هل انت مع أو ضد .. }

انا كنت اتعامل على نفس الاسلوب هذا وكنت انطرد كل ماغلطت ... ويمكن هالشي هو الي خلاني اقدر قيمة ابوي وقيمة كلمتهـ ... بس انا عن نفسي بتبع نفس الاسلوب مع عيالي لأنهـ بالاخير القسوة على الولد تطلعهم رجال ... وهذا الافضل بصراحهـ بدل الدلع ....

مع او ضد ...

زواج المسيار ؟؟

مستحيييييييييييييل لو فيها قطع الرقاب

ما اتخيل يعني الرجال ما يصرف على زوجته ولا على عياله ...هو صح فالامارات تقريبا كل الشابات معها شهادتها ووظيفتها وسيارتها وتقدر تاخذ سكن على حسابها وتعيشه وتعيش اهله كمان ههههه

لكن احس الطبيعي والي متعودين عليه انه الرجال هو المسئؤول هو الي ما يرضى انه زوجته تصرف على نفسها وهو موجود ...

بجد انا ابغى رجل يحسسني انه هو ابوي وهو اخوي وفي نفس الوقت انا شريكة حياته فكل شي

ونتقاسم فكل شي ....وانا مستعده لو كنت احسن منه ماديا اني اعاونه وما اقصر ابدا

بس مو انه اتزوجه مسيار ورسميا ماله اي علاقه في ...

وع فكره زواج المسيار يعتمد على الظروف ...يعني لو مثلا كانت بنت جميلة قبيلية بنت ناس

وصغيره فالعمر فليش تلجأ لمثل هالنوع من الزواجات

دائما ألي تلجأ غالبا تكون استغفرالله عانس او مطلقة او فيها شي يخليها توافق على مثل هالنوع

وفي حريم عندهم الرجال مثل الاوكسجين مستعده تتنازل عن كل شي

في سبيل الزواج ...


صدقا انا لو في يوم تزوجت بهطريقة اكيد بكون كارها الدنيا الي اجبرتني ...وكارهته هههههههههههه

وبجد خاطري رح ينكسر ..

وخصوصا انه رجال ما يحسون بقيمة المرأه لما تجيهم بسرعه وعلى الجاهز ولا يندفعلهم فلوس

فوق هذا كله .....


انا كفكرة زعلت فكيف لو صارت حقيقة ههههههههههههههه


عاشق نظرتي فيك ما خابت انك ما شالله رجال وربي يخلي لك الوالد


بس ما اعتقد انه ان شالله شريكة حياتك رح توافق على موضوع طرد ابنها

يا اخوي في عيال ينطردون وما يرجعون

يرحون يسكنون عند عزابيه ويسون فيهم البلاوي مقابل اقامتهم

وما يكملون تعليمهم ويضيعون

فلو نفع الاسلوب معك ما اظن انه ينفع مع غيرك




واسمحلي على الاطاله





سؤالي هو على انته مع او الضد ...

المرأه التي تحب الاعتماد على نفسها فكل شئ ...اغراض البيت مشاكل العيال كل شي هي تسويه ولو حاب الرجل اتدخل لا مانع واذا لم يتدخل عادي ستكمل حياتها

صرت ارى هذه نماذج كثيرا ....وبصراحه لا اتقبلها

فما رايكم ؟؟؟

الشي هذا انا مااتقبلهـ نهائي ... يعني ضدهـ ...

لأنهـ عن نفسي بتكلم لو تزوجت بتزوج وحدهـ تعيش ببيتها ملكهـ .. طلباتها تجيها لين حدها ... هي تأمر وانا انفذ و عشان تتفرغ لي و بس وتنشغل فيني انا وبس ....


