░▒▓◄سجّـل حضـوركـ ببيـت مـن الشعــر►▓▒░

يابنت قولي كيف حب بلا شوق
راعي الهواء والحب يــــزداد شوقه

يابنت قولي ويش يعني لك الذوق
انتي غنــات القلــــب حــــــبه وذوقه

يابنت حبك يسكن القلب من فوق
الا بعد حـبك ســـــكن فـــــي عروقه


يابنت والله ماتمنــــــيت مخلوق
غيرك ولا ابغي من العذارى مخلوقه


انتي غنات القلب واغلا من الموق
يانـــور عيــــــني يابعـد نــــور موقه


القلب مني ياهل العرف مسروق
خلي سلـــــب قلــــبي وخلــي سروقه


حب الوفاء ماهو كما ناوي البوق
اللــــي مـــــع الايــــــــام يـــزداد بوقه


الحب ماهو ســــــلعة داخل السوق
حب الشرف لا اهل الشرف زان سوقه


الحب يالجاهل علـــــى كل طاروق
ياجـــــــاهله هـــــيا تعــــــلم طـــــروقه


الحــــب له ســــــيف بريع وفاروق
الحـــــب بيــــن النـــــاس بانــت فروقه


وانا اشهد ان قلبي من الحلب محروق
البــــــعد والهجــــــران زادة حـــــروقه


لي صاحــــب دونه مخاييل وابروق
لعــــل مـــع الايــــام تقــــرب بـــــروقه


ياليتني من الحب ســـــــالم ومعتوق
الحـــــب والله مايعيـــــــــش معتــــــوقه


الحق حــق ولاتنــــــــازلت محقوق
يامـالكــــي للقلــــب ســــــلم حقـــــــوقه


قالوا جنوبي قلت واحب الاشروق
احــــب نور الصــبح محلــــــى شروقه


انا عشقت وكــــل عاشق له احقوق
ما ارضـــى يكــــــون اخذ حلاله ونوقه


اخاف مع الايــــــام يشملني العوق
ويـــــــزيد هــــم القلــــب هــــــم يعوقه


قلبي اسير الحـــــب واغيب وافوق
واصحى على طـــــاريه فـــي كل فوقه


انا حلفت اعيـــش واموت ما ابوق
وخيل الــــوفى والله لا اركـــــب سبوقه

يابنت قولي كيف حب بلا شوق
الحـــــب نـــار ونــــار والنــــــار شوقه