهم متلبس ٍ تاجه.... كم عاشق ٍ كيّف وكم حاسد ٍ زمّر في جو ٍ اغلى على الرجلي الى داجه.... من ديرة السادس ومن ديرة معمّر كنّه الا اهدى له البراق فجاجه .... خلت غرير ٍ ضحك ومن الخجل حمّر توارثو حرثه وتمتير ديباجه.... ركابة الجيب من ركابة الضمّر الودّ لا غرس بدري صعب مخراجه.... والله ولا الذّ واحلى منه لا ثمّر ادخل على اللي تطوف البيت حجاجه.... من ناقص ٍ عند مدح الغير يتذمّر والمدح لو كان في الرديان للصاجه.... ويقال عمّر بلد بالعون ما عمّر والذّم لو زاد في الطيب تولاجه.... لا احرق ولا اغرق ولا عمّر ولا دمّر ماني بمتحسف بشعري على حاجه.... الا اني اروح ما غنيت في شمّر بغداد عساها فاتحة برد وسلام وخاتمة وقــــــــاد على دار السلام الله يروع من يروعهــــــــا حضارة سومر وبابل قبل تشريفة المــــيلاد عروق الرسل والعلم وهل الشعر وروايعها هوى سيف الله المسلول يوم ان السيوف حداد مساوي سرية كان المثنى في طلايعـــــــــها عروس زفها المنــــصور والدنيا لها سجاد ودللهـــا الرشيد الله عليها يوم دلـــــــــــــعها بدت بالسندس اللي يهوس الخلان والحــساد وكثر ماهزها التـــــــاريخ مااهتزت روابعها بقت خضر مرابعها بقت تنجب لنا الامجاد بقت بيض صنــــــــــايعها بقت سود وقايعها ورى ماتستميت قلوبــــــــنا معها وهي بغداد ياكبر العــــــــــــــار لو ماتستميت قلوبنا معها عليها الله وامـــــــــــان الله بلاد الرافدين بلاد هجد صوت القنــــــــــابل جنب تهليلة جوامعها دهاها من وراء الحملات ليــــل لونقص يزداد اهلنا في مدامعهـــــــــــــــا واهلها في مطالعها هل الحرية اللي قصت اجنحة اكثــــر الاولاد مادام يدينها ماترفع اثنين من اصــــــــــــابعها تعودنا على حرق النـــسل والحرث والاصفاد وتعودنا على نار مطفيـــــــــــــــــــــها مولعها يبس بكفوف اهلنا غصن زيتون وكما المعتاد عنــــــــــاقيد الهدايا جاتنا من كف صــــانعها عسى المقبل مثل صيحة ثمود ومثل صرصر عاد عشان اهل البيوت الخاربه تصفي مواجعها على وين المراكب سايره في حضرة الرواد عساهم للدواير لين تدرجهم منـــــــــــــــافعها مصير امصار واجيال وزمن وجموع بيد افراد لها التاريخ بالمرصاد وان خانت ودايعــــــــها محبتنا عداوه والقلـــــــــــوب قريبـــــــــات بعاد بعد مانصنع الكذبه نصدقهـــــــــا ونتبعهـــــــــا خذتنا العنــــتريات الله يبيـــح من ابن شـــــداد وضعنا بالخطب ليت الخــــــطب تقدر تضيعها تواعدنا مع الوحـــــــــده وصرنا نخلف الميعاد مذاهب وانظمة واحــــــــزاب من يقدر يجمعها يصهين دم ناس طــــــــــــايرين بعجة الاوغاد تصـــــاغرنا مثل ماستصغر الكرسي مراجعها اخيرا كم بقي طــــــــاغي وكم باغي وكم جلاد وكم لص وكم اصـــــــــنام وكم اوهام نصارعها وكم صوره تظن الروح والدم اغنيــــــه وانشاد وهي كل هنــــــاك يدوسهــــــــــــا والا يقطعها لعــــــــــل الليله اللي جابت الكــــابوس ماتنعاد وبسم الله على بغــــــــــــــــداد من شي يروعها (جبل طارق) البيرق اللي على قمة جبل طارق عار ٍ حنى الهامه اللي طالعاتقها جيت اسأله يوم شفته بالحزن غارق و اقول شف حابس العبرات مطلقها ياورثنا اللي من المسروق للسارق يا اغلى المراقيب لو ما