وبخصوص الطرد من البيت ...( ربي يسعدكـ على كلامكـ و ردا على رد سموكـ ... انا لو بطرد ولدي مابكون منتظر رد امهـ لأنهـ بالاول والاخير القرار لي ... مو معنى كلامي اني بكون متسلط ولكن الكلمهـ بتكون بالاول والاخير هي لي انا ... ولكن الواحد لما يجي يطرد ولدهـ مثل ماكنت انطرد وبذكر لكـ شي ماحد يعرفهـ للحين ... انا لما كنت انطرد من البيت وكنت اطلع ومرات اجلس باليوم واليومين برا بس وارجع واصالح ابوي وقبل مده بسيطهـ اعترف لي انهـ لما كان يطردني كان يطلع وعينهـ علي من بعيد لبعيد وكان يراقبني بكل خطواتي ... بمعنى اني لو طردت ولدي بخلي عيني عليه مابهملهـ ولا برميهـ بطريق نهايتهـ معروفهـ ... ولكن انا بطردهـ عشان يتعلم ويعرف قيمتي و الشي الثاني عشان الدنيا تعرفه بقيمتها و عشان عظمهـ يقسى )...


مع او ضد و السؤال للبنات بس

ترضي انكـ تتزوجي و تكوني موظفهـ بنفس الوقت ؟؟ وهل بتقدري توفقي بين عملك وبيتكـ وزوجكـ؟؟؟


تحياتي

أكييييييييييييييد بإذن الله


والتوفيق من عند ربي


وأعتقد إن أغلب الرجال إذا ماكان كلهم

يتمنوا يآخذوا وحده موظفه <<كلامي على حسب اللي أشوفه في بيئتنا

وكمان يسعى الرجل مع زوجته في سبيل حصولها على الوظيفه



مع أوضد


الإختلاط بين الرجال والنساء في العمل

ضد هالشي بصراحهـ لأنهـ بمعنى حديث رسول اللهـ لاني مو حافظهـ بالنص ( ماختلا رجل بامرأهـ الا كان الشيطان ثالثهما ) و هالشي في ضرر اول شي لها ولعفتها ...

مع او ضد

عمل المرأة بوظائف عرفت للرجل مثل ( الشرطه و المرور و ووو الخ )


تحياتي

مسا السكر عليكم

اول شي والله دمعت عيوني على موقف والدك ...حسيت بجد انه محد يتفلسف ويسوي نفسه حريص على ولد الناس اكثر من أبوه ..

تعرف عاشق ...في بنات كثير ودها تتزوج عشان تعيش بسلام مو عشان تتهاوش وتعاند

من كذا عالاقل لو رفضت انه الاسلوب الطرد يصير في عيالها كان لازم ولابد تقنعها

وخصوصا لو قلت لها انك رح تراقبه من بعيد لبعيد بكذا رح تحس انه صح الولد لازم يتعاقب ويحس بقيمة اهله وبيته وفي نفس الوقت ما يضيع

اما تقولها الكلمه الاولى والاخيره لي ...تحسسها ولا كأنها حملت وتعبت ولا كأنها لها نصيب كبير في هذا الولد وفتربيته ...انا كذا رأي ....


أما من ناحية سؤالك ...فأنا كان ولعي اني اعمل محامية وادرس قانون

بس ابوي كان رافض الفكره لدرجه اي كلمه كف هههههههههه طبعا ما يعطيني بس يعصب يعصب لما اقوله

فأنا عن نفسي مع انه المرأه تعمل في هذه الاعمال ...وانا متأكده انه ما في رجل خليجي وشرقي فالدنيا يوافق على كذا مرأه هههههههه

لكن بجد هذه الوظايف فيها مغامرات فيها اكشن ...تعلمك الحياه كيف تمشي تشوف الناس بكل انواعهم واطباعهم ..تتعرض للمواقف ما تتوقع فحياتك ان تتعرضلها ...

هو صح انا لو الموت ما رح البس اللبس الرسمي (لبس الشرطه) واسوي تدربيات خياليه

او مثلا ابات عندهم او يكون عندي دوام ليلي

لا انا مع انه يكون اداوم فمكتبي وعادي لابسه عباتي ويكون مظهري يدل اني انثى

اذكر مره رحت دائرة الامن يعني المركز الشرطه الفرع الرئيسي عشان اخذ بصماتي

لاني مقدمه على منحة من الدولة

ولما دخلت والله استحيت احس كله رجال وتحس سمعه وحده داخله طالعه من هنا ههههههههههه

وحتى في شرطيات طول بعرض وبدون مكياج ولابسات جواتي لحد الركب ههههههههه

المنظر كان بشع ههههههههه


يعني باختصار انا مع اي عمل مدني وان كان في دائره الشرطه بس ابوي يداوم معي او حد ههههههههههههههههههه يحرصني من الحفلة الي هناك ههههههه




هل انته مع او الضد ...ان يكون الفارق سن بين الزوجين كبير جدا بحدود عشر سنوات ؟؟؟؟>>انا اتمنى هههههههههههه

!!.. بشاير الامارات ..!!

