نبضات رهين الشوق

تدري وشْ حطّم غيابكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره
عندي ما به شي ضروري
فاقد إحساسْ الأماني
لا مراسي لا مواني

وصارتْ الدنيا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا

يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا ل حقيقه :
الجفا أسْهَلْ طريقه
للقسى ..!

تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنه !

إيه كل الناس عندي
بس مابيهم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما اخونك لو تجافي
ما هو آنا اللي إن ضاقت
علي الدنيا / خنت




تدري وش صار بغيابك..؟
غاب [ شاعر ] أحتريه
الوطن : يبكي عليه
والورق : مسكين ضاق
والقلم : يفقد إيديه
عاجز التفكير فيني
يلقى حلٍ للفراق
الزمن مثله زماني
والدقايق هي دقايق






غيبِتِك [ قسمه ونصيب ]
خلْني أشرَه ع ( الزمن )
يا حبيبي .. ما هو عيب
إن بكى فيني .. الوزن

( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!

يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن

ولما عَن عيني .. تغيب
لا مدينه .. ولا سكن..!!
ماااات .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!



تدري وش ناتج غيابك ؟
زادت ب قلبي الهموم !
[ الفَرَح ].. عنِّي مسافر
وحزني ضيفي كل يوم

صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل ه الضيق ضيقه ؟!

عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه ب الجروح

يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق

ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك

ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطب " !







عليك شلون ما أزعل؟
وتسوِّي أشياء تجرحني !
تضايقني ب أفعالك ..
وتظن إنِّك مفرحني ؟

تسوِّد وجهي ب طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !

مثل غيرك ومنتَ غير ..
جرحت جروح ما طابت ..!
هقيته فيك يطلع خير ..
ولكن هقوتي "خاااابت"

صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعه صارت الذمه !

بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..

تحب الخير ل جروحي ؟
حبيبي الوقت ما قصَّر
وكلمة حق .. يا روحي :
(جميع الناس تتغيَّر ) !!!




تدري وش ينهي غيابك ؟!
ينهي أحلامي و [ طموحي ]
ويبتدي مشوار حزني ..
وتنتشر فيني جروحي !

ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم ب عيني !

كيف أضحك ..
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..

ما قدر يترس عيوني ..
من بعد عينك عيون !
ليه مستغرب جنوني ؟
يا موصلني الجنون ..

شفت كل الدنيا هذي ؟!
ما تساوي أي شي !
قمت أسأل نفسي [ وييينك ] ..
من معاي ؟
ومن علي !

وبالنهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!



تدري وش " يقتل " غيابك ؟!
يقتل إحساسي وعمري !
وين رايح عن عيوني ؟
ليه ؟
تو الناس !
بدري !

إدفن أسراري معاي ..
ما أبي أي شخص يدري
لا تسولف من وراي !
خل يكون الحب " عذري " ..!

وإن سأل عني قليبك ؟!
لا تفكِّر في الجواب !
قول [ إحتاجك ] حبيبك ..
وإنت لاهي ب الغياب !

من يحبك ..
وش مصيره ؟!
- " يحترق " قلبه أكيد!
تنهي أحلامه الكبيره ..
وتبدي في حبٍ جديد !

ولا يهمك قلب حبّك !
وضحَّى في عمره / عشانك ..
المهم يرتاح قلبك ..
وتلقى في الدنيا / مكانك !

صرت أبعد من منامي !
وكنت أقرب من ثيابك !!
أختصر باقي كلامي ؟!
حيل يقتلني غيابك

تدري وش بكَّى غيابك ؟
موق عين اللي تحب !
مهتني حضرة جنابك
والمشاعر " تنتحب " ..!
المطر من غبت ينزل
إمتلت عيني وخدِّي !
ما رضى قلبي يعزِّل
رغم إنِّك صرت / ضدِّي !

