نصائح و قواعد رجالية في الذوق والأناقة

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


السلآآم عليكم ورحمة الله وبركــآآته


***
نصائح و [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]في [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]والأناقة




[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


مجموعة من النصائح الطيبة لكل الشنبآآت !
1- إذا الملابس حلوة و كشخة و مـاركة بس مقاسها مو مضبـوط عليك ما منها فايدة، كل
الكشخة و الحلاوة راح تضيع بشكلها الغلط عليك.
2- إشتر أحسن جودة بالميزانية اللي عندك، فوق انه الملابس راح تكون أحلى عليك راح تبقى معاك أكثر.
3- حق اللبس الرسمي تلبس حزام أسود مع جوتي أسود (يكرم القارئ و السامع) ، حزام بني مع الجوتي
البني (يكرم القارئ و السامع).
4- الريّال مو ملزوم يقول جم راتبه و مو عيب إذا يقـول (الحمد لله مكفيني)، و هم المفروض ما
يهمّه يسأل فلان و علتان جم راتبه.
5- حلو انه الريّال يوم يروح عزيمة مع ربعه يكون عنده مبلغ يكفي الكل في حال انحرج و اضطر يعزمهم.
6- ممارسة الرياضة مو بس زينة حق جسمك و صحتك؛ زينة هم حق الملابس و شكلها عليك يوم تلبسها.
7- الأناقة غالباً تكون مو أكثر من شخصية و أخلاق حلوة.
8- الدلاغات ممنوعة مع الصندل و النعال (يكرم القارئ و السامع).
9- إذا البدلة الرسمية أو القميص أو الدشداشة مو مضبوطة على كتفك لا تلبسها و لا تفكر تشتريها.
10- إذا تلبس بدلة رسمية لازم تبين بزمة القميص تحت جم الجاكيت بين .6 cm إلى 1 cm ع الأقل.
11- إذا لبست صندل أو نعال نظف ريلك و قص اظافرك، عالأقل خل يبين شي نظيف حق الناس إذا
احد انتبه على ريلك.
12- شغلتين المفروض ما تسويهم في نفس الوقت: الأكل والكلام، ويوم تاكل ماله داعي المؤثرات الصوتية.
13- يوم تنعزم على مكان لا تعزم أحد معاك علما يقولك صاحب العزيمة، لا تسأله أقدر أييب معاي
أحد بتحرج نفسك وتحرجه واحتمال كبير يقول عادي بس مو عن طيب خاطر. يمكن يبيك بموضوع
بروحك أو حاط بباله عدد معين حق العزيمة ما تدري.
14- حاول لا تشتري الملابس أو الأغراض بسعرها الكامل إذا ما كنت مستعيل عليهم، كل شي بيصير
عليه تنزيلات تالي وبيضيق خلقك بعدين.
15- خل اكون صريح شوي واقول قص شعر خشمك وإذنك إذا كان مبين حق الناس. واذا حواجبك
ما شاء الله غابة حاول ترتبها شوي. ما اقولك حف وارسم حواجبك بس عالأقل رتبهم بشكل معقول.
16- لا تفرّغ زجاجة العطر على روحك قبل لا تطلع ، عطرك المفروض يبين بوضوح بس إذا واحد
وقف يسولف معاك أو مر قريب منك.
17- يوم تختار ملابسك فكر راح تلبسهم حق أي مناسبة أو غرض، و قبلها فكر
إذا كانت تناسب عمرك.
18- الجوتي الرياضي يلبسونه حق الرياضة، ما يبيله شرح أكثر.
19- الريّال مو عيب يطلع غلطان ، و الريّال من قلب اللي يقولها بلسانه انه غلط.
20- حق البدلة الرسمية لون الدلاغات لازم يطابق لون البنطلون، حق الدشداشة لون الدلاغ يطابق
لون الجوتي. الأبيض بره المعادلة.
21- الأسود يصلح مع كل الألوان، و الرمادي اخوه من امه و ابوه.
22- دايما خل بالكبت دشداشة و غترة زاهبين، ما تدري يمكن مرة وحده تطلع مناسبة بنفس الليلة أو
بعد ساعة من وصول الخبر. عالأقل خل يكون عندك دشداشة رسمية وحدة حق المناسبات عشان لا تتسلت
خيوطها مثل الدشاديش الباجية.
23- إذا لقيت حلاق زين استمر معاه عشان لا يخورها و يخرب قصّتك أو لحيتك و شنباتك، أعز ما
على الريال شنباته (المفروض يعني) و سالفة انه و الله الحلاق من روحه تفنن بويهك طاح سوقها من زمان.
24- كل شي يحتاج أوتي يتعلق بالكبت، و الباجي يتصفط (غالباً ملابس الكرة و النادي).
25- إذا كنت لابس بدله رسمية و تبي تفل الكرفته لا تسحبها من العقدة، فك العقدة عكس يوم
ربطتها عشان لا تخترب.
26- بالدوام معروف يوم الخميس (اللي هو اليوم اللي قبل الإجازة الأسبوعية) الناس تقدر تلبس