بشكل عام المرأهـ ماتقدر تقسى فما بالك بأم بتقسى على ولدها .... غير الرجل يقسى على ولده وعلى نفسهـ و على اي احد .... وانا لما قلت الكلمهـ بالاول وبالاخير لي قصدت هالكلمهـ لأنهـ الام بشكل عام تفكر بعاطفتها ... وثانيا الام تلقي ولدها ببيت اخوها و تشوفيها جالسهـ على اعصابها فما بالكـ لو اجي اقلها بطرد ولدكـ؟؟ و الشي الثاني اانا مستحيل اقسى على ام عيالي و بنفس الوقت مستحيل انسى او اتناسا فضلها بعد اللهـ علي ... ولكن المجتمعات تختلف و تختلف من رجل لرجل آخر و لكن الافضل من وجهة نظري انهـ امام الاولاد تكون كلمة الرجل هي الي تظهر والام مالها الا تنفذ اوامره وبس وفيما بينهم يكون فيه تفاهم او عتاب وذلكـ لعدم التقليل من قيمة الأب و بردها عليهـ امام الاطفال فهي بهالطريقهـ بتهز صورتهـ امام الاولاد ..... و هالشي هذا كنت اشوفهـ بعيوني لما كنت انطرد.... كل البيت تلقيهـ ساكت وانا طالع القى بجيب ثوبي فلوس حاطتها لي امي وببعض الاحيان مااكون غلطان ولكن هي ماكانت تتكلم و هالشي هذا هو الي زاد من شخصية ابوي بعيوني ...

اما جوابي على سؤالكـ

انا ضد هالفكرهـ .. لأني لو فكرت اتزوج بتزوج وحده تكون بعمري او اصغر مني بسنة سنتين ثلاث سنين على الأكثر عشان يكون التواصل بيننا سهل و الشي الثاني نبني حياتنا سوا بكفاح مو اتزوج وحده اصغر مني بـ10 سنوات و بعد مدة زواج بتلقيني كبرت وهي بعز شبابها وبهالوقت هي تحتاج معاملهـ انسان يقدرها ويحسسها بانوثتها وصغر سنها وبحقوقها الزوجيهـ وهالشي بكون صعب على انسان كبير منها بالسن ...


مع او ضد

تعداد الزوجات؟؟

محد يغلبك يا عاشق هههههههههههه ..اقنعتني في موضوع الطرد

لانه انا بمجرد افكر فيه احس خلاص الولد ضاع وراح فيها وما عاد يدرس وكذا

وما افكر فيها ابدا من الناحية التربية والفائدة ....

المشكلة انه عندنا فالبيت الكل يبدي وجهة نظره فكل شي ...وابوي يترك المجال للكل انه يبدي وجهة نظره

فخلاص تعودنا انه الموضوع كذا يمشي ...حتى انا ألاحظ مثلا بنات اخوي الكل يدخل في تربيتهم

لانه اخوي بعد تارك المجال للكل ...وهذا ابدا مو معناها انه مو رجال ولا انه مو قادر يربي بناته بنفسه

بس تقول انه طبع من الوالد ...

فأنا والله لما أفكر فالمستقبل احس كل شي بدخل فيه هههههههههه ...

يعني مثلا بيتنا كان من تخطيط الوالدة ..برغم انه والله ابوي رجال ما شالله عليه لكن يحس انه امي تفهم فالمواضيع اكثر منه وبرغم انه هو مهنته مفتش مباني وكل يوم يدخل بيت شكل ...

فموضوع انه مين كلمته تمشي قدام العيال ...ابدا ما يأثر لو كان احيانا الام اواحيانا الاب

فأنا هنا اختلف معك ...




