قصيده الانتخابات

السلام عليكم ورحمه الله وبركاته

هذي قصيده اعجبتني وحبيت انقلها لكم مع انها قديمه للشاعر عطالله سويد العنزي

تعالي يابعد عمري قبل يبدون بالاصوات
ابي اجلس انا وياك جلسه شبه سريه

جلسه مابها ترشيح ولا لمه ولا جمعات
ولا تعليق ولاتلفيق ولا كروت انتخابيه

ولا اعلان وقال فلان ولا شهره ولا نشرات
ولا حشيت بمرشح ولا مرشح يحش فيه

اجل وش رايك اليله نبدء نفرز الاصوات ؟؟
ابشرحلك عن اوضاعي وترى الارزاق بالنيه

عطالله محمد سويد عمري بالثلاثينات
تركت المدرسه قبل عشر سنين وشويه

وديني واصل هنا ولا اعرف دفتر الشيكات
لا سافرت للمغرب ولا شرق السعوديه !!

ولا لي أي علاقة نت ولا اغازل على الشاتات
ولا ايميل وماسنجر ,, ولا شاتات صوتيه

ولا تغرينيlbc ,,ولا رقص العراقيات
لا سهرات روتانا ,, ولا حصر الخليجيه

عندي قلب لوضمك مايزعجك بالخفقات !!
تحسين بكثر حبك وأرض القلب محميه

يحبك كثر مايبدع حامد زيد بالابيات
كثر شوقي لأبياته كثر ما أحسه هنيه

كثر مايعشق الشلهوب شباك الخوجلي بالذات
كثر مايعشقو الشمال ديارهم الشماليه

اشوف المعجزات السبع ثمان وكلهم بينات
لأن المعجزات أيديك وأصابيعك خرافيه !!

هذي مسك وذي عنبر وذي دجله وذي فرات ..
وذي ياقوت وهذي توت وذي نرجس مثل ذيه ..

بقى الابهام ولا ودي احسبهم مع الحسبات ..
كذا ننزل وانا رفعتك عن اشياء تحتيه

دخيل الموج الا منه على متونك جاء يبات
رشحيني على قلبك ترشيحه نهائيه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]