شوي براحتها، يعني مو رسمي 100%، بس هالكلام مو يعني الكل يشوفك يقول المخدة بويهك و الأخ
نسى يبدل قبل لا ايي الدوام.
27- القميص اللي “قولته” فيها ازرار ممنوعة مع البدلة الرسمية بالكرفته، غلط.
28- ماكو شي اسمه قميص “نص كم” حق بدلة الرسمية.
29- الجوتي الرسمي البني يلوق على البدل الرسمية الكحلية و الرمادية، مافيه أي مشكلة.
30- إذا قرّعت أو صرت أصلع ما عليه مو أول ولا آخر واحد ، قص باجي شعرك عادي و عيش
حياتك، لا ترقّع و تلف القذلة على راسك غصب جنه صج عندك شعر.
31- القميص الأبيض الرسمي يلوق على كل شي، وين ما تقطه يمشي، خل يصير عندك عالأقل واحد
حق البدل الرسمية.
32- البدلة الرسمية توديها المصبغة عالأقـــل مرة بالموسم و تعلقها باهتمام بالكبت عشان تحافظ
عليها بين كل مرة توديها المصبغة.
33- البوك مو جنطة تحط فيه كل شي تبيه و ما تبيه، حط بس اللي تستخدمه
(بطاقة مدنية، ليسن، كرتين بنك بس، شوية كاش، هوية دوام).
ماله داعي تحط فيه ألبوم صور ربعك وأهلك وكروت أعمال العالم وكل كروت البنوك والدعايات و نص
صمونة وكلينكس.
34- حط لك عالأقـــل جينزين قصّتهم عادية (لا واسعين و لا ضيجين) يمسكون بالخصر ع الراحة
و نظاف مو مشققين ولا مقطعين. خلهم مختلفين الألوان شوي ماعليه بس لا يكون واحد منهم أسود.
الجينز الأسود انسى انه مكتشفينه أصلاً.
35- أي شي خامته كتان راح يتعفس بسهولة، ماكو خدعة تخليه ما يتعفس لو تموت.
36- في عمر معين المفروض يوم توصله ما يبين البوكسر\ال خري من البنطلون\ا لجينز اللي تلبسه في حال
انه راهي على خصرك، العمر هذا هو سنة تخرجك من جامعة الحفاضات أو بالكثير الروضة.
37- بعض المنتجات اللي يحتاجها الريال ومو عيب انه يستخدمها هي مضاد العرق أو معطر جسم +
جيل للشعر + كريمة حلاقة أو بلسم حلاقة + مرطب رجالي إذا بشرتك جافة و تأذيك
.(خل ربعك يولون إذا ضحكوا عليك ما عليك منهم).
38- الحلاقة فن وحلو انه الريّال يعرف أساسياته إذا اضطر يحلق بروحه بالبيت وما راح الحلاق، بلل
ويهك بماي دافي جم دقيقة عشان تفتح المسام، حط كريم الحلاقة بين الدقيقة إلى دقيقتين عشان تتشربه
البشرة، استخدم شفرة حادة أو مكينة و احلق باتجاه نمو الشعر و ان شاء الله ما تنجرح.
39- لا يضيق خلقك إذا سويت شي وطلع غلط اخرتها، فكر ع الأقل صار عندك تجربة
.(ولا يلدغ المؤمن من جحر مرتين).
40- الأقل أكثر؛ البساطة أحلى من الخبصة.
41- سمعتك أثمن سهم اجتماعي عندك، حافظ عليها ولا تخوره لول. باجر وراك زواج ان شاء الله واذا
كنت متزوج راح تكون مسؤول عن بيت وزوجة وعيال، و قبل هذا كله مسؤول جدام الله سبحانه.
42- مو ملزوم تحط “منديل مربع” أو "Pocket Squares" في البدلة الرسمية
.(المنديل اللي يبين طرف منه على جيب صدرك)،
و اذا تبي تحط مو إلا يطابق القميص أو الكرفته أو أي شي ثاني.
43- البدل الرسمية الفاتحة ما تنفع حق المناسبات المسائية.
44- في أوقات تحتاج فيها تكون الملابس تصير عملية أولاً ثـم كشخة ثانياً، قيّم وضعك و شوف الأنسب.
45- لما تخلص تجميع أغراضك حق السفر و تبي تسكر جناطك رد و شيل منهم ثلث اللي حاطه؛ هم
راح يظل معاك ملابس أكثر مما تحتاج بس عالأقل تسافر أخف.
46- الريال يعامل الناس مثل ما يحب يعاملونه.
47- صير اجتماعي بين الناس، و إذا وصلت مرحلة تقدر تسمي شخص انه فعلاً "صاحبك " اللي
تأمنه على سوالفك و حلالك حط ببالك انك حققت شي وايد ناس تحلم فيه بهالدنيا.
48- لكل قاعدة استثناء بما فيها القواعد المذكورة فوق ، ما عدا قاعدة رقم 1، 3 ، و 8.
49- اشتر جوتي رسمي أصلي حق المناسبات و حافـظ عليه عدل عشان يبقى معاك و لا
راح يبين عليه
انه يصير قديم، اخذ له عدة تنظيف خفيفة و مرتبة و بين كل فترة سو له تنظيف شامل، إذا مالك خلق
وده محل تنظيف جواتي و فك عمرك.
50- ما كل ما يُعرف يُقال، وليس كل ما يُقال حضر أهله، وما كل ما حضر أهله حان وقته.

-





شكرٌ مُرتل ل طرحكك ..
وآمتنآن مُعطر ..
.}

اسعدني مرورك يالغلا