أنا أدري ياحبيبي من ورى عيني تخون

آنا أدري ياحبيبي ، من ورى عيني ( تخون )
لا تظن إنّك مكذّب .. . لا تصدّقها : ظنونك
و من يقول إنّي أحب و قلبي عايش لك يصون ؟
آنا مثلك ياحبيبي [ من ورى عينك أخونك ] ..
هان قلبي في عيونك و هَم بعد ، قلبك يهون
عشت أيامك بدوني .. و عشت أيامي بدونك
دامك تسمّي الخيانه في ملفاتك : جنون !!
فيني لك مليون [ جنّي ] كلّهُم صاروا يبونك
لا تسوّي لي حكاية " نُون " . . و مالا يعلمون ،
يعني عارف يعني فاهم و إنت ضايع وسط كونك
كيف أحبك ؟؟ ليه أحبك ؟؟ وإنت أصلاً من تكون ؟
شخص خاين والله باين . . حط عيني في عيونك
لا تمثّل دور [ عاشق ] لا تقول إنّك [ حنون ]
إنت قاسي .. إنت ناسي .. إسأل إللي يعرفونك
أو ترى يمكن يكونوا ( مثل قلبك ) يكذبون ؟
يذكرونك .. يفقدونك .. بالكِذِب هُم يعشقونك


لا تصدقهم و تبكي وفي غيابك [ يضحكون ]
لا تأمّنهُم . . و إحذَر ، قبل لا تبدي طعونك
و الله باكر ما يفيدك لا بدى : وقت الطعون ،
يطعنونك ، و إنت شايف وإنت عايش يذبحونك
و المصيبه .. بعد مُوتِك بالكِذِب هُم يحزنون !
يدفنونِك ، يكرمونِك ، وإلا يمكن يتركونك ؟؟
هي حياتك و إنت كيفك خون لو ودّك تخون ،
بس إعرف شي واحد و الله من خنته يخونك !!

راق لي

لك ودي وتقديري يالغلا..

طرح رااااااااااااااااائع..

يسلموووووووو الاناااااااااااااامل...

قصيده تحكي أمر مهم بالحياة ..

أشكرك ..

ـآلمتميزه /عاشقة الدموع ..
كل مأدركه الان انا لكِ رونق رائع بأختياركِ
حروفاً رسمت لنا معاني الم الخيآنه
سلمت يمناكِ على اختياركِ
لكِ رونق خاص بأختيار طرحكِ
كنت هنا بين شذى أختياركِ
ـآختك / تووتا..

يع‘ـطيك الع‘ـأإفيه غ‘ـلآي .,.
ع‘ هـ‘ المـشأإركـة الرآقيه ك‘ رقيّك .,
مـأإ ننح‘ـرم منك .,.