░▒▓◄سجّـل حضـوركـ ببيـت مـن الشعــر►▓▒░

من قسوة الأيام " جيتك " كارهٍ نفسي ,,
لو قلتلي : وش فيك ؟ بكيت وقلت [ محتآآآآجك ]

اكتب لها حلوالقصايد والأبيات
واكتب خواطرصادق العشق فيها
واجي على الموعد مع الشوق لهفات
اسابق اوقات اللقاء واحتريها
يمكن تجي واروي قصيدي حكايات
سوالف عين الغرام تحكيها
ويروح كل الليل وتغيب نجمات
وانا على رجوا وعوده يجيها
مغيراعاتب سرعة الوقت بسكات
واشره على وقتي ولا اشره عليها



خيال

اكتشفت ان القصايد لو تعبر عن غلاك
شابت حروف القوافي وانعدم وزن القصيد

..كانك نويت الهجر.. قبلك نويته
..قربك غدى في ناظري مثل فرقاك
..ماعاد أبي وصلك وحبّـك نسيته
..غيرك كثير وراحة القلب جفواك
..ماوالله أحدٍ في حياتي رجيته
..لاتنتظر لحظه أجي وأترجّاك
..حبّـك رحل عن خافقي مابكيته
..لاتحسب إنّي ميّت فيك وأهواك

ســـكر غـرامك ذوب القلب والروح
وشــربت كأســه يالغــلا من كفوفك
ياورد يااللـــي بالــوفا طــيبه يفــوح
من شــم عـطرك كم تمنى قـــطوفك

رح واسأل الغربة عن دروب رحال
لاتسأل الرحال عن درب غربه
ماله مع العالم مساكن ومنزال
مساكنه ترحال والبعد دربه
كل الأماكن ماطرت له على البال
الا المكان الي تشوق لقربه
ذاك المكان يغني القرب موال
وترقص مداهيله من الشوق طربه
وتردد ركونه من الجال للجال
يامرحبا فرحة حبيب بحبه
ترتاح به نفس غدا حالها حال
ويلقى بهاقلب المشواويرطبه
خيال

لا يغرك لا ابتسمت وقلت : عادي..!
الحزن أحيان تكسيه إبتسامه ..!
ولا تقول أقفى وهو ساكت وهادي ..!
قول خانت لحظة الفرقا كلامه..!

يشره عليك المسا وتضيق حزات الغروب
والنهار يغمض عيونه على دمعة قهر
والشفق لونه تغير صاير لونه شحوب
كنه يقول انها ليلة تتطاول بالسهر
والقمرعن طلته وسط السما صار محجوب
ليش غايب والسماماضمته غيمة طهر
شفت غيابك بس ليلة ضيق الكون الرحوب
وش يصير بجو دنيانا لوغيابك شهر
طالبك عن غيبتك في ليلة الموعدتتوب
لاتزعل خاطرالأكوان واحساس الدهر

خيال

يا مرحباء فيك يالي دايما غالي
فديت صوتك وباقي شوف هالطله

من اول الوقت غالي مهو بتالي
اعذب من انغام صوتا جر له شله

الا يا بعد هالبشر او يا بعد حالي
سبت غلاتك كرهت ارقام خلق الله

عجل علي ان كان دليت دربي
ان كان قلبك في غرامه يبيني
محتاج اسولف لك عن اشواق قلبي
واحكي وافضفض عن خفايا كنيني
يمكن الاقي فيك عنوان حبي
واعطيك من زايد غلاي وحنيني
خيال