إستحَت منِّك [ طعوني ] ..
وما قويت أصير ضدِّك !
ليت ما شافت عيوني
من يذمني [ ضيف ] عندك !

إنسَحَب فرحي / وطموحي
ويني عنِّي ؟
- ما دريت !
صرت أضحك من جروحي
وداخلي ياما ( بكيت ) .. !
صارت الراحه / ألَم
واللي باقي ..
ما سَلَم !!
" التَعَب " واقع أعيشه
قلبي ب الفرحه حَلَم ..!

دمعتي تمشي تسولف
وإنعَمَت عين الشفايف
وكل دمعه تطيح منِّي
إنكتَب فيها " حسايف "

مو غريب أبكي عشانك
الغريب إنِّك .. تخوِّن !!
ويبقى مثل أوِّل مكانك
وأعتبر ه الجرح ( هيِّن ) ..!

فدوه لك جرحي ..
وضيقي
المهم قلبك يحب ..
تدري وش موتي ال حقيقي ؟!
[ من حياتي تنسحب ] ..



تدري وش صحَّى " غيابك " ؟
جرح نايم من سنين !
ما ربحت
وما فرحت
جرحي فيني يستهين !

غيبتك كانت خساره
إفهم التعبير زين
من ترك قلبك دياره
وجه جدرانك ( حزين ) !
دمعتي تملي عيوني
عين تسأل فيني عين
تبكي فيني أو بدوني
وضعت بين الدمعتين !

وين أيَّامك يا " غايب " ؟
قلبي يسأل قول وين !!
يا بعد كل الحبايب ..
شوف وش سوى الحنين !
نمت وفي حلمي لقيتك
وقمت أردد كلمتين :

لا تغيب أكثر فديتك
نامت أفراح السنين !

تدري وش وقَّف غيابك ؟
وقَّف غيابك [ سنيني ] !
نبض قلبي ..
ليه ساكت ؟
والدموع اللي تباكت ؟
كل هذا صار فيني !!

يعني معقوله تغيب
وما تراجع ب القرار ؟

منظر غيابك كئيب !
واقف ب " سكة قطار " !

في قفص صدري ربيت
كيف أحس الطير طار ؟

لا نهاري هو نهار ..
وفيك أسهى ما دريت !

ومن يكلمني يقول :
يا بخت من به سهيت

إنت ما حسيت يمكن
والغياب أكبر دليل ,

دايم يردد لسانك :
" لذة الشي القليل "

راضي قلبي في قليلك !
المهم ألمح وجودك

تحترق أعصاب قلبي ..
وإنت غايب !
يابرودك!!!




تدري وش بعثر غيابك ؟
قلب من تغليك عينه !

من بعد ما كان يشوفك
رغبته ومعنى سنينه

ليه يا عيني بكيتي ؟
قالت عيوني : حزينه !

قلت يرجع إن هديتي
قالت إبتنهيد : وينه ؟!

هذا " قلبك " بين إيدينك ..
وما أبيك ترده لي !

من كثر ما قلت : وينك ؟
صرت أسألني علي !

ضعت في زينك وشينك
مات قلبي وإنت حي !

ما تهم صارت سنينك
وما يهمني كل شي !

كل هذا وإنت باقي ..
مستغل نقطة فراقي !
ما لقيت بوقت همي " شخص " ..
وب الفرحه ألاقي !




مدام الشوق ما جابك
وبقلبي الشوق متنثر :
غيابك حيل يذبحني ..
ويخلي الحب يتعثر !

قليل إن قلت في حقك
ومهما قلت أنا مقصِّر !
كثير أشياء تدفعني
عليك ،
إعذرني ما أصبر !

أحبك ( لا ) ما أبيها !
أبي أكثر من [ أحبك ] ...
ومدامك دنيتي فيها
حبيبي ما أبي " أكثر " !

قدرت أنسى جميع الناس
وفعلاً صرت أنا ناسي ..!
يا ماخذ منِّي الإحساس
أبي أنساك ....
ما أقدر !!

