][ تغريبة هجيــرك ][ ..!

.....● ....● .....●

ما سمعتك / اعتذر لك / عِيد واعزف لي فنونك
خلّني استوعب أكثر يمكن ( اتفهّم مُرآدك )


ايش قلت / تحسّ نفسك منكسر مخطوف لونك ..!
زين يعني وش عليّه منك ومن حالة سهآدك ..!


لو سمحت بدون تكفى ( ابتعد عنّي بكونك )
شوف لك حجّه جديده قولها عند اللي رادك


امّا أنا / اسمع كلامي زين وافتح لي اذونك
مُستحيل الوصل يرجع لو على عيني نفادك


كم ترجيتك تحاول تترك العِند وجنونك
قلت لك لا تندفع للنار تهدي لك رمادك


بعد تغريبة هجيرك وانكساري من ظنونك
صرت رُغم اني اصيله انكرك وانكر ودادك


لا تفكّرني ابترك دنيتي لجلك واصونك
لا تحسْب إنّي ابرجع انعش بوصلي كسادك


ما تجي رُبع الحقيقه لو أقول انّي بدونك
صرت الاقي نفسي اكثر صرت استطعم بعادك


يا شحيح الحظ للّي يلتجي يمّة حصونك
يحسبك صدر المعارك ما درى انّك في جهادك


ما تحدّ سيوف عزمك تنهزم انت ومزونك
تترك النار وجيوش الغدر يغدون بْلادك


ثمّ ترجع لي تندّم تعتذر تسكب هتونك
تصرخ بصوتك تنادي / لا تحرْميني مدادك


حطّ نفسك في مكآني لو اسوّيها و اخونك
تقدر انّك تعتذر للوجد / وتستعدي حدادك ..!


لا تجي حتى بضآعة خآطري عيّت زبونك
ما بقى بالقلب منفى يحتمل غلطة زنآدك

.....● ....● .....●

رووعـــه عزيزتي ..

استمري على هالإبداع .

يا كل الذووق .

قمة الابداع والجماال


لاخلا ولا عدم

الله يسعد قلبك

.....● ....● .....●
الروعه وجودك
والذوق منك وفيك رهين
حيآكْ
.....● ....● .....●

نهر جـآرف من المشاعر ..
تسبح في أرجاء البياض .

كم أنتِ ..مختلفة جداً
تكتب إحساسها فيفوح عطراً .

أطيب الأمنيات

.....● ....● .....●

ويسعد قلبك عشوقه علىآ توآجدك ..
شكرآ لكل هآذآ الحضور

.....● ....● .....●

آهلآ بـ نهر آلحب ,,
نورتي ’’