شفتك وانا مشتاق ولهان ملهوف

شفتك وانا مشتاق ، ولهان ، ملهـوف
مسميّـات شعـور قلبـي عـديـده !



عيت عيونك ترحم الحال ، وتـروف !
وعيّت تجي ويـاي " جملـة مفيـدة "



جمّعت من كلماتك العذبـه ، حْـروف
وركّبتها ، صـارت ، قصيـدة جديـدة



سولف وانا بسولف وسولف وشـوف
بكتـب سواليفـك ، قصيـدة قصيـدة !



خلك مابين العيـن والعقـل والجـوف
عينـك تهيّضنـي ، وصوتـك نشيـده



وإقعد .. واحاسيسي حوالينـك وقـوف
وإن قلت لك موضوع ، بقول : عيـده



ولا إتحلف ماشوفك بحاجة .. حلـوف
الكـذب مـا والله اخـبـرك تجـيـده



لا تلحقك شكـه ، ولا يسكنـك خـوف
ولا تحـركْـكّ ، الـريـاح الشـديـده



وش فيك ضايق والسبب كله ، ظروف !
نريـد .. ! والله يفعـل اللـي يـريـده



ما كل من يبعد عن السمـع والشـوف
ينقص غلا ، بالعكس ! يمكـن يزيـده



إي والله آحبـك وبآحبـك / وسـوف !
أبقى معك ، والضيـق ، بفـكّ قيـدة !



مشكور كانك فيّ ، سويـت معـروف
هيّضتنـي ، وحـروفـي المستفـيـدة..

لبى خفوقي
أبدعتِ باإنتقائك هذا
كل الشكر لك و لسمو قلمكِ
على هذه الذائقة المترفة بالروعة و العذوبة
و دمتي نجمة مضيئة في سماء المنتدى
لكـِ كل الود ..

من جد روعه وذوق كعادتك استمري

احرجتوني كله من ذوقكم يسلمو ع المرور