كنت شاهقها ما بينمغرب رضاك و غيضك الشارق ذكّرتني حصة التاريخ ما اصدقها ما كنّك اللي مرق منجانبك مارق للوادي اللي فلول الذل فرّقها من طيب حظك ومن تفكيره الخارق ساق المناوي و قال الله يحقّقها ما تذكره يوم مر الماء كما الزارق لمّيتجنده ولم السفن و احرقها ما تذكر الخطبه اللي سرّت البارق و الخيل و الريح والعزّه و بيرقها ما تذكر الغاده اللي غصنها وارق من سربة الحق ترجي ثارخافقها ما تذكر الفرقتين و شاسع الفارق و السبع الايام ما تذكردقايقها الموت مثل الحياة اطماع و مزارق و الاندلس تنتظر ميعادعاشقها بوابة ٍ قبل ما تنشد من الطارق هبايب المسك ساقت ريح طارقها لينارجهنّت و غنى شوقها الحارق من اول ابراجها لآخر حدايقها يا اغلى المراقيبانا رحّال و مفارق و الكلمه اللي تزيد الهم ابا انطقها طارق و روّح تصبّر ياجبل طارق لو رزّت القوم في راسك بيارقها (اعشق مية مره) شف بعد فرقاك وش كثر عشّاقي من على خبرك و انا اعشق مية مرّه كل مرّه يرجع الود لعناقي و ارجع افتح جيب الاشواق و ازرّه اتناسى بعد ما اسرعت بفراقي ما علي لو كبد ابو زيد محترّه كل جرّه لا نفخ روحها ساقي عوّد و جدّد على قبرها جرّه كنت ذوقي و كثرت بعدك اذواقي كم فتون ٍ طاب لي حلوه و مرّه كنت امد الكف و اشواقي .. اشواقي كنت بين العفه و بين اخو مُرّه كنت اهدي روع طرفي و خفّاقي و انتصب للجيد و الثغر و الغرّه و تغدي بي بينها و بين مسباقي ضحكة ٍ يندهلها الغيم و تمرّه و كل ما اظهر درّه تحاول اغراقي يقطع البحّار و البحر و الدرّه امتليت من التوابيت بأعماقي و السحايب في سماء العين محمرّه يوم بثيّت اعذب الحب لآفاقي جيت المّه ما طلعلي ولا ذرّه احسب انه ما بقى للهوا باقي و احسب اني كنت ناسيك بالمرّه اكتشفت ان الهوا اللي لعشاقي كان كذب و كنت احبك مية مرّه (الفقيره) يسعد صباح الفقر يا اللي تذمّينه في ذمتي ما انتي من الفقر معذوره ما شلت هم الرغيف اللي تشيلينه كل الهموم لسواد العين مذخوره ما انتي فقيره تقولين اليسر وينه يا قطعة السكر من الملح ميسوره من علم الجوري انشدوة بساتينه من هز ريش النعاس اللي كسا حوره من ذكر الخيزران اللي نسى لينه من جدل الليل لين اختال ديجوره سلسالك الفضي - اصلا - لو تزمّينه ما راحت اكثر عقود الماس مغروره و الازرق الرث يا ملحه و يا زينه ابها من ارض ٍ نهار العيد ممطوره مستورة الحال بس القاف تغرينه ليه اتنحّى و اخلي الحال مستوره والله لأغني لفقر ٍ غنت سنينه لين ايسر المترفات تموت مقهوره قالوا لي ان الجديل اللي تربينه معه تربين حلم ٍ فاحت عطوره قالوا بذاك الركن سر ٍ تخبينه و مراية ٍ من رداة الحظ مكسوره لا ينكسر مثلها الخاطر و تشقينه تمنظري في المرايه حي هالصوره مذكور جرح ٍ ورا الاضلاع تخفينه و تحت المخده رسالة عشق مذكوره اثر الهوا جاي يسوق الشوق بإيدينه غصن ٍ جفاه اليباس و زف عصفوره يا من يكون الحبيب اللي تحبينه يا اللي بوجه الليالي ثروه و ثوره وقت مضى ملمس اللعبه تمنينا و اليوم خضر القلوب العاب منثوره الحزن .. ليه العيون السود في عينه و البحه اللي ترد الروح مذعوره فقر ٍ ستير ٍ ولا ازكى من رياحينه ولا نعيم ٍ فضوح ٍ تغرق زهوره و الميت اللي يبي دعوات حيّينه كنتي وصاته و نزفه و آخر شعوره يا زمة الغيم و رخاية هدب عينه