دنيا تضيق وفزعة الله قريبه

لا يابعدهم كلبوهم فديتك
يالبى قلبك فدوتك كل الاشعار


بأول عبارات الغرام ابتديتك
كلمة أحبك أعشقك و(مجموعة أسرار)


حسيت بك قبل أعرفك لين جيتك
وفعلاً عرفتك باقة (ورود وأزهار)


مغليك ذابت شمعته عند بيتك
وأصبح أسير لنظرتك وفكره احتار


وذاب بكيانك وصار حيك وميتك
وشلون مدري كيف بس حكمت أقدار


ولو صار مهما صار لا ما مانسيتك
أبقى على حبك ولو صار ما صار

أنا مانـي غشيـم أحـط أيـدي فـي جحـر هالـداب
وصعبـه مرتيـن ألـدغ بهـذا الجحـر ومـن دابــه


صحيح أنـي هـواوي وأعتـرف أنـي قتيـل أهـداب
ولكـن مـن ذبحـنـي بالـهـدب نتـفـت أهـدابـه




أنا عايش علـى هـالأرض ولافيهـا حسبـت أحسـاب
وربي من أنخلـق لليـوم شخـص ٍ أحسـب أحسابـه


ولكن .. آه .. يا .. لكـن وكـل شـي ٍ ولـه أسبـاب
وأنا حظي عطانـي " كـف " وكـان العشـق أسبابـه


غلط مني .. عشقت وجيت أشيل من الضلـوع أحطـاب
مدام اللـي كسـرت صـدري معاهـا فـاس وحطابـه


خذت قلبي .. مـن ضلوعـي وصـاح الذنـب للتـواب
ياربـي أغفـر ذنوبـي .. ونفـس السـوء تـوابـه


سرجت من الوفا .. مهـره وطاحـت وأنكسـر ركـاب
وهـم قالـو وعلـى ماقيـل يعـرف الخيـل ركـابـه


وأنـا خيـال أبـن خيـال وراس الخيـل منـي شـاب
علـى ظهـر الأصايـل .. ماتركـت السيـف بجرابـه


ولكـن الزمـن خايـن وانـا ويـا الزمـان أصحـاب
غدربي .. وليه يغدربي !!؟ .. وكنـت أعـز أصحابـه


يبينـي لقمـة ٍ سهلـه علـى المـخـلاب والأنـيـاب
وقيـل " أن لـم تكـن ذئبًـا بتاكـل لحمـك .. ذيابـه


وانا ماني عشى للذيب .. أنا اللـي قـد أكلـت أذيـاب
عليـه تشهـد أنجـوم السمـا والضـلـع ومرقـابـه


وأذا كان الزمن مبسوط !! .. قبلـه مافرحـت أشنـاب
ومن يطـرق لبـاب النـاس .. تطـرق العـرب بابـه


أنا ماجيت هـي جتنـي .. وقالـت أعشقـك بأعجـاب
وأنـا كلـي فخـر بالشعـر والجمـهـور وأعجـابـه

