ساير زمانك

ساير زمانك وانتبه تعكس السير
وسمح الجناب اللي يراعيك راعه
ربعك حزامك فالليال المعاسير
صدرك عليهم لايضيق اتساعه
قد قالو اللي يحكمون التعابير
ترى يد الله مع يدين الجماعه
حذراك دينك لا يجي فيه تقصير
لا ضاع دينك ماش غيره طماعه
إبليس لو زيّن دروب المحاذير
أبعد عن اللي مايجوز أتباعه
عقب المنيه ما تفيد المعاذير
واللي يطيع إبليس ماله شفاعه
أشر الرفيق اللي يعينك على الخير
وبيع الردي فالسوق بيع البضاعه
لازم يجي من صاحب السوء تاثير
يدوّر اللي يخشره في ضياعه
اللي يحمل المسك ماينفخ الكير
ومن جالس المقرود ياخذ طباعه
كم من كبيرٍ بالعقل عمره صغير
وكم من كبير بعقل سن الرضاعة
لا تستشير إلا حكيم التدابير
رجلٍ تفيدك خبرته وأطّلاعه
العاقل يشاور هل العرف ويشير
وكل(ن)ً على ماقيل حسب أقتناعه
الطيب يبدي فالوجيه المسافير
يبدي كما نور(ن) توهج شعاعه

روعة تلك الكلمات قلم يخط أجمل العبارات


يخط أعذب الهمسات كلمات بالفعل لا أعرف


كيف أصفها لما تحمله من همسات وجدانية راقية


إبداع رائع من أول كلمة إلى آخر كلمة


فها أنا أسطر إعجابي بكلماتك العذبة السامية


أعجبت في صفحات هذا البستان الراقي

ممتنه لمرورك ي الصقر