.×.مــًَ،ن يتـ,ـ~ـزوج نـ‘ْ‘ـٍـورهـ.×.

المرايا


صدق يطعن في نوايانا الدفينه
طعن صادق يفضح الزيف وسنينه


المرايا


والله العالم هي اصدق شي في عالم كذوب
في زمن مظلم وظالم
ما تلاقي ضيّ ينبض بقلب الدروب


المرايا


عشق ساكن داخل قلوب الكثير من الصبايا


إلا نــوره



إلا نــوره


بنت غايه في الجمال


حسنها ياخذك من يمناك لحدود الخيال


يوم نادت أمها وبصوت عالي:


يمــه !!



يمــه!! بسرعه تعـالي
يمــه!! بسرعه تعـالي



ولما جتها أمها وقالت علامك ..!!

نوره قالت:



يمـه أرجوك بقيامك


ابعدي هذي المـرايا..ابعدي هذي المـرايـا


أبعديها ..

ولا اقوولك .. :


يمه تكفين اكسريها


ماابيها ..ماابيها


*


ولو سألتوا ليه هي قالت كذااا ..؟؟؟


وايش العـلاقـه ..؟؟؟


قلت شوفوا..ما اقدر اخـبي..!!



لــذا







نوره معاقــة..!!


شلل نصفي سرق منها طفولتها


سرق حتى ابتسامتها


تشرب جسمها الطاهر..على غفلة


ولاقدّر براءتها


وهي طفله حواليها كثير أطفال



بنات العم, و الجيران, عيال الخال


تراقبهم تتابعهم


تشوف احمد وهو يسحب شعر سلمى


وعلي يلحق مها وبيده مسدس مـاء


وخالد قاعد يحاور حسام بعلبة الببسي


ويكسر ظهرهــا المشهــد


حزن نوره وهي تبكي على الكرسي


تحاول قد ما تقدر لأجل تخفي مدامعها


وثار الدمع واتحدر ..وبدت رعشه بأصابعها


تزم أيدينها لــكن..!!


أيديها ما تطاوعها


وتكبر نوره ويكبر معاها الهم


ويجري حزنها الأقشـر بمجرى الدم


وياصل عمرها العشرين



وفي ها العشرين


تغير كـل شي فيهــااا



ملامحها


مع أن الحزن ماسحها



أمانيها


ولو ما عاد تعنيها



سوالفها


بعد ما الهم والفها


*


في ها العشرين ..


على نفس الألم تصبح


وعلى نفس القهر تمسي..


على الكرسي


*


في ها العشرين..


ابد ماتابعت موضه


ولا تعرف جيفنشي او كريستيان ديور


او فيرساتشي وعروضه


ولامكياج وإكسسوار


وحتى عطور..


تضج تثــووووور ..


إذا قالوا لها :



نــوره


شرينا لك عطر..


نـوره


معه فستان..



يا نوره ألبسيه الحيـن ..


ترى بيطلع عليك جنــان


بسرعه بس لا تبطين..



تجاوبهم:


بسرعه ..!!



بسرعه ليه..؟؟


ولا لميــن..!!


وهــو من كثرة العرسان..!!



تقاطعها امها ..نوره !!وش تقولين..!!!



ترد نــوره:


يبـــه ..!!


يـمـــه..!!


كفــايه


كفــايه واسمعوني زين


كفــايه واسمعوني زين


انا عمري ترى عشرين


ترى ماعادني طفله


ياناس المسأله سهله


مثل ما (واحد وواحد )يساوي اثنين




معاقــه..!!



خير




معـاقــه خيـــر!!! ماتفرق


*


في هاللحظه..!


بدت لحية ابو نوره.. تلم الدمعه من عينه


وبدت تغرق


*
يبــه.. يمــه ..


انا مليت..


انا مليت من روحي ..نعم مليت..


تعبت أداري جروحي ..وياما أخطيت



خطاي أني تصنعت السعادة لجـل خاطركم


لجل ماتنجرح فيكم مدامعكم



*
يبه تدري..!!


يبه تدري..!!


كنت أتمنى من صغرى وهذي أمنية عمري


والى هالحين هي منوه


تمنيت أحضنك بالليل ..


والآمن جيت من شغلك


أبوسك فوق راسك حيل


وأفك الجزمه عن رجلك


أروح أجيب لك قهـوه واجيك أجري


*
وحتى أنتي يا أمــي ..


لو تدرين كم عانيت..!!


كم أتمنيت اخفف عنك شغل البيت


مثل ما نجوى تساعد مرت عمي


*


يبـه


يمــه


تراني ضقت


وربي ضقت من نفسي..


ياربي اشقد طفشانه ..


وتبغوني بعد ألبس..؟؟


ألبس من على شـانه..!!!


ابد لا تصدقون أني أبتزوج وأجيب عيال



والله عـال..!!


من اللي في ها لزمن هذا بيرضى أكون له زوجه..!!


ويتزوج معي كرسي..!!



يبه أنسى


وحتى أنتي دخيل الله يا يمه بعد أنسي



***
**
*


وهذي سالفة نوره..


ياهي بنت مقهوره


مضى من عمرها عشرين وهي باقي على هالحال


حكايتها انتهت الحين..


وخلت داخلي ثوره



أنا مابيهدالي بال..الين اعرف..!!







من اللي بوقتنا رجال..ويتزوج مثل نوره..!





لاتحرمووني من ردوودكم

بارك الله فيك

أسيـــــر الشـــــوق


ننتظر جديدك


لك ودي

تسلملي ع المرووري يالغالي ,,

اسيرووهـ..

يسلمووووووووووو

يسلمك ربي

يعطيك العافيه قصه مؤثره لك ودي