أما إيجابتي عن سؤالك

فأنا مع تعدد الزوجات ....أول شي انا اعتبر حالة خاصة من نساء هههههههههههه

والله إني أزهق بشكل غير طبيعي وما احب اللزقة ولا احب حد فوجهي طول الوقت

ولا احب حد فاضيلي كثير ...فأنا لو قصرت فيه ..يلاقي حلال ثاني يعوضه بدلا من إنه يلجأ للحرام لاسمح الله ...

انا عارفة ومتأكدة انه المرأه مالها غير بيتها ...وزوجها وبس والباقي كله كلام فاضي

بس انا احس نفسي انسانه مكبوته ههههههههه ما اقدر اسوي كل شي بس لاني بنت ..ولانه كثير من الرجال فحياتي يدخلون بقراراتي زي ابوي واخواني

اما بعدين هو واحد ...اقدر اقنعه انه يخليني اشتغل براحتي وابدع في مجالي

وانه يكون لي نصيب فالبورصة وتجارة ...يعني بجد في اشيا كثيرة ودي اسويها

ودي اتاجر بالاراضي هههههههههههه والله ودي واقدر بتخطيط ما اني اتاجر فيها


واحس ما اقدر اسوي كل هذا وهو قاعد ينتظرني فالبيت من بعد دوامه هههههههه

فمن كذا لو حاب يعدد انا ما عندي مانع ...

وما اشوف التعدد في اهانه للمرأة او اي هضم للحقوقها ...





هل انته مع او ضد ....زواج الجامعية بشخص لديه مؤهل إعدادي او ثانوي ؟؟؟

!!.. بشاير الامارات ..!!

انا ياغلاتي لما تكلمت عن انهـ الكلمهـ للرجل كنت اتكلم بخصوص التربيهـ ولما يكون الوالد موجود بالبيت و المشكله تكون وصلة عنده فالام ماتدخل الا اذا هو طلب رايها و بهذا فهي بتجعل لهـ قيمة قدام عيالهـ وبنفس الوقت اولادهـ بيشوفو امهم كيف تحترم ابوهم وهي بتكون كقدوة بهالشي .... وبخصوص التعاملات الثانيهـ فهذا الموضوع يرجع بينهم وانا قد قلت لكـ يكون في تفاهم وعتاب فيما بينهم بس او انهم مثلا يسوو اتفاق فيما بينهم يعني حركات قدام الاولاد مثل انه يتفق مع زوجته انه لما يسوي معصب فهي تسكت او شي زي كدا ويارب تكون وصلتك فكرتي... وانا عن نفسي اتكلم كنت فاتح المجال لخطيبتي رحمة اللهـ عليها تدخل بكل شي يخصني حتى مرات توصل للبسي بس في اشياء ثانيهـ ( خط احمر )ماكانت تقدر او تسترجي انها تكلمني فيها لانها هي عارفهـ راي وش بكون .... واقصد بالخط الاحمر اشياء هي مستحيل تغيرها او اسمح لها تدخل فيها كمثال بسيط ...بيني وبين اهلي ... بيني وبين اصحابي .... بيني وبين عملي او دراستي .... فهمتي قصدكـ حاولت اشرح لكـ وجهة نظري .... ولما كنت خاطبها وجيت بغير غرفتي تركت الموضوع لها ... ولما اشتريت سيارتي تركت اللون لها بعد ... وهالشي اسمهـ تفاهم بس بينهم وانا ماقللت بردي من وجود المرأهـ او الزوجهـ لأنهـ هي الاساس وبدونها مابستقر بحياتي ... وانا من الناس الي احب اخد راي المرأهـ باشياء كثيرهـ بعد بس لما توصل لتربية الاولاد بالذات فامستحيل اخليها تدخل لاني كنت ولد و اعرف كيف اتعامل معاهم والبنات بتركها لها لانه هي ادرى بعقليهـ البنات وبتفكيرهم و كيف الطرق او السبل لاقناعهم ...

