غريب ٍ مالقى موطن يسمونه غريب أوطـان

يموت الحر مايكشف طعون الوقت للعـدوان
وتموت بداخله دمعه سببهـا وقتـه القاسـي

تحاكي عامه الماضي جروح ٍ نزفها كتمـان
يغيب العذر وغيابه يحطـم جملـة أوناسـي

أساير خافقٍ مـل الحيـاة ويرتجـي نسيـان
يقفي صبره الظالم وهمه بالحشـاء رأسـي

الا ياقلب كم مره سرى بك هاجس الحرمان
تخاوي ظلمةٍ عاشت سنين بداخـل حساسـي

والا ياقلب كم مره غدربك وقتـك الخـوان
بعد طعنه عرفت أنه قوي الضيـم والباسـي

حزين الحال وش ذنبه تعثر بـأول الأزمـان
يشوف الهم بأعيانه غريب أطباع وأجناسـي

أبنشد ياقمر لا لا تجاهل من سـأل حيـران
وكل طير ٍ على نور الصبح للخير عساسـي

هنيالك ترفرف بالهنـاء ماصابـك الخـذلان
وأنا همي يعاندني ويسبـق لقطـة أنفاسـي

رحلتي والعرب يرجون شوف الوابل الهتان
وعرق ٍ نابض بحبك حسافه صابـه إيباسـي

رحلتي والخفوق اللي نوى في غيبتك سلوان
عجز ينسى معالم حب يرجف خوفة أفلاسي

نذر عمره لاجل يقرب ديارٍ ضمت الخـلان
حسافه كل مايقرب يحـس بطعنـة الناسـي


غريب ٍ مالقى موطن يسمونه غريب أوطـان
يخيله بعـد فقـدك غـلاك بكـل مجلاسـي

إذا زانت لك الدنيا وقلبـك نـاوي ٍ هجـران
تجمل بالعذر خطٍ أضمـه وسـط كراسـي

تشوف الخلق بالحسره فعايل بالغدر إنسـان
ترك محبوب جفنه وسط بحر الحزن غطاس