ماكل من يركب الخيل خيــال ...~

ماكل من يركب الخيل خيــال
ولا كل خيـل تعجبك هي أصيلـــه

ولا كل من يعجبك هرجـهبرجــال
بعض العرب ملسـون وأيده بخيلــه

الكل يلبس ثوب وشماغ وعقــال
وعند اللــزوم أفعــالهم هي قليلـــه

الرجـل تثبت له أقاويل وأفعـــال
لاقال شـئ ونفـذه هودليـــــــله

والرجـل لاشفته مع القيل والقــال
أبعــد عنه هذا صفـاته عليلـــه

والكذب خله عنك ما فاد لوطـال
قول الصدق ياصاح غنم وجميلـــه

وخلك شجاع وذي صفات للأبطــال
اللي كما سيوف تبارق سليلـــه

واللي شراك اشريه لو كان بالمـال
خـلك معه وان مال دور بديلـــه

وأصبر ترى الدنيا تبدل بها أحــوال
وماكل شئ صـافي تشوفه تجـي لـه

وبعد الكدرتشرب صفاعذب و زلال
هذا الزمــن فيه استـقامـه وميلــه

وصاحب خليل لو جفا الوقت مامـال
تـرى الرجـل يعرف بقيمة خليلــه

وأقفل على سرك بكتمان وأقفـال
بعض العــرب يسمع وينوي بحيلــه

وخـلك آمين إذا توليت الأعمـال
من خان في يوم الحشــر ياحليلــه

خل التواضـع فيك واضح بالأفعـــال
ترى الكبـر يردي بيـوم وليلـــه

ولا تحسـد اللي عنده أموال وعيــال
وش ينفعك لو كان حسـدك يزيلــه

ولا تزور تقلـب الزين بطـــال
الله عليـــم بالنوايـا الدخيـلــــه

وخلك رزين تـرى الخفـه للأطفـــال
وأصفح عن المخطي ولو زاد قيلــه

وأحمل همومـك لو تزن وزن الأثقـــال
بكــره تروح وتنجلــي لوثقيلـــــه

وصلﱢ الفروض ولا تنسيك الاشغـــال
محدن في الدنيـا درى وشبقــى له

وزر الاقارب للرحم كون وصــال
وخلك عظيـــم الشان وسـط القبيلــه

"محرومه"
..كعادتك مبدعه في الإنتقاء..

..سلم نبضك ..


..نورهـ..

واللي شراك اشريه لو كان بالمـال
خـلك معه وان مال دور بديلـــه

وأصبر ترى الدنيا تبدل بها أحــوال
وماكل شئ صـافي تشوفه تجـي لـه

وصاحب خليل لو جفا الوقت مامـال
تـرى الرجـل يعرف بقيمة خليلــه

وأقفل على سرك بكتمان وأقفـال
بعض العــرب يسمع وينوي بحيلــه

وخلك رزين تـرى الخفـه للأطفـــال
وأصفح عن المخطي ولو زاد قيلــه

وأحمل همومـك لو تزن وزن الأثقـــال
بكــره تروح وتنجلــي لوثقيلـــــه

وصلﱢ الفروض ولا تنسيك الاشغـــال
محدن في الدنيـا درى وشبقــى له

بصرآآحه كل القصيده حلوه وانا اقتبس اهمها للرجل الصحيح

وربي يعطيك العافيه وصح لسانك ولسان قايلها
وسلمت اناملك ع النقل الجميل

// رهين الشوق |

صح لسسسانك ..

تسلم يديك ..

المشاركة الأصلية كتبت بواسطة نوره

"محرومه"
..كعادتك مبدعه في الإنتقاء..

..سلم نبضك ..


..نورهـ..

الله يسلمك نورهـ

الله يعافيك رهين

منورر

الله يسلمك كيان