يحياالعزيز

هذه الابيات فيهامن النصائح والحكم
مانحتاجه في وقتناالحالي
اتمنى تنال اعجابكم




يحياالعزيز بعزته شامخ الرأس .
والا الذليل يموت في عزذله.



ومن عاش شاف فدنيته كل الأجناس.
من كل جنس وكل مذهب ومله.



ومن عاند الدنيا توريه الأتعاس.
يلقي القهر ويموت في وسط غله.



راع الوفا ممشاه مع خيرة الناس.
وراع الردي راع الردي صاحب له.



وما للردي في مجلس العز مجلاس.
اصلا‎'‎ ولا حتى يجيه ويصله.



بعض الرجال اغلى من كنوز الالماس.
سيف لياجات اللوازم تسله.



له فزعة تضهرليا صرت محتاس.
ودرب الوفا ما كل رجل يدله.



وبعض العرب من تحت الاقدام ينداس.
وبعض العرب من فوق راسك محله.



وبعض العرب صداقته دوم نوماس.
وبعض العرب صداقته لك مذله.



وبعض العرب لامات تجزع له الناس.
وبعض العرب لومات محدن فطن له.



لاباس ياقلب يبي المجد لاباس.
مادام فعل الطيب فينا جبله.



ماعاد فالدنيا مسرات واوناس.
عله تقفي عنك وتجيك عله.



ماكل كيف يسبب لراسك عماس.
والكيف ماتلقاه في كل دله.



اعوذ بالرحمن من كل وسواس.
ومن كل حاسد شال فالقلب غله.



اخذتلي في شبة العمر مرواس.
وجربت فالاصحاب من كل شله.



واعلنت من خوةهل الطيب الافلاس.
ولا كل رجال يناسبك دله.



لي فالملا نضره ومبدأ ومقياس.
ولا اقول اخذت العرف والعلم كله.



لكن لي قدوه عزيزة ونبراس .
والجيد اصله للمكارم يتله.



والبيت يبقى دام مبنى على ساس.
وان كان ماله ساس مادام ظله.



والآدمي عمره محدد بالانفاس.
رحال في دنياه والقبر حله.

مع خالص تحياتي لكم
آل رهين
فديتكم