يا غلاي

البارحه جفى لذيذ النوم عيـني كل ما غـفت عيـني من نومتي فزيت

من مرقدي والناس حولي غافيني هنيك يالـلي بحلا النوم غــطـيـت

قـضـيت أنا الليـل بجر الونــيـني من ضـيقة الصــدر بداخلي ونـيت

من ضيقتي أصفق شمالي بـيـميني وناري بالحشا بطفيها وأزريت

من قوة غبني قمت أفرك يـديني إلين الدم سال من كفوفي وأدميت

عليك ياللي بــزود الصــد تـنويني يا نعـنـبو حـيك وش فيك صديت

ماهـو جزاتي يوم تبعدين وتجفيني الله وأكبر عليك وش اللي سويت

خـافي ربـك الـلي فـيني مـكفـيني دنياي ماهي ناقصه هم وتـشـتيت

شـوفي وناظـري الزمن كيف مشقيني مـن بينهم لاني بحي ولا ميت

أهديـتك العـمر وباقـي ســنيني والقلب ماغـيرك يا غلاي أهديت

زرعت لك بوسط جوفي بساتيني ليتك تشوفين ورود غـلاك يا ليت

وبداخل خافقي ومن بين شراييني وبين جدران القلب بنيت لك بيت

ما سكن به غيرك أنتي يا نورعـيني ما غيرك تربع به ورب البـيت

وعـقـب ذا كله اليوم تكويـني أشعـــلتي نار صدك بقلبي واقفيــتي

يا غلاي خـذيها مني بكـلمـتيني اخـتم بها قـصـيـدي وآخـرالبيـت

إما نـعيــش بالـهوى مهـتـنـيـني والا صدبي الفراق عنك وسلــــيت

طرح راقي سلمت يمينك يالصقر

طرح. مميز


تسسسسلم. الا يادي

كل الشكر والتقدير لكك على هذا الطرح الراقي
بإنتظار هطول إبداعك القادم بشوووق
لروحك مدائن الجوري

الله يخليكم ويبارك فيكم مروركم اكبر داعم وتشجيع لي ما قصرتو

يعطييييييييك العافيه

الله يعافيك الروقي

صح آحساسك .. ولاهنت
قصيدة في قمة الروعه ولامسة للجرح
تقبل طلتي : ابو نايـ/ـف *

صح قلبك ابو نايف


واحلا طله فديتك