 |
|
 |
رهين الشوق |
|
|
|||||||
| همس المشاعر للحـَرفِ توهّـجْ .. مـَراياَ للصـُدورْ تـُرجُمـَان للمشاعـِر |
2014-11-08, 02:01 PM
|
#1 | |
 
|
صباح الخير ي حزني
صباح الخير يا حزني على كرسيَّك الهزَّاز ..! صباح الخير لاصرنا بصورة مالها برواز أنا وانتَ على سجادة الماضي فرشنا الليل ما نمنا وجانا الصبح ما قمنا وعشنا قصة الماضي بلا آخر تنام افعينك الخرسا وتصحى افحسرة الشاعر.. صباح الخير يا حزني ومن يبقى ؟! يسامر حرفي المذبوحْ ويسمع صوتي المبحوح غير انتَ ..!! على كرسيك الهزَّاز والمغرورْ تخايلني .. وتسألني متى شبَّاكك البحري .يشوف النورْ متى تسمع طفل يبكي على حجْرك ..؟ متى تجمعله الدنيا وتسكن ضحكته فجركْ ..؟ متى يا شاعر الحرمان ؟ متى تستخدم النسيان ؟ وترسلني .. ولو مرَّه .. أروح لآخر الشارعْ .. وأشوف الناسْ أشوف اللي بكى لأجلك .. وأشوف اللي قراك إحساسْ ..! عرفتك من ثمان سنينْ وتسعة شهورْ حكاية جرحْ .. بدت بالموت واستكفتْ .. بظلمة نورْ ودمعة فرْحْ في جنبكْ .. على كرسيك الهزَّازْ .. ولك تنحازْ ..! تسافر عنك من دونك وتقطف دمعة عيونك من غصون السهر والوجدْ ..!! صباح الخير يا حزني .. صباح البرْدْ ..! بتمَّ بجنبك الشاعرْ وتتم بجنبي الساهرْ يجينا الصبح .. ما يطلعْ تكلمنا عصافير الطريق اللي تسبَّ الدرب ما نسمعْ ..! بنمشي لآخر الشارعْ أنا با حلام مشبوهه وإنت بصمتك المنقوشْ .. في كرسيَّك الهزَّازْ وإنْ جانا المطر نسألْ عن أيام الربيع اللي ثمان سنين ما تقبلْ وأتمَّ بجنبك الشاعرْ وتتم بجنبي الساهرْ بصورة ..ما لها بروازْ أنا وانتَ .. وهذا الكرسي الهزَّازْ ..!!!! |
|
إن قـدر الله مـع الأيـآم نتـوآآجـه تمـر مثلـك مثـل نآس(ن) يمرونـي في عيوني تصير مآتسـوى ولآ حآجـه من عقب مآكنت تسوى الناس في عيوني 
|
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
الساعة الآن 06:37 PM