نبضات رهين الشوق

من أجملـ ما كتب البــدر ..




(( إنشد البحار ))


أنشد البحار على سر الحنين
عن قصيد البحر .. وجروح السفين
عن حبال الشوق تظمأ للشطوط
عن حروق الملح في شفاه السنين
ما عرفت الغوص في اليم المخيف
ولا رهنت العمر في الدر الثمين
جيت أنا من نجد .. في قلبي الرياض
وفي عروقي التهم .. والبيت الأمين
في كفوفي تصرم نخيل الحسا
ومن ذواري الرمل غادي لي جبين
جيتكم .. والعشق يطرحني سؤال
هو صحيح الشط له صدر ويدين
عانقتني بيوتكم .. وأنا بعيد
ما عبرت الجسر .. ما شفت القطين
ياهوى البحرين مريت الديار
عابرٍ والقلب باللهفة ضنين
لين حطت بي رحالي في هواك
وانبعث نبع المحبة في الكنين

&&

((الأربعين ))


ادري ان الوقت يذهب ما يعود
اربعينٍ فارقتني يالعنود
ماطر الايام من غيم الزمان
ما يبل الريق لو مهما يجود
كم شربته صافيٍ بارد قراح
ما دريت ان الظما سر الوجود
كل شمسٍ تلمس اشجار العمر
تحرق الاوراق وتجف الفنود
وكل ريحٍ تدفع شراع العمر
ينقطع به حبل ويميل العمود
اربعين مرت وتوني صغير
انتظر لعل تصدق لي الوعود
والغريب اني على هذا مغبوط
ادري اني بخير لا شفت الحسود
الزمن يا بنيتي كله زوال
ما تخلد كود لحظات السجود
&&

((أول الناس))

اول الناس انتي .. وكلهم ..
وآخر اللي عيوني .. تملهم ..
لو تحبيني .. هذا يكفيني ..
اسكني عيني .. ونامي ..
انتي يانوري .. وظلامي ..
ياقمرهم .. كلهم ..
أعدل الناس .. وازينهم خجل ..
واغلى من الناس .. في وقت الزعل ..
واجمل اللي حصل لي .. وماحصل ..
لو تحبيني .. هذا يكفيني ..


&&

(( الله يرد خطاك ))


الله يرد خطاك لدروب خلانك ..
لعيون ما تنساك لو طال هجرانك ..
دام الأمل موجود فالنفس خضاعه ..
حق العيون السود السمع والطاعه

الله يردك لي .. يا مطول غيابه ..
يا معذبي هجري .. مدري وش أسبابه ..
دام الأمل موجود .. فالنفس خضاعه ..
حق العيون السود السمع و الطاعه ..

ياللي بعدك اليوم .. نبكي على باكر ..
صبري عليك يدوم .. مادمت أنا فاكر ..
إن الأمل موجود .. فالنفس خضاعه ..
حق العيون السود السمع و الطاعه ..



وتبقىـ هذه الحروفـ نقطة في بحر البــدر ..