لــيْــهْ تِـنْـسَــاْنـَـاْ اَلْأَمـَـاْكِـــنْ . . . !

مدخل {...
الأمـاكن . .
ماهي إلا بقايا ذكريـات . .
البعض بقيَت أشلاؤه ...

* لِــيْــهْ تِـنْـسَــاْنـَـاْ اَلْأَمـَـاْكِـــنْ . . . !

بعد مامرّت سنين . . .
وزاد في دمي الحنين . .
قلت : أبمرّ الأماكن ..!
أشتهي غبااار المساكن . . !
كانت اللحظة جنون . . .
وكان فيني الشوق ساكن ..!!
.
.
ورحت لملمت البقايا . .
والشظايا . .
بكتب آخر فصل . . تحويه الحكايه ..!
..
وفي مسافات الطريق . .
كنت في الذكرى "غريق" ..!
.
.
وانتهت فيني المسافه...
وابتدت غربه ومخافه ..!
.
.

جيت حييّت المدينه . . .
اللي عنها رحت طفله ، ايدي في ايدين أمي . .
جيتها وفي يديني همّي ..!.
.وللأسف ، كل شي خذلني ..!
المكان اللي حضنّي . .
هو نفسه اللي رفضني .. !!..
ليه تنسى يااا مكان ..!!
خفت . . .
ضيعت الأمان ..!
.
.



صار اللي ماهقيته ..
وين بيتٍ وأنـا طفله قِد بنيته !
وين إحساس زرعته وماجنيته ..!.
.
تهت .. ضيعت الهدى . .صحت فيهم ..
" منهو فيكم . .
شاف بيتي "
ومايرد إلا الصدى ..!!
وتمتماتي . .: " ليتني ماجيييييت .. !
ليتي !! "
.
.



" هااهـ أختي .. وش بغيتي ! "
التفتّ ..
ماعرفت إلا العيون . .
وصـووت عمره مايهون ....!!
قال : " .... "
"والله دنياااا "
" ماعرفتيني... "
" أنا اللي عنك أدافع " ..
" وأتبعك في كل حارهـ " !!
.
.
اختلط حزني وفرحي ..
همس صوته . . هدِّ صرحي !!
وتوهـ يذكرني المكان ..
وتوّهـ يرجع لي الزمان . .
وتوووها تحلى الحكاية ..!!!
وابتديت أكتب بداية فصل . . عنوانه ( النهاية ) ..!
.
.
" هاهـ .... "
" وين صرتي "
" قبل ماأنسى . . . "
" هذي مرتي " ..!
" ذي فلانه .. تعرفيها "
"بنت عمي . . اللي كنتي لما نلعب تطرديها " !!
"صح صغيرة " ..!!
" بس وربي إن غلاها يوزن ديرة " ..!!
.
.
" تدرين ..... "
" وربي في( مرّهـ ) ذكرتكـ .. عند بابكـ "
" إلا بسأل .. وشهو جابكـ " !
.
.



(( وشهو جـابك..?! ))
.
.
هالسؤال اللي صفعني ..!!
ابتسمت له بثقل .. !
وقلت : . . أوراق وشغل . .
ورحت أمشي بكل ثقه . .
كني أدري لوين أمشي . .!
والله .. مدرررري ..!!
انتظرته يقول .. " بدري" ..!!
.
.
بس راااااح . .!
ونصل حرفه في الجراح . .
.
.

وانتهت فيني المسافه . . .
وكل شي أعلن جفافه !!!
وانتهييت ..وأنا تـوّي . . ما ابتديت ..!

وانتثر حبر الحكاااايه . .
وانلغى . . فصل ( النهـااية ) ..!!

مـخرج }...

و الأخرى تلاشت و لم يبقَ لها أثـر .. .

ممارآق لي