اه من ضيقة الصدر

يا ضيقة الصدر وش باقي على بكره
يا طول الساعتين وطول غربالي

الليل كله وانا فكره وراء فكره
ومن دلة الهم ماهزيت فنجالي

ما كنت اظن الحبيب اليا عشق يكره
الين جربت فرقا اللي شغل بالي

اثر الجفا موت مثل الموت له سكره
يالله لاتقطع الغالي من الغالي

من يوم قفا وانا للموت ابفتكره
والله ليبطي بقلبي منزله خالي

الطير لامن غدا ما عاض به وكره
يقضي وفعله مع المده يورالي

لا صار فعل وغلا بالقلب محتكره
في ضيقته ياخذ الاول مع التالي

قد قالوا الطير يا وفيه يانكره
واقول نكاره العشره بروا حالي

ارجع لموضوعنا السابق على فكره
ماني بانا اللي مفارق بس بلحالي

البعد سم البشر ماني بمبتكره
عزي لمن جرب الفرقا وعزالي

هذا الجفا موت ومثل الموت له سكره
يالله لاتقطع الغالي من الغالي ....



حمد السعيد

روووعه هذه القصيده ..

شكرا على ذووقك السامي

عاشقــــة الدموع ♥
لِ جمال انتقائك أكثر رونق..
كُل الخير أتمناه لكِ..

-





شكرٌ مُرتل ل طرحكك ..
وآمتنآن مُعطر ..
.}