القرايا ..فهد المساعد ،

أحببت هذه القصيده كثيرآ



القرايـا ساكنتنـا لـو سكنّـا فـي المدينـه
ياكثر مافي المدينـه نـاس تسكنهـا قرايـا

مثل انا لامن شعرت أني بحاجـه للسكينـه
رحت يم القريه اللي قدرهـا بيـن الحنايـا

قريتي واليوم جيتك شاعـر ٍ هـزّه حنينـه
للوجيـه وللبيـوت وللسوالـف والحكـايـا

قريتي انا فهد .. فهد .. فهد ماتذكرينـه ؟!
أسألي عني بيوت الطين ونقـوش الزوايـا

ياسقى الله قبل اسافر عنك يالـدار الثمينـه
يوم انا طفل يشوف عيوب جدرانـك مزايـا

يوم انا طفل ٍ يمر اليـوم ماشـاف الغبينـه
الضحى وسط المدارس والشفق بين المطايا

ياسقى الله يوم كنت الريـح والدنيـا سفينـه
قبل مالدنيا تكـون الريـح والسفـن البرايـا

يوم ابوي الله يبيحـه كـان ياخذنـا بيدينـه
يم ذاك المسجد اللي فيه مـن ريحـه بقايـا

ياسقى الله او بلاش ازيد هذا الطيـن طينـه
لي هنا والعمر مابه متسّع لـاهـل الرزايـا

قريتي مانيب انا اول من رجع لك وسط عينه
دمعتيـن ٍ كنهـا لبيوتـك وناسـك مـرايـا

القرايا سالفـة اهـل القرايـا فـي المدينـه
والمدينه سالفة اهـل المدينـه فـي القرايـا


لكم

تسسلم ديآآآتكـ ع هالقصيد
تقبلي مروري

ما شاء الله عليك ..

قصيده أثلجت صدري ..

تستاهلي التقييييييييييييييييييييييييييييييييييييم ..

عاشت أيامك نوره ..