|
رهين الشوق | |
ملتقى شعراء رهين الشوق تـَحلـِيق في سماء الإبـْداع .. وقطـَرات شهدٍ مـِن نـَبضِ أقلامنا , جــــــمـــــــيـــع أنواع الــــشــــعر |
2010-04-12, 09:56 PM | #1 |
..[ موقــوف]..
|
وصية بركات الشريف ... لولده مالك
يا الله ياللـّي كـل الأمـات ترجيك = ياواحـد ٍ ماخاب حـّي ٍ ترجـاك
يارب عبد ٍ مامشى في معاصيك = ولايمشي إلا في محبتك ورضاك يامـرقب ٍ بالصبح ظـليت بـاديك = مـاواحـد ٍقبــلي خـبرته تعـــلاك ولّـيت ياذا الـدهـر ماكثر بـلاويك = الله يــزودنا السـلامة من اتـلاك ياللي علـى العربان عمت شكاويك = ولّيت يـادهـر الشقـا ولّ مقواك واليـوم ها لكانون غـــاد ٍ شبابيـك = تـلـعب به الاريــاح من كل شباك يامالك اسمع جابتي يوم اوصيك = واعرف ترى يابوك بآمرك وانهاك وصية مـن والد ٍ طـامع ٍ فــــيك = تسبق على الساقه لسانه العـليـاك أوصيك بالتقوى عسى الله يهديك = لـهــا وتدركها بتـوفيق مــولا ك الله بـرب أجـــدادك الغــرّ يعطيك = مرضــاته مع ماتمنى من إمنــاك إحفظ دبشــك اللـّي عن الناس مغنيك = اللـّي ليا بان الخلل فيك يرفــاك وإعـرف ترى مكــه ولاها بناخيك = لو تشحذه خمسة ملا ليم معـطاك إجعـل دروب المــرجله من معانيك = وإحـذر تميّـل عن درجهـا بمرقاك لا تـنســدح عنها وتبغـاني اعـطيك = جـميـع مــايكـفيك ماحاصــل ٍ ذاك أدب ولــدك إن كان تبغــاه يشفيك = واستسعفه من بعد مرباك يالاك إمـا سمج واستسمجك عند شـانيك = ويفـر من فعـله صديقك وشـرواك والا بعد جـهـله ترا هــــو بياذيك = لـو زعلت امــه لاتخــليه يــا لا ك وإحذر تضّيع كـل من هـو ذخـر فيك = معــروفه لاتنسـاه واوفه بعرفاك تـرى الصـنايع بين الاجــواد تشريك = إليا طمعـــت بغرسهـا لا تعــداك وإحذر ســرور بغبة البحر يرميك = ولا عنده افـلس مـن تشكـّيك وبكاك وأوف الرجـال حقوقهـا قبل تـعنيك = لا توفيه بالهـــرج فالحـق يقـفـاك وهـرج النمـيمه والقفــا لا يجي فيك = وأيـاك عرض الغــافل أيـاي وإيـاك تبـدي حديث ٍ للمــلا فيه تشكـيك = وتهــيم عند النـاس بالكـذب واشـراك واليــا نويت إحذر تعلم بطـــاريك = كـم واحـد ٍ تبغى منه عرف وأغواك وأحـذر شماتت صـاحب ٍ لك مصـافيك = وليـا جرالك جـاري ٍ قال لولاك و لا تحـسب ٍ ان الله قطوع ٍ يخلـيك = و لا تفرح إن الله على النـاس بداك الضـيف قـدم له هـلا حيـــن يلفيـك = وممـّــا تطوله يافتى الجـود يمنــاك إحــذر تـلقي الضيف مقـرن علابــيك = خـله محب ٍ لك صديق ٍ ليا جاك واوصيك زلا ت الرفيـق ان عثا فيك = مازال يغـّطاها الشعـر فا حتمل ذاك راعــه ولو مـا شفت إنه مـراعيك = عســاك تكسـر نيته عن معـــــاداك وإحـذر عدوك لو ظهــر لك مصــافيك = خـلك نبيه وراقــبه وين ماجاك لا تـامنـه واطلـب من الله ينجــيك = ويكــفيك ربـك شـر ذو لا وذولاك شفـني انـا يا بـوك بـآ مرك وانهـيك = عـن التعرض بين الاثنين حذراك إذا حضـرت اطلابـة ٍٍ به شـرابيك = اســع لهم بالصــلح واللاش يفـداك ابـذل لهــم بالطيب ربــك ينجــيك = ولا تجضع الميزان مع ذا ولا ذاك أمـا الشـهـاده فادهـا إن دعوا فيك = بيـّن عمـود الدين لا عميت أريـاك بالك تمـاشي واحـد ٍ لـك يرديـك = طـالع بني جنســك وفكــر بممشـاك رافـق أصـيل ٍ فـي زمـانك يشـاكيك = لاشاف خملا تك عن الناس غطـّاك وحـذراك عن طــرد المقـفي حـذاريك = عليك بالمقبل وخل من تعداك ثم إلعن الشـيطان حذراك يغــــويـك = تــرى ان تبعـته للشــرابيك وداك وأوصــيك لا تشــكي علينا بلاويك = انت السبب اطرفت عيـنك بيمنـاك وإعرف تـرى اللـّي واطا الفعـرواطيك = ولاأنت أعـزمن الجماعه هذولاك ألمـسك يـاراسي مـن الذل وأخطـيك = وأحـذر تكلم يالساني وحـــذراك وألطف بجارك ثم قم دون عانيك = وافطن لما يعنيك عن ربعة اخواك ياذيب وإن جتـك الغــنم في مفــاليك = فا كمن لهـا ياذيب لاما تعـــداك فيما مضى ياذيب تفـرس بيـاديك = واليـوم جــاء ذيـب عن الفرس عداك ياذيب عاهدني وعاهدك مــارميك = مرميك أنا ياذيب لو زان مـرماك والنفـس خـا لف رايهـا قبل ترميك = ترى لهـا الشيطان يرمي با لاهلاك ومن بعد ذا لاتصاحب النذل يعديك = عن صحبة الانــذال يابوك حذراك والهقوة انـك ماتجـي دون أهـاليك = ولا ظن عود الورد يثمـر بتمباك والحـر مثلك يسـتحي يصحب الديك = وإن صا حبه عاعا معاعات الادياك لا تستمع قول الطرف يوم يلقيك = بالكـذب يقضي حاجته كل ماجاك مـن نـّم لـك نـــّم بك ولا فيـه تشكيك = وألياه قد أزرى رفيــقك وزراك عنـدك حـكا فيــنا وعندي حكــا فيك = وأصبــحت كارهنا وحنا كرهناك مـاخطاك ماصابك ولو كان راميــك = واللـّي مصيبك لو تتقيت مخطاك مير اســتمع مني عسى الله يهديك = النصح يا ما لك لـك الله مولاك عنــدي مظنه ما تمثلتها فيك = واطـلب لـك التـوفيق من عند مولاك |
|
2010-04-12, 10:09 PM | #2 |
حــزيــن إلا ربـع
|
رد: وصية بركات الشريف ... لولده مالك
.. وأحذر تضيع كل من هو ذخر فيك .... معروفه لا تنساه و أوفه بعرفاك ....
(( هذا البيت الشطر الثاني .... ما أدري أشك فيه خلل بالوزن .... )) قصيده ...... راقيه و من شاعر لا ننساه الجزيرة العربيه ..... و نصيحه وافيه ...... مشكور من القلب |
إذا إلتقينا يوم و لا عرفتيني .. فـ لا عليكِ لــوم شــابْ الزمن فيني ..
|
2010-04-12, 10:27 PM | #3 |
..[ موقــوف]..
|
رد: وصية بركات الشريف ... لولده مالك
تسلم يالغلا على المرورو العذب
انا اشوف انه بكامل الوزن وسوف اميز لك البيت ومعّروفه = المعروف اي الحسان واوفه بدون نطق الالف ووفه من الوفا فيكون للحركات دووور فعال في وزن البيت دمت يالغلا |
|
2010-04-12, 10:33 PM | #4 |
حــزيــن إلا ربـع
|
رد: وصية بركات الشريف ... لولده مالك
شكرا لك ..
الالف فرقت معي ...... وأوفه ..... تحيه طيبه لك .. |
|
2010-04-12, 11:40 PM | #5 |
..[ موقــوف]..
|
رد: وصية بركات الشريف ... لولده مالك
هلا مره ثانيه
اتشرفت يالغلا واشكرك ع دقه ملاحظتك دمت بحب |
|
2010-04-14, 03:11 PM | #6 |
|
رد: وصية بركات الشريف ... لولده مالك
طرح عانق الابداع بثقه
سلمت على هكذا طرح سلمت اناملك المبدعه لاحرمنا نثر درركـ |
إن قـدر الله مـع الأيـآم نتـوآآجـه تمـر مثلـك مثـل نآس(ن) يمرونـي في عيوني تصير مآتسـوى ولآ حآجـه من عقب مآكنت تسوى الناس في عيوني |
2010-04-14, 11:53 PM | #7 |
..[ موقــوف]..
|
رد: وصية بركات الشريف ... لولده مالك
مشكوره يالغلا على مرورك الملون كما لون انك حديقه جامعه لجميع الوان الورود
دمتي بهذا التألق |
|
2010-04-15, 01:20 AM | #8 |
|
رد: وصية بركات الشريف ... لولده مالك
بصراحه شي مؤثركتير
وفيه من العبرمالايعدولايحصى صح لسان الشاعر وسلمت يدين الناقل لاخليت ولاعدمتك يامميزدووووووووم لاتحرمنا ابداعك فكلناضمألارتشافه الف شكرلك ودي ووري لك |
|
2010-04-21, 03:05 AM | #10 | |
..[ موقــوف]..
|
رد: وصية بركات الشريف ... لولده مالك
اقتباس:
واسلوبك العذب دمتي بهذا الصفاء اخوك |
|
|
مواقع النشر (المفضلة) |
الكلمات الدلالية (Tags) |
..., مالك, لولده, الشريف, بركات, وصيت |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
إستفيد من مالك وتصدق | رهين الشوق | ~//.. نور القلوب | 2 | 2010-03-20 10:06 AM |
صورة من الحرم المكي الشريف لها ألف معنى.... | شيهانة | ~//.. نور القلوب | 2 | 2010-01-10 09:48 AM |
جوال المغامسي / إن أعظم ذخر يدًّخره والد لولده هو أن يكون الاب صالحاُ في نفسه | بنوته توته | ~//.. نور القلوب | 0 | 2009-11-15 04:27 AM |
ولآدت طفله بالحرم المكي الشريف | خيانة روح | ~//.. أحداث 24 ساعة | 6 | 2009-09-23 01:17 PM |
صورة عثمان طه الذي كتب المصحف الشريف والذي انتشر في كل انحاء الدنيا | رحلة الذاكرين | ~//.. نور القلوب | 5 | 2009-04-24 01:16 PM |