░▒▓◄سجّـل حضـوركـ ببيـت مـن الشعــر►▓▒░

‏تبعنا الهوى يوم الهوى له طراه و ذوق . .
و تركنا الهوى يوم الهوى ضاع قانونه

ياسخافات السكوت ومتعبات الهمهمه
ياانكسارات الحروف الي تراجف خايفه
ياضياعات المعاني في شفاه الترجمه
يااختناق الهرجه الي فالمحاني طايفه
ياكلام العين يالي كل قلب يفهمه
ليه تسكت عن غرام في عيونك شايفه
ليه ياصوت الحناجر كل بوح تكتمه
ضاقت انفاس المشاعرلين ماتت واقفه
بوحي

’لاتَعَبْ " قلبِكْ " مِنْ الدِنيا وضَاقْ .. !
لاتبيّنْ / حتَى لو [ جَرْحِكْ ] عميقْ ..
- عِزْ نفَسِكْ - حتى لو شِفتْ الفُراق ْ ~
مُوتْ شامخ يارفيِقي لا [ تضِيقْ ] .. !

انا احمدلله ماعلى خاطري غير
فرض الصلاة وطاعة الوالديني
واعرف بأن الرزق يبدا مع الطير
مكتوب للانسان يومه جنيني
والعمر مهما طال يالفاهم قصير
محد يبي يعمر طوال السنيني
لكن عسى الله يجعل اعمالنا خير
ويكتب لنا الأحسان في كل حيني
بوحي

‏اثقل اذا شفت المجالس خفيفه
واليا تعدت حدها استأذن وقم
-
دور وتلقى أهل القلوب النظيفة
اترك وجيهٍ شغلها الشتم والذم
-

على هدوء الليل ياخافقي هد
تلقى بجو الليل جو السكينه
خذ راحتك ياقلب فيه وتنهد
واجذب ونينك لين يقضي ونينه
واترك نجوم الليل ياقلب تشهد
وابعدعن اجواء البشروالمدينه

بوحي

‏الشوق والاحساس والحب لك انت
ولا ترى غيرك من الناس عادي

لاهان قلبن شايلك وانت لاهنت
حيثك وسط قلبي وداخل فؤادي

انا جديدي جرح من جور الأيام
هذا جديدي كان تبغى جديدي
فيني جروح ضايمتني من اعوام
متغلغله بالروح داخل وريدي
يكفي على قلبي من الهم منضام
ارجوك لا تترك جروحي تزيدي
لوباح مكنوني فلانيب مـلام
من حر مافيني يذوب الحديدي

بوحي

تكفي طلب واحد وكل اللي تبي يفداك
دخيلك لو يطوووووووول البعد لا تغلط وتنساني

وتسألني عيون اهل الهوى منهو غريب الدار ؟
واقول لي سكن جو الشموخ وعزته داره
وسط قلبه كتم حس المشاعر والمشاعر نار
يعشق الصمت عن بوح الغلا لوتحرقه ناره
تغيب الشمس ويبان الشفق والليل ابو الأسرار
وتبدا للمسا قصة غريب الدار واسراره
من كتاب الهموم الي بصدره والضلوع اسوار
يسولفها على نجم السما لاطاحت اسواره
هذاك الي لمكنونه جعل لون الظلام ستار
توشح به عن عيون العذول وحطه ستاره
بوحي