قصيدة بمناسبة رجوع سيدي ولي العهد الأمير/ سلطان بن عبدالعزيز آل سعود بالسلامة

ياطيرغـرد وازهــري يانـواويـر
وياشمس طلـي وإنزحـي ياغمامـه
ويانفـس زفـي للوجيـه التباشيـر
وياجفن كف مـن البكـاء والندامـة
من هالدقيقـة مـا للأحـزان تبريـر
برجـوع أبـو خالـد لنـا بالسلامـة
مادام سلطـان الكـرم حـي وبخيـر
ماعـاد ننشـد لـو تقـوم القيامـة
بشت يذري عـن عجـاج المعاصيـر
ووجـه يـرد ارواحنـا بابتسـامـة
وكف يجـود بـلا حـدود ومعاييـر
وشهامـة مابعدهـا مـن شهـامـة
أكرم من الـي ماخـذ الجـود تبذيـر
وأصدق من إعتاب الخوي في خصامه
وأشد من ضرب السيـوف البواتيـر
وأجـل مـن وصـف يحـدد مقامـه
سلطـان ياقـرم يـقـود الطوابـيـر
ياسيـد الجيـش السعـودي وإمامـه
ياميـر مايلحقكـم الـشـك يامـيـر
ولا غيركم ياأهـل الزعامـه زعامـه
الله مدبـر فيكـم الـعـدل تدبـيـر
ومعكـم يسـو دم البـلاد ونظـامـه
وإن كان للفتنه على الشعـب تأثيـر
يمكـن تـزود وحدتـه وإلتحـامـه
الحكـم حكـم الله ولا فيـه تغيـيـر
ودوامكـم ياسيـدي مـن دوامــه
والله لا عنتـر ولا سـالـم الـزيـر
يقدر يزعزع بأرض الإسـلام هامـه
مادام صقـر المملكـة حـي وبخيـر
وما دام أبو خالـد رجـع بالسلامـة
هلت على الشعب السعـودي تباشيـر
وقامت على حزب الضـلال القيامـة

يستاهل سيدي

والحمد لله على سلامته

لاهنت

قرت عيون الناس بقدوم سلطان
وستبدل الله غمنا بابتسامه
يا سيدي شوفتك عيد للأوطان
والحمد لله جينتنا بالسلامه
يستأهل سيدنا أبو خالد عساه على القوه
ودي ومحبتي

يعطـــــــــيك
العـــــافيـــــــه

الحمد لله على السلامه

يعطيك العافيه ويسعد قلبك

المشاركة الأصلية كتبت بواسطة رهين الشوق

يستاهل سيدي

والحمد لله على سلامته

لاهنت

مرورك انار متصفحي

المشاركة الأصلية كتبت بواسطة نايف

قرت عيون الناس بقدوم سلطان
وستبدل الله غمنا بابتسامه
يا سيدي شوفتك عيد للأوطان
والحمد لله جينتنا بالسلامه
يستأهل سيدنا أبو خالد عساه على القوه
ودي ومحبتي

مرورك انار متصفحي

المشاركة الأصلية كتبت بواسطة موعد مع القمر

يعطـــــــــيك
العـــــافيـــــــه

منوره يالغلا

المشاركة الأصلية كتبت بواسطة عاشقة الدموع

الحمد لله على السلامه

يعطيك العافيه ويسعد قلبك

الله يعافيك ياغلا منوره

قصيده رائعه..

الله يعطيك العافيه يالغلا...