خذ قلبي لجروحك ولا يجي قلبك جروح

خذ قلبي لجروحك ولا يجي قلبك جروح

.. خذ قلبي لجروحك ولا يجي قلبك جروح

يسلم قلبك اللي بكـل مـا فينـي فديتـه

وشلون ما شيل همومك وانت للروح روح
لو ينشرى فرحك بعمري لجلـك شريتـه

لو ينشغل بالك احس كل مافينـي ينـوح
تصغر الدنيا بعيوني وكل فرحي نسيتـه

اشكي ما بك خـل قلبـك لقلبـي يبـوح
ذبحني سطر من الالـم بعيونـك قريتـه

عطني احزانك ببني لها بصدري صروح
.خلها من اسى الماضي اللي بحبي طويته

اضحك حبيبي بسمتك لي غايه وطمـوح
كن نور هالدنيا من صدى ضحكك خذيته

تبسم للامل خل عطـره بجـوك يفـوح
ترى بعيوني غرامك امل عمري بديتـه

انت بناظري قمه ويبقى غيـرك سفـوح
لا عدمت نظر عيني دامك بطيفك ضويته

خذ قلبي خذ كل ما فيني ولا تجيك جروح
انا ادري كثر ما عطيتك حقك ما وفيتـه ..

طرح رائع من انسان اروع
جميل ماكتبت وعميق بالمعاني الراقيه
سلم حسك واحساسك وسلمت على العبارات الراقيه
بوح جميل اسعد الله قلبك..
دمت لنا يادايــــــــــــــــــــــم ..

تحياتي واشواقي لعذب اختيارك
وسلامة قلبك..

معزوفه جميله تراقصت عليها أجمل الكلمات
فتغنت بها ألأقلام

كلمات رائعه ومؤثره

توجت باحساسكـ الرائع
لتزخرف اجمل الخواطر

سلمت يُمناكـ