إكرهيني

لا تجيني دام وصلك هو غــيــابــك
ولا تليني دام عـــطفـك هو عــذابك
- أمنتك الله - لا بغيتي تريحيني إكرهيني
وعلميني أكرهك علميني أشبهك
في خداعك ... في قسا قلبك وجورك
في عذابك ... في غيابك ... في حضورك
إمنعيني أبكي في لحظة غيابك
إنزعيني صفحة من داخل كتابك
شققيها ... ضيعيها ... إمسحي كل كلمة فيها
وإجمعي كل القصايد وإحضنيها وودعيها
وإنثريها في مهب الريح ياخذها معاه
وينثر أحزان القصيد في طريقه وفي سماه
وتثور هالريح بهواها ... وتمطر أحزاني معاها
بالعافية يا أغلى حبيبة ... إرتوي بحزني الكبير
وإشبعي من دمعي ياللي قد ظميتيني كثير
وإبكي عالفرقا وقولي إنه بعدي ذا مصير
ولا بكيتي إبني بدموعك بحور
خلي أحزانك تثور ... وإصرخي هالحب جور
وإكرهيني لأجل ألاقي عذر يبرر موقفي يوم أكرهك
ولأجل أقوى إني أدمر كل شعورك وأخسرك
آآآه يا أغلى حبيبة!!! شفتي كل هالتعب في حالتي
حتى التعب واصل مداه لبكوتي ولضحكتي
ماتصورت الحزن يسلب عيوني فرحتي !!!
ماتصورت الألم يظهر في صوتي وصرختي !!!
الهم أصبح لي عباه ... والحزن أصبح طرحتي
ياأرض وأوطان الألم ... يا موطني ويا غربتي
ياللي بكيتك مابكيتي مثل حرقة دمعتي
ياللي إحساسك يضيع عيشي مرة بموقفي
إن كنت لي نور وضوى قولي لشمعك ينطفي
وقولي لحبك يختفي وإكرهيني وعلميني أكرهك !!!


أتمنى أن تنال على إعجابكم


:: منقوووول:

يسلمووووو

يا كل الغلا

يسلموووو ياروحي

دلوعه
شكرلمرورك الجميل

رهين
مرورك شرف لي

كلمأإأت قمة في الروعة

ابدعتي في طرحك يالغ ـــــــــلأإأإ

دمتي ودام قلمك يسطر كل ماهو مبدع

مودتي..~