معاي إنتَ أكون بخير
وقلبي حيل مستانس ..
عن العالم حضورك غير
وفيك [ الكل ].. متأثر !

تبي تقسى تبي تبعد ؟
وأنا أشتاق لك ويَّاك !
تعال إن جابك الموعد
أنا ما أبيك ( تتأخر ) !

حزين القلب ب غيابك
وفيه الجرح ما يصغر
أقول أشفى مع المُدَّه !
وأشوفه يكبر ..
و يكبر .....!

تدري وش معنى غيابك ؟
يعني " الموت " المحقق !
عمرك إنتَ شفت [ دفتر ] ..
من غلا شخص يتشقق !

يعلَم الله .. وش [ ظروفي ] ..
يا بعد عيني .. وشوفي ..
مدري وش فيها حروفي !
ما تبي تكتب ( أحبك ).. !
ليتك .. الليله " معايه " ..!

ليمتى وهذي السوالف ؟
كل ما جيتك .. تخالف !
قول إذا ع البُعد حالف
وما تبي ترجع لي ثاني !

قول ..
علمني ..
عشاني
لا تعلِّقني .. ب دربك
بين قلبي .. وبين قلبك !
ما أبي أكثر .. أعاني ..
ع الأقل , عطني [ نهايه ] ..!

من أماني لي أماني
في دقايق في ثواني ..
أحترق وأقول :
وينك ..؟
إيه وينك ..؟
وين عينك !
يمكن ب لحظه أشوفك ..
ويمكن إنِّي ما أشوفك !
وبين كل يمكن ....
أموت !
وأرجع أرجع للسكوت
يعني أرجع لل " بدايه " ..!




تدري وش يقهر غيابك ..؟
[ قلب ] في الغيبه سهر !
كل خلق الله إذكروني
وإنت ..
ما عندك خبر !

يعني ما هزِّك قصيدي ؟
كل ما تقرا ( جديدي ) !
ودِّي أسمع رَد / مُقنع :
وينك ب عيد الفطر ؟

كيف من غيرك أعايد ؟
ي اللي " متهنّي " ب عيدك ..
عطني الحل المُحايد
فيدني ...
الله يفيدك !

لا حياتي /
هي حياتي ..
و الصبر ؟
وين الصبر !
راح مثلك يا غلاتي
وما بقى فيني [ عمر ] ...!

عيد ..
وإنت بعيد عنِّي ؟
بذمتك هذا إسمه ( عيد ) !
كل من جاني يهنِّي
قلت :
دونك مو سعيد ..!

بس ....
تذكَّرني ب غيابك ..
والفَرَح يملي ثيابك :
عيدك مبارك حبيبي
وعيدي من غيرك ..
قهر !




تدري وش غيَّر غيابك ؟
غيَّر " غيابك " نصيبي !
غلطتك سدِّييييت ( بابك ) !!
و غلطتي ويَّاك : طيبي !

زين ما فكَّرت ....
فيني ؟
قبل لا تترك سنيني ؟
وش أسوِّي في " إيديني " ؟
ما تبي غيرك حبيبي !

من يشاركني حياتي ؟!
و " نصّي الثاني " ....
خذيته !!!
وش بقالي من غلاتي ؟!
وقلبي من شفتك ....
نسيته !!

من يحب إنسان ناقص ؟
ما معاه إلا " الجروح "
إنت في الغيبات راقص !!
وآنا [ موتي ] من تروح !

ما رضى قلبي جروحك
ليه ترضى لي جروحي !
إنت " أحزاني " طموحك !
وآنا أفراحك [ طموحي ] !!






- تدري ليه أكره غيابك ؟!
...... لأني في الغيبه / أموت
" ضيقتي " بعدك تجيني ,
و ( البُكى ) من غير صوت !

