أنت حبيب القلب وأنت صديقـه

أكرهك وأحبك ولا أبيـك وأبيـك لخبطت فكري ما عرفت الحقيقـه

ما توقعت أعشقك في يوم وأغليك لين ما حبك أشعل بقلبي حريقـه

تاهت بحوري وأنا أدور موانيك والروح بغيابك وبعـدك غريقـه

والقلب يتبع بالمشاعر خطاويـك ودروب غيـرك تشكـي الضيقـه

راضي بتعبك وأتحمـل بلاويـك وما أطيق غيرك ولا حتى دقيقـه

أنسى إني أكون بيـوم ناسيـك محدن بعد المحبه ينسى عشيقه

يفز قلبي ليا جابوا الناس طاريـك حبك قدر عمري ونورك طريقـه

أهديك كلي وانا وكلـي لمعاليـك وأهديك كل الورد واحلى رحيقـه

من قال ما أحبك ولا أبيـك وأبيـك هذي خرابيط شاعر بحكم السليقه

وإلا الحقيقه تراني مبتلـي فيـك مثل ظامي يحتري من يبل ريقـه

وآخرها تذكرني ليا هلت لياليـك أنت حبيب القلب وأنت صديقـه