باكر تموت من القهر لانسيتك

باكر تموت مـن القهـر لانسيتـك
راسـك علامك رافعه يـوم أحاكيـك
الظـاهر إني فوق حجمـك عطيتـك
لحظـه نبي نرجـع دقيقـه لماضيـك
بذكـرك فـي أي حـالـه لقيـتـك

كان الضيـاع ودمعتيـن تخاويـك
منهـار وفي عـز إنهيـارك خذيتـك
وأرخصـت عمري لجـل أحبك وأداريك
هـدمت قصـر الـذل فيـك وبنيتـك

كـان الغـلا شمعـه تنـور لياليـك
لوأظلمـت دنيـاك جيـت وحتويتـك
ياللأسـف كنت أمدحـك وأفتخر فيـك
رفعـت من شانـك وعليـت صيتـك

كنـت أنت عنـدي غير ما أقدرأخليـك
أمـوت وأحيا إن قلـت سـم وفديتـك
واليـوم أشوفك خنـت حتـى مباديـك
صغـرت في عيـني وأنا اللي هويتـك

الضيـف لـو إنـه عـدو معاديـك
غصـب عليك تقـدره وسـط بيتـك
ياصاحـبي بتمـوت مانـي براجيـك
وإشـره علي إن كان حتـى طريتـك

لاصار ذل النفـس في قلـب يغليـك
يلعنـك ياقلـب عشقـك وشريتـك
إضحـك حبيبـي دام وقتـك مسليـك
باكـر تمـوت مـن القهـر لانسيتـك

طرح جميل مديره

مششششششكلله الشخص اذا عطيته فووق حجمه

يقووم يتطاوول

دمتي بخير

الضيـف لـو إنـه عـدو معاديـك
غصـب عليك تقـدره وسـط بيتـك
^

صح لسان شاعرها وسلمتِ ع الذوق ..
لاعدمنا جديدك ..

**سلمت*يدآك على روعة الطرح*
وسلم لنآ ذوقك الراقي على جمال*اﻻ‌ختيار*..
لك ولحضورك*الجميل*كل الشكر ..’.؛’**♥**

لكل من مر من هنا حدائق البنفسج لأرواحكم

عاشقه صح اختيارك
دائما مميزه
مودتي

ههههههههه اعجبتني الكلمات
علامك رافعن خشمك يوم احاكيك

صح لسانك

لعيونها / نفر من زمن اخر
امتناني لمروركم العذب