اسأل [ الضيقه ] : بديتي ؟
قالت إنّك فيها .... راضي ! .
دام قلبك صار – بيتي
لا يصير البيت { فاضي }

في غيابك شوف وجهي . . .
أدري متغيِّر عليك ,
كل شي " منّك " وحشني
: كل تفاصيلي تبيك :

ليه أشوفك في ( منامي ) ؟
ودوم أحس إنّي ب جنبك ؟
لو نويت / أقسى .... ب كلامي .!
أفقدك أكثر , و أحبك

تدري لو بيدي ؟؟ .. : كرهتك
بس ه الشي مو ب إيدي !!
شوف ب غيابك [ مدحتك ]
و ما رضى يذمِّك قصيدي ..




تدري وش " يحرق " غيابك ؟؟
إللي جايب لي / التعب ... ؟
( يحترق قلبي ) , لأنه :
قلب حبي .. من خشب !

لا تشب النار فيني . . .
وتشعل , أيامي , و سنيني
يا حبيبي كنت : أبكي :
و ما تطفّي النار - عيني !

حبي لك مثل " السحابه "
أعشقك و أروي ترااابك
مادريت ( الحُب غابه )
و إنت / ممنوع إقترابك

ما سمعت أصوات غيرك ... .
كنت أسمع بس [ صوتك ]
هذا شرّك , وين خيرك ؟؟
- ما تخاف إني أفوتك !

كلمة توصف لك عذابي ؟
يحرق إحساسي : غيابك
صرت أقرب من ثيابي .
و تحسد عيوني ثيابك !

صوتي , الباقي ( معايه )
و صوره { بروزها سكوتك }
إنت عايش ! في النهايه .......
و آنا ب الفرقى :أمووووتك




تدري وش شفت ب غيابك ؟
شفت وش يعني { السواد }
تلبس إنت الثوب الأبيض
وألبس " ثياااب " الحداد !

ينتكس ل إحساس فيني
- ما أشوفك ! وين عيني ؟
قلت للفرحه : أجي لك ؟
قالت آسف : لا تجيني !!

كنت أحلم في [ الخيانه ]
وصرت أشوف الحلم دايم !
يالله عاد / إكذب أمااانه
وقول إني كنت : نااايم !

الغياب . . . أثّر علي
ما أتحمّل . . أي شي !!
موتي كل لحظه أشوفه
ليه جبت الموت لي .؟

البقى براسك يا غالي
و عظّم الله فيك , أجري ..
في غيابك هذا حالي
في إيدي أحفر لي قبري !