ما قلت لك ما انتي من الفقر معذوره (همس الغمام) قلت من ذيك الصبيه .. قالوا : من احلى الصبايا قلت : اقول الله يخليها لعين ٍ ترتجيها طلة ٍ ما استوعبتها لا العيون ولا المرايا كم تعدّتني و انا ما كنت والله مهتويها ما دريت الا و هي مثل النفس بين الحنايا ان شهقت اموت منها و ان زفرت اموت فيها اثرها يوم اني اجمّع ما بقى لي من بقايا عشعشت في بالي المحروسه اسم الله عليها طفلة ٍ قدامها طفل ٍ سرق همس الشفايا كل همّه كلمة ٍ ما كل الافواه تحكيها كنّها في ضحكها عيد و زغاريد و هدايا كنّها في حزنها عين ٍ حورها مكتسيها بانها اللي فارد ٍ طوله مسوي بي سوايا و ارتشافة قهوة انفاس ٍ تعوّدت احتسيها نهر حسن ٍ ضفته ستر و تواريخه عرايا صب بعروقي و قامت ترتويه و يرتويها عندل ٍ بفراقها تكشيرة انياب المنايا كيف ما ابيع النفيس و ضحكة العمر اشتريها حاولت لحظه من اللحظات تنثرني ضحايا كنها اللي تنتصر لجروح حواء و تحميها و الخفوق اللي رميته بينها و بين الخطايا تشتهي جرحه وهو في عز جرحه يشتهيها كم بدت طفله تحب احلى القصص و احلى الحكايا قلت امر اشكي عليها الهم و اصبحت اشتكيها كم على الماء و الذهب و الرمل و البيض الضمايا انقشت قلب و سهم و حروف حب ٍ تحتويها كم قرت شعري و لدّت للمرايه و الزوايا الجديل تبعثره و احلى الملابس ترتديها وش ورا همس الغمام ان قلت يا شح العطايا كل شي ٍ من ملامحها يجيني قبل اجيها ما ذبح تفاح انوثتها مغاتير النوايا من قصد قصده شريف ومن ورد ماها يبيها علموها بس ! ولا علموا كل البرايا انها اللي عود امري من يديني في يديها والله ان تبطي وهي تختال من بين الحنايا مره تسمي علي و مره اسمي عليها |
|
|
|
2010-07-05, 04:14 PM
|
#2 | |
 
|
رد: ديوان شاعر الاندلس ناصر القحطاني
خطيررررررر
يسسسسسسسسلموؤء |
|
|
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] يُعَلمْ لله وَحَدهُ رَافَعَ السَّمَاوَاتِ بِغَيْرِ عَمَدٍ ,آنّنيْ أحَيْانَاً آتَرِفَعُ عِنْ مُسَتْوَىْ البِعَضْ مِنْ النَاسْ بِ عُقَوَلهَمْ وَ آبَتْسَمْ لهُمْ , ليَسْ كَبْرِيَاءْ لا وَ خَآلقَيْ وَ أنَمْا عَلىْ يَقَيْنٍ آنَهْمَ يُضَمْرِوَنْ مِنْ الكَرِآهَيْةٍ مَ لله بَهِ عَليَمْ , وَ لكَنْ أرِيَدُ أنَ أكَتْسَبُ صَدقَةٍ رِغَمْ أنَوْفَهَمْ , وَ أعَتْبَرِهَمْ مَرِضَىْ , لعّلْ إبَتْسَآمَتَيْ شَفَاءٍ لهُمْ  !
|
|
| مواقع النشر (المفضلة) |
| الكلمات الدلالية (Tags) |
| الاندلس, القحطاني, ديوان, شاعر, ناصر |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| للعلامة محمد ناصر الدين الألباني بدعة المولد | رهين الشوق | ~//.. نور القلوب | 1 | 2010-06-24 07:04 PM |
| ديوان للشاعر الرومانسي شاعر المراه نزار قباني | رهين الشوق | ملتقى شعراء رهين الشوق | 2 | 2010-06-20 04:48 PM |
| صور ياسر القحطاني بعد اجراء العمليه في فرنسا- اسماء الطاقم الطبي لعمليه ياسر القحطاني | رهينة الشوق | صدى الملآعب .. | 7 | 2010-05-26 03:39 PM |
| انتحار الدكتور ناصر الحارثي | رهين الشوق | ~//.. أحداث 24 ساعة | 4 | 2009-10-05 08:32 AM |
| مرثيــــه!!! ناصر الفراعنة بآبنه.... | عاشقة الدموع | ملتقى شعراء رهين الشوق | 1 | 2009-01-31 02:58 AM |
الساعة الآن 02:42 AM