تعليق بسيط على بنات اخوكي ... اناماقلت بكلامي اوقصدت ادا الرجل ماتدخل بتربية اولاده معناتها مو رجال بالعكس بس قريت بكتاب ناسي اسمهـ بس بجيب لكـ اسمهـ ان شااللهـ عن التربية ... من اكثر الاسباب التي تنشأ الأطفال بدون شخصية هي تدخل اكثر من فردين ( الاب و الام ) في تربية الطفل .. وهالنقطهـ حبيت اوضحها لكـ لاني انا استفدت منها كثير لاني كنت ملقوف بكل الناس حتى باولاد الجيران كنت اضربهم لو تاخرو برا البيت ـهههههههههههههـ ماحد سلم من شري بس بعدها وبعد ماقريت صرت من بعيد لبعيد اقيم المواقف وبعدين اشرح وجهة نظري لاهاليهم ....


بخصوص سؤال سموكـ

انا ضد هالشي بصراحهـ لأنهـ مابكون في توافق بينهم خصوصا انهـ المرأة بمأهل عالي و تفكيرها بكون اوسع من الرجل و بهالطريقهـ هذهـ بتكون في عدم توافق وانسجام فيما بينهم و الشي الثاني بتكثر خلافاتهم وبتكثر بسبب انهـ الرجل بيحاول انهـ يوصل لطريقة تفكيرها و هالشي بكون صعب عليهـ ومن وقتها بتلقي المشاكل و بيكون الرجل هو السبب فيها عشان يحسسها انهـ هي مو احسن منهـ ..... <<<< واقف معاكم يالبنات ـههههههههههههههـ


مع او ضد

الدراسهـ بعيد عن الوطن و الاهل ؟؟؟

مساء السكر

اسمحلي اسألك سؤال خاص معقولة انته بعمر 20 او 21 وخطبت وماتت

وصار هذا كله فحياتك ...يمكن انته غلطان بعمرك لما كتبته عالملف ...

تعرف لما تتكلم والله اني اقول فخاطري كل الكلام ألي قلته أنا متوقعته ...وسمعته كثير

ولحسن حظي عندي صديقاتي وحدة تزوجت على واحد اكبر منها بسنة يعني مثل عمرك تقريبا

ومثل كلامك بالضبط ههههههه والثانية تزوجت على واحد اكبر منها بعشر سنوات

بس يقولها كلام ثاني ...فوالله بجد خلال مناقشاتك وكلامك بجد صرت احس انه زوج صديقتي قدامي

وهي الحمدالله سعيدة معه كثير ...وتقول ان هالنوع من الرجل يحبون بقوة وبكل ما فيهم

ومخلصين لدرجة كبيرة وطيبين ..بس مشكلتهم العناد وانه رأيهم هو صح ...

وانا صدقا لمست فيك العناد في مكانين بس ما رح اذكرهم هههههههه

المهم ما رح اطلع من المووضوع ...

واحس اغلب كلام الكتب فيه من الصحة الكثير لكن مشكلته يعمم ...بنات اخوي لسا صغار ما تكونت شخصيتهم

بس عندك عمتهم قدامك ما اتوقع انها تعاني من اضطرابات او قلة الثقه بالنفس هههههه

برغم انه لامي دور في تربيتي اكثر من ابوي ...وكان فكل شي نسويه نلاقي عقابين

واي شي نبغاه نطلبه من الاثنين واي موافقة نبغاها لازم تؤخذ من الاثنين

واحيانا كثير امي توافق ابوي لا او العكس

ما اتخيل احس اني بقتل زوجي وبموت ههههههههههه لو ما خلاني ادخل في تربية عيالي

انا بموت عشان اعيش دور الام ..ألي تحب وتحن وساعات تقسو كثير

يعني انا مواقف كثيرة مرت فحياتي قسيت فيها على نفسي كثير ...بالتالي انا متاكدة اني اقدر اقسو عليهم لو تطلب الامر

يعني لو ابو العيال حسيته ظالم او غلط ...بتكلم قدامهم مو عشان اكرهم في ابوهم واحسسهم انه هو شرير وانا ادافع عنهم قدامه

بس عشان احسسهم انه الحق ينقال وان كان فوجه أبوك

وانه في فرق بين الجراة والوقاحة ...وإنه بإمكانهم يسون زي يقولون يا بابا انته غلطان بطريقة ابدا ما تقلل من احترامه وهيبته ...