¸ أحبك كثر ما ملت قصايدنا من التكرار .¸

احبك كثر ما قد صار احبك رغم ما قد صار
احبك كثر ما دنيا الزعل والصد مهجورة


احبك كثر ما تمطر بصدري من غلاك أمطار
احبك كثر ما صارت أراضي العشق ممطورة


احبك كثر ما تفتح شبابيك الربيع أزهار
احبك كثر ما غنت عشان الصبح عصفوره


احبك كثر ما تاقف على جنب الطريق أشجار
احبك كثر ما يقسى الشتاء وتهاجر طيوره


احبك كثر ما في الأرض بنت تلفت الأنظار
احبك كثر ما يرتاح عطر بصدر مغرورة


احبك كثر ما جاب المساء في معطفه زوار
احبك كثر ماجانا الصبح يشبهك نوره


احبك كثر ما تهدي كفوف الوصل من تذكار
احبك كثر ما شالت يدين العاشق زهوره


احبك كثر ما نقراء عن الفارس عن المغوار
احبك كثر ما نسمع ولا شفنا ولا أسطوره


احبك كثر ما تلعب بدنيا العاشقين أقدار
احبك كثر ما .. ذا الحظ يلعن قصوره


احبك كثر ماعاثت رياح بحسبة البحار
احبك كثر ما البحار يعشق نسمة بحوره


احبك كثر ما يحلف اللي منشغل بأعذار
احبك كثر ما في الناس ناس بجد معذورة


احبك كثر ما ملت قصايدنا من التكرار

احبك كثر ما الشاعر تمنى حب جمهوره


احبك كثر ما شفنا على وجه الزمن آثار
احبك كثر ما قلنا عن الأحوال مستورة


احبك كثر ما دارت بذهن الحالمين أفكار
احبك كثر ما في الخير ناس بالخير مذكورة


احبك كثر ما نرمى حكايات الحطب للنار
احبك كثر ما نسمع حكايات حب مشهورة


احبك كثر ما ضاق السجين بلعنة الأسوار
احبك كثر ما هاج البحر واجتاحته ثوره


احبك كثر ما ننسى واحبك كثر ما نحتار
احبك كثر ما يسهر محب وفي يده صوره


احبك كثر ما تقطع شفاتك في العسل مشوار
احبك كثر ما خدك يخلي الشمس مبهورة


احبك كثر ما روج عليك الحسن من أخبار
احبك كثر ما صدرك يدوخ الورد بعطوره


احبك كثر ما في عينك من السحر والأغوار
احبك كثر ما فيك الغلا ما وقت سطوره


احبك والزمن ساكن واحبك لو زماني دار
احبك يا مدينة حب وسط الصدر معمورة


احبك والتفت شاعر لعينك وانطرت أشعار
حلف ما يمسى الليلة قبل ما يكتب شعوره


ورتبتك بصدري وأنت تستاهل وراعي دار
تفضل قلب أوراق الغلا ويديك مشكورة


وذكرتك وأنت لو مثلك ذكرته هلت الأنوار
وقمت أجمع من أشواقي قصايد عشق منثورة


تلبست الجمال وقلت ابهديك القصيد أزرار
غلاك وصدق حبك ما ترك لي نفس مكسورة


أنا عاشق جمال وما خفاني في الجمال أسرار
أنا لا من كتبت أعطيك وأعطي العشق بك دوره


كتبتك في القصيد أبيات من حسنك عليك تغار
حروف العشق طفلة في ثياب العيد مسرورة


لقيتك و الدلع والثقل شله والحسن ثرثار
يقول أشياء كثيرة للعيون ويثبت حضوره


كفاية لو تطل ويفرح بطلتك دار وجار
كفاية لو تشوف الناس في نظرتك مأسورة


غرامك يغري حروف سقاها الصدق منك أمطار
كتاباتي بتشهد للغرام وتحفظ عصوره


احبك مهما ابتعدت عني بسبة الأقدار
احبك و احبك لو حبي توصله لك طيوره


احبك رغم ما قد صار .. احبك حيل مهما صار
احبك دام أنا طيب .. و أراضي العشق ممطورة

*لا تأسف على ما فات . وكن أقوى من غضبك وكن أقوى من الاستسلام للتعب فسيكون لديك وقت دائماً لشيء جديد .

*حاول أن تنسى دائماً أخطاء الماضي ، وأن تتجه إلى المستقبل دائماً .

*يجب أن تقضي أطول وقت ممكن في تحسين نفسك وبذلك لا يتسع وقتك لنقد غيرك من الناس.

: ~ تــــعلمــت 00"
أن أجــمل إبتسـامه هـي التي ترتسم على شفتي فـي عـز ألمــي
وأن أثمن الدمـوع وأصدقهـا هـي التي تنزل بصمت دون أن يراها أحد
وأن أفــرح مع الناس 00 وأحــزن لوحــدي 00 وأن دواء جـراحي الوحــيد
~ هــو رضائــي بقــدري ~

گثير الليے على گتفيے وصل حتى«حدود الغيم»
···وحاول بعدها نگران صوت الحق من بدريے
گثير الليے ح ـملته في «رموشيے» وگان له تـگريم
···وگانت خ ـنجره رد الج ـميل الليے طعن ظهريے
خ ـساره گنت احسبگ « للوفـا » ع ـنوان للتعظيم
···ولگن الظنون تخ ـيب قبل الناس لاتـدريے