وش حيلة اللي ماتهنى بدنياه
يعاني هموم الشقى كل ليله

همه بقلبه من عذاب ومعاناه
قصة عذاب وانكساره طويله

يشيل جرحن بين الاضلاع مقواه
و يشيل همن ماتشيله قبيله

لانوم لاراحه لاشي يهناه
ضايع وضيع في حياته دليله

حتى اقرب العالم لقلبه تناساه
عزيل من مثله يبيعه خليله

كلن وقف ضده وكلن تحداه
كنه كسيرن مالقى من يشيله

عيبه يقول الصدق والصدق مبداه
والصدق هاليومين ناسه قليله

كم واحدن عنده رفيقن ودناه
وقت الشدايد مابهم من يجيله

واليوم يوم القلب باحه خفاياه
حبيتا بين لرفيق اشتكي له

حيثه يعرف الجرح بلسمه ودواه
عن سبة جروح النفوس العليله

أنـا بـدوي صحيـح مـا عنـدي إنكـار

قالـو بـدوي واقـول مـاهـي ضليـمـه

لنـا الـبـداوه ورث جــدان وشـعـار

وامجادنـا حـاضـرو مـاضـي قديـمـة

حنـا هـل النخـوة وحنـا هـل ألـكـار

لنـا علـى كسـب الجمـايـل عزيـمـة

حنـا أليـا ضـاق الفضـا والزمـن جـار

وقفاتـنـا تـشـف القـلـوب السقيـمـة

لنـا علـى الطـولات منهـج ومعـبـار

مـا تهمنـا ظـروف الزمـان العظيـمـة

لوكـأن مـا نملـك مـن المـال ديـنـار

لنـا بغنـات النفـس يـا الربـع قيـمـه

بـدو(ن) لنـا شيمـه وقيمـه ومـقـدار

وعاداتنـا عـلـى الـشـرف مستديـمـة

حنـا عـن الجـارات نغـض الإبـصـار

وقصيرنـا يلقـا مـع الـقـدر شيـمـه

وحنـا نشـب النـار مـع فـج الأنــوار

اليـا ارتـاح بالمجضـع خطـأت اللخيمـة

ببيت الشعـر نسكـن صحاصيـح الإقفـار

ونستمتـع فـي بـر الـبـلاد ونسيـمـه

وبيوتـنـا فـتـاح للضـيـف وكـبــار

لوكـان مـا نـدري مـن أي الوسيـمـة

يفرح بنـا ألطرقـي ويدلـه بنـا المـار

ويلقـى ألمـعـزه والسـعـد والغنيـمـة

ويلقـى الـدلال مـرا كيـاتٍ علـى النـار

ونـجـرٍ يـنـادي للنـفـوس الكريـمـة

البارحة جفني عن النـوم سالـي

والعيـن عيـا لايهـود نظرهـا

فكرت في دنيـاي بـول وتالـي

لقيت نفسي غارق فـي بحرهـا

ماني مع العالم وجالـس لحالـي

وحيد في دنيا رمانـي خطرهـا

اسج فيهـا كـل ماجـا مجالـي

وارجع ولاني سالم من ضررهـا

ماعدت اميز بيـن مـر وحالـي

ونفسي عنيدة مير وقتي جبرهـا

اشرب قراح ودوم شربي زلالـي

واليوم معرف صفوها من كدرها

ماكل من يضحك من الناس خالي

يضحك وناره وسط جوفه شررها

يبديلك الطيبه وزيـن الخصالـي

والحقد والغيره بدربـك نثرهـا

لاجالـزوم لـه يجـي مايبالـي

ولاجالزومك عنك رجله قصرها

انا احمد الي دايم الـدوم عالـي

خالق مخاليقة وبرضـة نشرهـا

وصلوا على صفوة جميع الرجالي

اعداد ماهلـت مـزون مطرهـا

تعبت أشيل هم الغير ولاأحد شايل همي

تعبت أكون أنا الشخص المثالي لآخر أيامي

أبي إنسان لو بالكذب يشيل عني

وإذا يقدر بعد يكذب ويعيشني بأوهامي

ألا ياكم قطفت الورد لأجل الناس

ولابه واحد منهم قطف وردةوأهداني .. !!

لاتعتبرني حزة الضيـق صاحبـك
الاّ......اعتبرني واحدٍ من ..} خوانك

ماني صحيبٍ فالسعاوي >> يصاحبـك !!
ويـروغ .. عنـك ليا تكّـدر زمانـك

انا عن انيـاب المقاديـر اشحبّـك ]
ولاني بافرّق بين [ شانـي وشانـك ]

ان كان حظك فالشرابيك طاحبـك
وازرى من الشيمه يعبّـر لسانـك .. }

وبان الصواب وبارق الوجد لاحبك
ماتنتبه لي غير انا آقـف وزانـك .. !!

وان زان لك وقت الاناسه وراحبك
في وسط قلبـي ماتغيّـر مكانـك ..]

لافاح شوق القلب بالطيب .. فاحبـك
واهين من بالهرج لاغبـت هانـك .. }}

لنّي على عز ومعـزه .. [ مصاحبـك
واعد نفسي واحـدٍ مـن خوانـك .. }

لا ضاق صدري جبـت .. { نجـرٍ ودلـه
وسويت مـا يطفـي لهيـبٍ بجاشـي .. ]
وان جا المسير عمس عندي .. دوى لـه !!
فنجال مـا سـواه خطـو .. الخداشـي
بكـر علـى بكـر ليـا جيـت ازلـه
يشبه خضـاب مرودعـات النقاشـي .. !!
حيـنٍ هشيـم.. !! وحيـن نوقـد بجـلـه .. ]
ومـر نبهـرهـا ومــر بـلاشـي ..!!
معبـريـن كــل وقــتٍ بحـلـه .. }
نصبر على ما كـاد والـرزق ماشـي .. }

ياصـــدري أحنك عن الضيق وتضـــيق
إلى متى ذا الحزن ياصدري قـــلي

ياصـــدري الدنيا حظوظ وتوافـــيق
وأناا من الثنتـــين ذي ماحصـــلي


لو أن حظــي مثل حــظ المـــرازيق
ماكان عود بي على" طـــير ياللـــي"


مانيب شـــااكي ضيقــتي للمخالـــيق،،
أخــااف أحد يدري بكــثري وقـــلي..!


دام الرجــال أسرارهم فـ.. الصنـــااديق
مانيب شـــااكي لو أموووت بمحـــلي


أنا رصيدي خوتي للمطالـــيق
من الجنـــووب إلى ضواحي حولــي


خوة شرف .. خوة عهــوود.. ومواثـــيق
ماهي لجل وقت الرخـــاا.. والتســـلي


أرسى من جبال الســـروات.. وطـــوويق
وأقرب علي من" رمــش عيــني" وظلي


و ياصــدري أحنك عن الضيق وتضـــيق
إلى متى ذا الحزن ياصدري قـــلي..؟؟

ودعتك الله لو على قلبـي اخطيـت
وحاربتنـي مـن دون ذنـب وخطـيّـه

احسبك تذكرني إذا اصبحت وامسيت
واثـرك علـى فرقـاي نفسـك هنيّـه

الله اكبـر كيـف عنّـي تخلّيـت
من بعـد مـا علقـت روحي البريّـه