ونحن زي ما تربينا على الامانه والصدق تربينا انه كيف نتعامل مع الرجال وانه الرجال شي كبير ولابد احترامه وعدم الاستغناء عنه

لانه اي امرأه تعمل بدورها وبدور الرجل تذبل ..تتتعب ما تقدر ...



اما من ناحية سؤالك ...

قبل الايجابة عليه ...ممكن لا تقولي غلاتي ..وانا والله ادري انها عفوية واني زي اختك بالضبط

بس انا نزلت موضوع كامل عشان ابين مدى انزعاجي من تهاون بزي هذه الكلمات >>مصدقة نفسي ههههههههههه ...



ايجابتي على سؤالك ....

انا ايام المراهقة كان ودي ودي ودي ..بس الحين صرت احس الموضوع يحتاج لقوة ايمان رهيبة ومقاومة غير طبيعية ...والله لاني اخاف على نفسي ما ودي اخوض هذه التجربة

ما اتخيل انه زملائي شباب هههههههههه لانه عندنا المنح فيها اختلاط

لذلك انا اخترت منحة فداخل الدولة وعند اهلي

والمشكلة ...اني كثير احب اتكلم واسولف وابدي راي فكل شي ...وبكذا علاقتي تقوى مع الناس بشكل كبير

حتى اني اول مره حبيت فيها بحياتي حبيت عن طريق الخطأ ههههههههههههههه

والله كان معنا شاب سعودي في المنتدى ومعنا لمدة خمس سنوات

طول هالمدة وانا اغرد واسولف مرة فالمواضيع مرة فالملف >>لدرجة صرت احس الاعضاء يقولون خلاص عطيه الايميل وفكي نفسك وفكينا ههههههههههه لكن والله رفضت بقوة
وقلت لهم مو لهدرجة انه نحن عادي ...

وقعدت اقول عادي وعادي واقنع نفسي او شيطان اعوذ بالله يقعني اني
اصلا بنت مؤدبة ومحترمة ومستحيل افكر فيه غير انه اخو غالي

وودايما اقوله يا اخوي وهو اكبر مني بعشر سنوات وذبحته يا اخوي ويا اخوي

مصدقة انه اخوي ههههههه ومرة من الحماس قلت له عندي ثلاثه خوان وانته رابعهم لانه وقف معي كثير كثير>>> كان ينبسط علي كثير

ويسألني عن كل شي وانا اقعد احكي واتحاكي والله قدام الامه والصالحين لاني كنت احسه مجرد عضو والكل كان يحبه وكان هو المدير والله

ومرت الايام والسنوات ...لحد ما جيت الرياض ...اول ما دخلتها قعدت ابكي وابكي

فمن هنا حسيت اني قاعدة اتعلق وقاعده اغلط غلطة رح اندم عليها كثير كثير كثير

لانه كل علاقات النت فاشلة ومو جدية ...

والحمدالله والله بعد الدعاء والاستغفار خلاص ابتعدت عنه ...ومن كذا اشتركت في منتداكم كان ودي اشترك في اي منتدى بعيد عنهم

وهو خلال هذه المدة كلها غمرني بحسن اخلاقة وإنصاته لي ...وكان يبدي رايه كثير بطريقة حياتي


>>حكيت قصة حياتي الي ما ودي كنت احكيها ههههههههههههههه


فأبغى اقولك انه الانسان لا يحط نفسه في مواقف ما هو قدها

فمن كذا لا افضل انه البنت تسافر لبرع بدون محرم وإن كان قصد الدراسة

فوالله الشيطان يدخل مداخل محد ابد كان متوقعها

والبنت بدون عفتها واخلاقها ما تسوى والله ...

وانا تركته لله وبإذن الله،، الله بيعوضني بحلاله من هو احسن منه ....


بس ما صرت زيك عاشقة الدمعة هههههههههه بلعكس صرت اقوى واحسن ^_^




سؤالي هو ...هل أنته مع أو ضد المقولة التي تقول ...إن الصداقة بين الرجل والمرأة لا يمكن إن تتحقق إلا بزواج طرف ....يعني احد الاطراف يكون متزوج ومرتاح وعايش حياته

أو الطرفين ؟؟؟؟؟؟